قىلمىس دەڭگەيى تۇرعىسىنان الەمدەگى ەڭ ءقاۋىپسىز جەر
تۇندە ەسىكتى جابۋ، ۆەلوسيپەدتەردى شىنجىرلاۋ نەمەسە اۋلادا ويناپ جۇرەتىن بالالار ءۇشىن الاڭداۋدىڭ قاجەتى جوق بولعانى تاماشا عوي. بۇل جاعىنان العاندا جەر شارىنداعى ەڭ ءقاۋىپسىز ورىن فارەر ارالدارى بولىپ تابىلاتىن سياقتى.
مۇنداي مالىمدەمەنى تۇرمەلەردەگى باس بوستاندىعىنان ايىرىلعانداردىڭ سانىنا قاراپ جاساۋعا بولادى. قازىرگى تاڭدا فارەر ارالدارىنىڭ تۇرمەسىندە التى ادام وتىر. ول ەلدە 100 مىڭ ادامعا شاققاندا 12 ادام جازاسىن وتەپ جاتىر. مىسالى، قازاقستاندا 168، رەسەيدە 375، اقش-دا 655 ادام. (مالىمەتتەر prisonstudies.org)
فارەر ارالدارى — بۇل دانيا كورولدىگىنىڭ دەربەس وبلىسى. ولار اتلانت مۇحيتىندا شامامەن شوتلانديا مەن يسلانديانىڭ اراسىندا جاتىر. 1948 جىلدان بەرى بۇل وبلىس ىشكى ماسەلەلەرىنىڭ بارلىعىنا دەرلىگىن ءوزى شەشەدى. دانيا تەك فارەر ارالدارىنىڭ ادىلەت ماسەلەلەرى، پوليسيا، قورعانىس جانە ۆاليۋتا ماسەلەلەرىنە عانا جاۋاپتى.
بۇل ارالداردا 48 مىڭنان ءسال استام ادام تۇرادى. وعان قوسا ولار كەرەمەت كورىكتى جەردە تۇرادى دەپ نىق ايتۋعا بولادى. وندا ءتۇرلى سارقىرامالار مەن جاسىل جايلاۋلار بار، ال اينالاسى مۇحيت. ول جەردە تاماشا تولقىندار بولىپ تۇرادى، ياعني سۋىققا ءتوزىمدى سورفەرلەر شارتاراپتان وقتىن-وقتىن تولقىندى باعىندىرۋعا كەلىپ تۇرادى. فارەر ارالدارى — مىندەتتى تۇردە بارىپ قايتۋ كەرەك تاعى ءبىر جەر. ول جەردىڭ تابيعاتى تاماشا عانا ەمەس، سونداي-اق وندا قىلمىس جوقتىڭ قاسى. ولاي بولۋى زاڭدى دا، ارالداردا تۇراتىندار سانى از، وندا ءاربىر ادام — تانىسىنىڭ تانىسى نەمەسە ءتىپتى تۋىسى بولىپ شىعادى.
You Might Also Like
-
ۆMG كومپانياسى وزبەكستان ەلىندە ءبىلىم بەرۋدىڭ پيلوتتىق جوباسىن باستاعانىن قۋانا حابارلايمىز. ايتا كەتەيىك، سيفرلىق رەسۋرستاردى ءبىلىم بەرۋ جۇيەسىنە ەنگىزۋدىڭ ۇزدىك ناتيجەسىنە سۇيەنگەن وزبەكستاننىڭ ح...
