جەتىستىككە جەتەلەيتىن ءتارتىپ
ومىرىڭىزدەگى جەڭىس پەن جەڭىلىستەرىڭىزدىڭ باستى فاكتورلارىنىڭ ءبىرى — ءتارتىپ. ءسىزدىڭ ماقساتىڭىز بەن ارمانىز نەمەسە بايلىق پەن ابىرويىڭىز، باقىتىڭىز ءتارتىپتىڭ ساقتالىپ-ساقتالماۋىنا قاتىستى.
ءتارتىپ — قاتتى قالاپ جۇرگەنىڭە قولىڭدى جەتكىزۋ ءۇشىن ىستەگىڭ كەلمەي تۇرعانىڭدى ىستەۋ.
دجون ماكسۆەلل
نيەتتىڭىز بەن ارمانىڭىزدىڭ اقيقاتقا اينالۋى اراسىندا ءتارتىپ تۇر. ءومىرىڭىزدىڭ ناتيجەسى مەن 5-10 جىلدان سوڭ قانداي جاعدايدا بولاتىنىڭىز سول تارتىپكە بايلانىستى. ءوزىڭىزدى تارتىپكە ۇيرەتۋىڭىزگە ءوزىڭىز ءماجبۇرسىز، ويتكەنى بەلگىلى ءبىر جاستان كەيىن بۇنى ەشكىم ىستەمەيدى.
ءتارتىپ — جەڭىلىس پەن تۇڭىلىسكە اپارار ومىردەگى سىلبىر قوزعالىستىڭ ورنىنا اعىنعا قارسى ءجۇزىپ، مويىماي ارەكەت ەتۋ قابىلەتى.
كەزدەيسوق بولعان ساتسىزدىكتەر ادامدى مۇمكىندىكتەن ايىراتىن كەزى سيرەك. كوپ جاعدايدا ءبىز سىناققا دايىن بولماي شىعامىز دا، سول سەبەپتى ساتسىزدىككە ۇشىرايمىز. ەگەر ءسىز ەمتيحان تاپسىرا الماساڭىز نەمەسە جۇمىسقا الاتىن كىسىمەن سۇحباتتاسۋدان وتە الماساڭىز، بۇنىڭ سەبەبى — ءسىزدىڭ دايىندىعىڭىزدىڭ جەتكىلىكسىز بولعاندىعىندا.
ۇلكەن ساتسىزدىك — ءتارتىپ دەڭگەيىنىڭ تومەندىگى مەن ءوز مۇددەڭە ساي ارەكەت ەتە الماۋىڭنان پايدا بولعان كىشكەنتاي جەڭىلىستەردىڭ جيىنتىعىنىڭ سالدارى. تارتىپكە يە بولماعان ادامدار ءوزىنىڭ كوڭىل كۇيى مەن السىزدىگىنىڭ قۇلدارى بولىپ تابىلادى.
ساتسىزدىك ءبىز ەشتەڭە ىستەمەيتىن كەزدە كەلەدى. ءبىز كۇنىمىزدى بوسقا جۇمساپ، جالقاۋلىققا بوي الدىرامىز جانە بۇنى دۇرىس دەپ بىلەمىز. بار-جوعى ءبىر كۇن-اق ەمەس پە، وندا تۇرعان نە بار؟! الايدا وسى كۇندەردەن ءسىزدىڭ ءومىرىڭىز قۇرالادى. ءسىز ەرىنىپ، كەرەكتى نارسەنى ىستەمەيتىن ءار كۇن سايىن كىشكەنتاي جەڭىلىسكە تاپ بولاسىز. بۇل كىشكەنتاي جەڭىلىستەر شوعىرلانا كەلە ۇلكەن جەڭىلىسكە جانە ءساتسىز ومىرگە اينالادى.
جەتىستىك تە ءدال وسىلاي ارەكەت ەتەدى. ەگەر ءسىز جەتكىلىكتى تۇردە ءتارتىپتى بولىپ، كەرەكتى نارسەنى ىستەۋگە ءوزىڭىزدى ماجبۇرلەي الساڭىز، بۇل جاقسى. كىشكەنتاي عانا جەڭىستەردەن ۇلكەن جەتىستىك قۇرالادى. ءتارتىپ مۇمكىندىكتەردى وزىنە تارتىپ، ۇلكەن ماقساتتارعا جەتۋگە سەپ بولادى.
ورىستىڭ ۇلى قولباسشىسى ا. سۋۆوروۆ ايتقانداي: «ءتارتىپ — جەڭىستىڭ العاشقى نىشانى». ءتارتىپ ءسىزدىڭ ارماندارىڭىزعا، قاناعات سەزىمىنە، بايلىققا جانە وزىڭىزگە ريزا بولۋ سەزىمىنە اپارار جولدى اشادى. بىرەۋلەر ءۇشىن ءبارى تارتىپتەن باستاۋ الادى، ال باسقا بىرەۋلەر ءۇشىن ءبارى جالقاۋلىققا بايلانىستى اياقتالادى.
You Might Also Like
-
جۇڭگو پاتسالىعى — ەڭ ەسكى پاتسالىق. وتىرىقتى ومىرگە ەرتە تۇسكەن قاۋىم. ەسكى زاماندا قىتايلار راحاتتى ومىردە بولعان. باي، كەدەي ءوز الىنشە باقىتتا ەدى، ءبىراق ءبىر كەزدە ولار تاڭقالارلىق ءبىر ناۋق...
-
ءبىر كۇنى بولدىرىپ كەلە جاتقان تۇلكى جورتىپ جۇرگەن قوياندى كورىپ، وتىرىك اۋىرعان بولىپ ونىڭ جولىنا سۇلاي كەتىپتى دە، قوياندى شاقىرىپتى.
