InfoHub Logo

ۆMG كومپانياسى وزبەكستان ەلىندە ءبىلىم بەرۋدىڭ پيلوتتىق جوباسىن باستاعانىن قۋانا حابارلايمىز. ايتا كەتەيىك، سيفرلىق رەسۋرستاردى ءبىلىم بەرۋ جۇيەسىنە ەنگىزۋدىڭ ۇزدىك ناتيجەسىنە سۇيەنگەن وزبەكستاننىڭ حالىققا ءبىلىم بەرۋ مينيسترلىگى ءبىزدىڭ كومپانيامىزعا ۇسىنىس جاساعان ەدى.

جوبانىڭ ماقساتى — ەكى ەل اراسىندا تاجىريبە الماسۋ جانە اقپاراتتىق كوممۋنيكاسيالىق تەحنولوگيالاردى ءبىلىم بەرۋ جۇيەسىنە ەنگىزۋ. وسىلايشا BMG كومپانياسى تەك قازاقستاندا عانا ەمەس، شەت ەلدەردە دە ءبىلىم بەرۋ جۇيەسىن وڭتايلاندىرىپ، زامانعا ساي يننوۆاسيالىق تەحنولوگيالاردى قولدانۋ ارقىلى ءبىلىم بەرۋدى ساپالى، ءارى قولجەتىمدى ەتۋدى قولعا الىپ وتىر.  

ءبىلىمنىڭ ءقادىرىن تۇسىنەتىن جانە ءبىلىم بەرۋدە تەحنولوگيانىڭ پارمەنىنە سەنەتىن ەنتۋزياست-مامانداردان قۇرالعان بىلىكتى ماماندار كومانداسى بۇگىنگى تاڭدا كورشى ەلگە ماڭىزدى ميسسيامەن اتتاندى. پيلوتتىق جوبانى ىسكە اسىرۋدىڭ الدىندا وزبەكستاننىڭ حالىققا ءبىلىم بەرۋ مينيسترلىگىنىڭ وكىلدەرى ءبىلىم بەرۋ رەسۋرستارى جايىندا ۇستازداردان تىكەلەي پىكىر الۋ ءۇشىن ارنايى الماتى قالاسىنا كەلىپ، BMG كومپانياسى ادىسكەرلەر مەن بىرنەشە مەكتەپكە ارناپ وتكىزگەن شەبەرلىك ساباقتارىنا قاتىسقان ەدى.   

باۋىرلاس وزبەكستان ەلىندەگى اتقارىلاتىن اۋقىمدى جۇمىس بارىسىندا ۇستازدارعا دا، وقۋشىلارعا دا اقپاراتتىق-كوممۋنيكاسيالىق تەحنولوگيالاردى قولدانۋدىڭ تيىمدىلىگىن كورسەتۋ كوزدەلگەن.  

اتاپ ايتقاندا، وقۋشى ءۇشىن:

1. ساباققا دەگەن ىنتاسىن ارتتىرۋ؛

2. تانىمدىق قىزىعۋشىلىقتى ارتتىرۋ؛

3. اقپاراتتىق جانە كوممۋنيكاتيۆتىك ءبىلىمدى قالىپتاستىرۋ؛

4. تانىم-تۇسىنىگىن كەڭەيتۋ. 

ۇستاز ءۇشىن:

1. ساباق بارىسىندا ۋاقىتتى ۇنەمدەۋ؛

2. ماتەريالداردى جان-جاقتى تالداۋ؛

3. ىنتالاندىرۋدى ارتتىرۋ؛

4. اۋديو جانە ۆيدەو ۇلگىدەگى مۋلتيمەديالىق ماتەريالداردى ءبىر ۋاقىتتا قولدانا الۋ.  

جوبانىڭ العا قويعان ماقساتى ايقىن. ءبىرىنشى كەزەكتە ۇستازدار مەن وقۋشىلاردىڭ ىنتاسىن ارتتىرۋ، ءبىلىم بەرۋدى دەربەستەندىرۋ. Bilimland كومانداسى ءبىلىم بەرۋدىڭ جاڭا فورمالارى مەن ادىستەرىن جۇزەگە اسىرىپ، جاڭا پەداگوگيكالىق ادىستەمەلەردى قولدانۋداعى حالىقارالىق تاجىريبەلەرگە دەن قويادى.  

جوبانى جۇزەگە اسىرۋ بارىسىندا وزبەكستاننىڭ 10 مەكتەبى كومپانيانىڭ جەكە قارجىسىنا BilimLand، iTest، Twig-Bilim، iMektep رەسۋرستارى جۇكتەلگەن دەربەس كومپيۋتەر، پروەكتور جانە ينتەراكتيۆتى تاقتالارمەن جابدىقتالماق.  

ۇيىمداستىرۋشىلاردىڭ جوباعا ارتقان ءۇمىتى وراسان زور. سەبەبى BilimLand ينتەراكتيۆتى ءبىلىم بەرۋ پلاتفورماسىندا 45 000-نان استام ساباق بار. سونىمەن قاتار، ورىس جانە اعىلشىن تىلىندەگى ساباقتارمەن قوسا، ماتىندىك، ۆيدەو جانە اۋديوماتەريالدار، ينتەراكتيۆتى تاپسىرمالار مەن تەستىلەر، سيمۋلياتورلار مەن جاتتىقتىرعىشتار ءبىلىم بەرۋدى ساپالى ەتىپ قانا قويماي، ءمۇعالىم مەن وقۋشىعا دا وقۋ بارىسىن ايتارلىقتاي جەڭىلدەتەدى دەگەن سەنىم مول.  

ايتا كەتەرلىگى، ءبىزدىڭ ەلەكتروندى رەسۋرستارىمىزعا ەلىمىزدىڭ 7 000-نان استام مەكتەبى، جوو، كوللەدج بەن بالاباقشا قوسىلعان. ال جەكە قولدانۋشىلار سانى بۇگىنگى تاڭدا 1 ميلليوننان اسىپ جىعىلادى. بۇل ستاتيستيكالىق مالىمەتتەر BMG كومپانياسىنىڭ رەسۋرستارى قولدانۋشىلارىنىڭ سانىن عانا كورسەتپەي، ءسوزسىز، ءارى قاراي ساپالى كونتەنت دايارلاۋعا، ونى دامىتۋ مەن وڭتايلاندىرۋعا جىگەرلەندىرەدى. سەبەبى ءبىلىم الۋ — سان قيلى ارەكەت ءتۇرىن قامتيتىن اسا كۇردەلى، ءارى ۇزدىكسىز پروسەسس. وعان قاتىساتىن ءار ادامنىڭ ءوز قابىلەتى، ءوز ىرعاعى مەن تالعامى بار. ال ءبىلىم بەرۋ سالاسىنىڭ قازىرگى ماقساتى — مەملەكەت پەن قوعامنىڭ، سونىمەن قاتار جەكە تۇلعانىڭ ەڭ وزەكتى قاجەتتىلىكتەرىن قامتىپ، باسەكەلەستىككە قابىلەتتى تۇلعا مەن سۇرانىسقا يە بولاتىن مامان دايىنداۋ. ءبىلىم بەرۋ سالاسىندا قىزمەت ەتۋ — اسقان جاۋاپكەرشىلىكتى تالاپ ەتەتىنى انىق. سوندىقتان ارتىلعان جاۋاپكەرشىلىكتىڭ سالماعىن سەزىنە وتىرىپ، كومپانيا ۇجىمى وزبەكستان ەلىنىڭ ءبىلىم بەرۋ جۇيەسىنە جاڭا سەرپىن بەرەمىز دەگەن نيەتتە. جوبا تەك ءبىلىم بەرۋ سالاسىندا عانا كورىنىس بەرىپ قانا قويماي، قازاقستان مەن كورشىلەس وزبەكستان اراسىنداعى باۋىرلاستىق بايلانىستى بەكەم ەتەدى دەگەن سەنىم مول.

bilimland.kz

---