ءبىرىنشى سىنىپقا بالا قابىلداۋدان باس تارتقان مەكتەپ ديرەكتورى جۇمىستان شىعارىلدى
الماتى وبلىسى قارعالى اۋىلىنداعى مەكتەپ ديرەكتورى ءبىرىنشى سىنىپقا بالا قابىلداۋدان باس تارتقانى ءۇشىن ءوز قىزمەتىنەن بوساتىلدى.
ايتا كەتەيىك، ءبىلىم كۇنىنە كەيىن الماتى وبلىسى جامبىل اۋدانىنداعى ءۇش تىلدە وقىتاتىن №2 دارىندى بالالارعا ارنالعان قارعالى ارنايى مامانداندىرىلعان گيمنازياسى جازعى ۋاقىتتا تەست تاپسىرىپ، ءبىرىنشى سىنىپقا الىنعان بالالاردى قابىلداماي قويعان. مەكتەپ باسشىلىعى مۇنى وقۋشىلار سانىنىڭ نورمادان اسىپ كەتۋىمەن تۇسىندىرگەن.
الماتى وبلىسى ءبىلىم بەرۋ باسقارماسىنىڭ باسشىسى ءلاززات بازارقۇلوۆانىڭ حابارلاۋىنشا، بيىلعى تامىز ايىنىڭ باسىندا وبلىستىق ءبىلىم بەرۋ باسقارماسى ءبىرىنشى سىنىپقا باراتىن بالالار تۋرالى بولجام اقپاراتتاردى تۇزگەن. گيمنازيا ديرەكتورى ج.قۇرالبايەۆا بەرگەن رەسمي اقپارات بويىنشا، قارعالى اۋىلىنداعى مەكتەپكە قارجىلاندىرۋ جوسپارىنا سايكەس، ەكى تولىق سىنىپ، ياعني 54 بالا قابىلداۋ جوسپارلانعان.
«ال گيمنازيا ديرەكتورى ج.قۇرالبايەۆا ءبىلىم بەرۋ باسقارماسىنا ەسكەرتپەي، جوسپارلانعان ەكى سىنىپتىڭ ورنىنا بەس تولىق سىنىپ، ياعني 134 بالا قابىلداعان. باق-قا جاريالانعان ماسەلە وسىدان تۋىنداعان»، - دەدى ل.بازارقۇلوۆا.
الماتى وبلىسى ءبىلىم بەرۋ باسقارماسىنىڭ مالىمەتتەرى بويىنشا، بۇگىندە گيمنازيادا 55 بالادان 2 سىنىپ جاساقتالعان. قالعان 79 بالا وزگە مەكتەپتەرگە - №3 جانە №4 ورتا مەكتەپتەر، بەيسەۋوۆ، اپسەمەتوۆ، قۇتپانبەت ۇلى، قارساقبايەۆ، رىسقۇلوۆ، ۇمبەتالى جانە ءۋاليحانوۆ اتىنداعى ورتا مەكتەپتەرگە اۋىستىرىلىپ، وقۋ جىلىن باستاپ كەتتى.
«ءۇش تىلدە وقىتاتىن №2 دارىندى بالالارعا ارنالعان قارعالى ارنايى مامانداندىرىلعان گيمنازياسىنىڭ ديرەكتورى ج.قۇرالبايەۆا ءوز قىزمەتىنەن بوساتىلدى»، - دەپ حابارلادى ل.بازارقۇلوۆا.
You Might Also Like
-
ق ر بعم عىلىم كوميتەتى بۇيرىعىمەن انۋاربەك سۇلتانعازين قازاقستان رەسپۋبليكاسى ءبىلىم جانە عىلىم مينيسترلىگىنىڭ «عىلىم قورى» اق پرەزيدەنتى بولىپ تاعايىندالدى. بۇل تۋرالى مينيسترلىكتىڭ باسپ...
-
2016 جىلدىڭ 1 قازانىنان باستاپ، الماتىدا جولاۋشىلارعا ىڭعايلى بولۋ ءۇشىن «جولاقى» تاريفى ەنگىزىلەدى. ونى «وڭاي» كارتاسىنىڭ بالانسىن تولتىرۋ كەزىندە ىسكە قوسۋعا بولادى.
