قازاقستان پرەزيدەنتى تابىس اكەلەتىن ستارتاپتار قۇرۋعا شاقىردى
قازاقستانعا مول تابىس اكەلەتىن ستارتاپتاردى قۇرىپ، ولاردى ىسكە قوسۋ قاجەت. بۇل تۋرالى سيفرلاندىرۋ ماسەلەسىنە ارنالعان رەسپۋبليكالىق كەڭەستە نۇرسۇلتان نازاربايەۆ ايتتى.
«ەكىنشى جاعىنان سيفرلاندىرۋعا ءبىز پراگماتيكالىق كوزقاراس تۇرعىسىنان قاراۋعا ءتيىسپىز. بۇل تۇبەگەيلى باسىمدىق الۋ مۇمكىندىگى - ونىمدىلىك، كاپيتالداندىرۋ، كىرىستەر. ماسەلەن، ءبىز General Electric-پەن بىرگە ەلەكتروۆوزدار ءوندىرىسىن ىسكە قوسقانىمىزدى ماقتان ەتەمىز. ونىڭ ونىمدىلىگى 1 جۇمىسشىعا 100 مىڭ دوللاردى قۇرايدى. ءبىز «مىنە كەرەمەت!» دەيمىز. بۇعان جاقىنداۋ كەلەتىن باسقا سالا جوق. ەڭ ۇزدىك كومپانيالار ENRC مەن «قازاقمىس» سانالادى. ولاردىڭ ونىمدىلىگى 40-50 مىڭ دوللار. ءبىز مۇنى دا جاقسى دەپ باعالايمىز. ءبىراق، بۇل دۇرىستاپ قاراساق ونشا ەمەس. ولاردا 50-100 مىڭ ادام جۇمىس ىستەيدى»، - دەدى نۇرسۇلتان نازاربايەۆ.
پرەزيدەنتتىڭ پايىمىنشا، سيفرلاندىرۋ جاعدايدى تۇبەگەيلى وزگەرتەتىن بولادى.
«50-60 مىڭ دوللار. بۇل، ماسەلەن Facebook-تەن 45 ەسە از. قالعاندارى جايىندا نە ايتۋعا بولادى؟ ءبىزدىڭ ەڭ الدىڭعى قاتارلى «الاتاۋ» اقپاراتتىق تەحنولوگيالار پاركىمىز 2016 جىلى 20 ملرد تەڭگە تابىس تاپتى. ءبىز مۇنى جاقسى دەدىك. الايدا ول Ethereum تابىسىنان 38 ەسە از. مەن مۇنىڭ بارلىعىن ءوزىمدى سىناۋ ءۇشىن ايتىپ وتىرعانىم جوق. تولىقتاي العاندا قانداي ماقساتتارعا ۇمتىلۋىمىز كەرەكتىگىن ايتىپ وتىرمىن. وسىنداي ستارتاپتاردى قازاقستاندا قۇرىپ، ولاردى ىسكە قوسۋ كەرەك. ءبىز ەكونوميكا تابىسىنىڭ ارتۋى مەن وسىمىنە قول جەتكىزۋگە ءتيىسپىز»، - دەدى قازاقستان پرەزيدەنتى.
You Might Also Like
-
ءبىلىم بەرۋ سالاسىن جان باسىنا قاراي قارجىلاندىرۋ جۇيەسى مەكتەپتەر اراسىنداعى باسەكەلەستىكتى كۇشەيتىپ، ءبىلىم بەرۋ ساپاسىن كوتەرەدى دەگەن جوسپار بار. ق ر قارجى ءمينيسترى باقىت سۇلتانوۆتىڭ ايتۋىنشا، كەل...
-
بۇقارالىق اقپارات قۇرالدارىنىڭ باسىن قوسىپ، قوعامدى تولعاندىرعان ساۋالدارعا جۋرناليستەر ارقىلى جاۋاپ بەرۋ ەلباسى نۇرسۇلتان نازاربايەۆتىڭ پرەزيدەنتتىك قىزمەتىنىڭ ءبىر قىرى. بۇنداي ءداستۇر بۇگىن دە جالع...
