InfoHub Logo

ءبىر ۇيگە قوناق كەلىپ وتىر ەكەن. بايبىشە قازان كوتەرىپ، ەت سالادى. الگى ءۇيدىڭ ادامدارى قۇمىرسقاداي قىبىرلاپ ءبىرى كىرىپ، ءبىرى شىعىپ جاتادى.  قوناق قازىقتاي قاعىلىپ تاپجىلماستان وتىرا بەرەدى. قازان قايناعان كەزدە بايبىشە كەلىپ، قازانعا ءبىر ۋىس تۇز سالىپ كەتەدى. ودان كەيىن توقال  كەلىپ تاعى ءبىر ۋىس تۇز سالىپ، ول دا شىعىپ كەتەدى. ەڭ سوڭىنان كەلىنى كەلىپ، قازاننىڭ قاقپاعىن اشىپ كورەدى دە، كوبىگىن قالقىپ تاستاپ، ءبىر ۋىس تۇز سالىپ، ول دا شىعىپ كەتەدى. قوناق بۇلاردىڭ بارلىعىن تاڭىرقاپ كورىپ، بايقاپ وتىرادى دا، ءۇي يەلەرى شىعىپ كەتكەن كەزدە ول دا قازانعا ءبىر  ۋىس تۇز سالىپ قويادى.

ءۇي ادامدارى جينالىپ استى ءتۇسىرىپ، الدىنا الا بەرگەندە، بايبىشە تاماقتىڭ ءدامىن تاتسا، ۋداي اششى ەكەن.

— يباي-اي. مىناعان نە بولعان، ۋداي عوي. مەن ءبىر-اق ۋىس تۇز سالىپ ەم عوي! — دەيدى.

— شەشەي-اۋ، ءسىز سالماعان شىعار دەپ مەندە ءبىر ۋىس تۇز سالعانمىن، — دەيدى توقال.

— سىزدەر ۇمىتقان شىعار دەپ مەن دە ءبىر ۋىس تۇز سالىپ ەدىم، — دەيدى كەلىنى.

سول كەزدە قوناق وتىرىپ:

— بۇل ءۇيدىڭ كىسى باسى ءبىر ۋىس تۇز سالۋ ادەتى شىعار دەپ، مەن دە ءبىر ۋىس تۇز سالىپ ەدىم، — دەپتى.

---