InfoHub Logo

6-كلاسس ادەبيەت
ساباقتىڭ تاقىرىبى: «ءبىرجان سال اباي اۋلىندا»
(ءبىرجان مەن اباي ۇقساستىعى)

ساباقتىڭ ماقساتتارى:
1. بىلىمدىك: كوركەم شىعارمانىڭ مازمۇنىن مەڭگەرتۋ، شىعارمانى وقىپ - ۇيرەتۋدىڭ ادىس-تاسىلدەرىن دۇرىس قولدانىپ، تالداي بىلۋگە باۋلۋ؛
2. دامىتۋشىلىق: تەوريالىق بىلىمدەرىن پراكتيكامەن ۇشتاستىرۋ، شىعارماشىلىق ىزدەنىستەرگە باۋلۋ؛
3. تاربيەلىك: قازاقتىڭ ءسالت-داستۇرىن بىلۋگە، ۇلتتىق قۇندىلىقتارىمىزدى قاستەرلەۋگە، قاراپايىمدىلىققا، ادامگەرشىلىككە، قوناقجايلىلىققا، سىيلاستىققا تاربيەلەۋ؛

ساباقتىڭ ادىس-تاسىلدەرى: ستو ستراتەگيالارى، سكت، سۇراق-جاۋاپ، بايانداۋ، ءتۇسىندىرۋ، ىزدەندىرۋ، ت.ب.
ساباقتىڭ ءتۇرى: ىسكەرلىك داعدىنى قالىپتاستىرۋ
ءپانارالىق بايلانىس: مۋزىكا، تاريح
كورنەكىلىكتەر: اباي، ءبىرجان پورترەتتەرى.

ساباقتىڭ بارىسى
ءى. پسيحولوگيالىق دايىندىق
جۇسىپبەك ەلەبەكوۆتىڭ ورىنداۋىنداعى ءبىرجاننىڭ «جانبوتا» ءانى تىڭدالادى.
ساباقتىڭ ەپيگرافى
قۇلاقتان كىرىپ، بويدى الار،
جاقسى ءان مەن ءتاتتى كۇي.
كوڭىلگە ءتۇرلى وي سالار،
ءاندى سۇيسەڭ، مەنشە ءسۇي!..
(اباي)

ءىى. نە بىلەمىز؟
1) مازمۇندىق جوسپار بويىنشا مازمۇنداۋ (بايانداۋ)
1) اباي اۋلىنىڭ ءقادىرلى، سىيلى قوناقتارى
2) ءان تەربەگەن اباي
3) ءبىرجان سالعان «جانبوتا» ءانى
4) ءامىردىڭ ورىنداۋىنداعى «جيىرما بەس»
5) ءبىرجان شاكىرتتەرى
6) ايگەرىمنىڭ ءانى
7) ۇلجاننىڭ ءبىرجانعا باتا بەرۋى
8) ءبىرجاننىڭ اباي اۋىلىنان اتتانىپ كەتۋى
2) وتكەن ساباقپەن تاقىرىپتىق بايلانىس

«زىمىران سۇراقتار» (سۇراق-جاۋاپ)
1. ابايعا بالا كەزىندە جەڭگەلەرى ەركەلەتىپ قويعان اتى؟ (تەلعارا)
2. اباي: «بار، كور. شىن ونەرلى، قىزىقتى بولسا، ەلگە اكەل. جاس بۋىن ونەر ۇيرەنسىن، ۇلگى السىن. مەن دە كومەكشى بولارمىن»،- دەپ، ءبىرجانعا كىمدى جۇمسادى؟
3. «شىركىن، ايتۋشى مەن بولعاندا، ۇنەمى ۇقتىرۋشى سەن بولسايشى!» كىمنىڭ ءسوزى؟ (ءبىرجان)
4. «ونەرپاز بولساڭ، ءور بول! جالقى بول، جارلى بول، ول –كەمشىلىك ەمەس!» كىمنىڭ ءسوزى؟ (اباي)
5. «كىسىسىن ءبىر بولىستىڭ بىرەۋ ساباپ،
بار ما ەدى ستاتيادا كورگەن جەرىڭ؟...»- دەگەن جولدار كىمنىڭ، قاي ولەڭىنەن ءۇزىندى؟ (ءبىرجان «جانبوتا»)
6. شىعارماداعى تيپتىك وبرازدى اتا. (اباي)
7. اڭگىمەدە قانداي قازاقى ءسالت-داستۇر كورىنىس تاپقان؟ (قوناقجايلىلىق، باتا بەرۋ)
8. اڭگىمەدە ءبىرجانعا ءوز ۇيىنەن ءدام تاتقىزىپ، باتا بەرىپ، وڭ ساپار تىلەگەن كىم؟ (ۇلجان)
9. كەرىمبالا:
- تاعى ءبىر اۋىز!- دەپ ەدى.
ورالبايعا:
- تاعى! تاعى! –دەپ ءبىرجان دا ىقىلاسپەن ايتتى. (ديالوگ)
10. ءبىرجاننىڭ سۇراۋى بويىنشا قوشتاسارداعى جاستار ايتقان ءان؟
(«جيىرما بەس»)

ءىىى. نە بىلگىمىز كەلەدى؟ (ىزدەندىرۋ)
ءبىرجان سال قوجاعۇل ۇلى. (1834-1897)
اباي قۇنانباي ۇلى (1845-1904)

1) ءبىرجان مەن اباي جاقىنداستىعى
اقىن
دانا
ءانشى
اقىن
سازگەر

ۇستاز
اعارتۋشى
ونەرپاز
ويشىل
سال
شەشەن
ساتيريك
اۋدارماشى
ايتىسكەر
دراماتۋرگ

2) «تۇجىرىم» كەستەسى بويىنشا جۇمىس
شىعارما ماتىنىنەن اباي مەن ءبىرجانعا قاتىستى ىس-ارەكەتتەردى تاۋىپ جازىپ، سول ارەكەتتەرىنە قاراي باعالاڭدار.

كەيىپكەرلەر.ىس-ارەكەتى. ادامي قاسيەتى.
اباي
ءبىرجان

3) «ءبىرجان سال اباي اۋلىندا» (م.اۋەزوۆ) اڭگىمەسىنە ساتىلاي كەشەندى تالداۋ
تاقىرىبى
اۆتورى
كەيىپكەرلەرى
پورترەتتەرى
اڭگىمەدەگى كوركەمدەۋىش قۇرالدار

ءىىى. نە بىلدىك؟ (توپتاستىرۋ)
- اباي مەن ءبىرجاندى رۋحاني جاقىن ەتكەن نە نارسە؟
- ولاي بولسا، ونەردىڭ قانداي تۇرلەرىن بىلەمىز؟
ءمۇسىن ونەرى، ءسوز ونەرى ءان، بي، بەينەلەۋ، ساۋلەت، قولونەر، كۇي.

- اباي مەن ءبىرجان ونەرى بۇگىنگى كۇنگە قالاي جەتتى؟ ونى جەتكىزگەن كىمدەر؟
ورالباي، ءامىر
اكىمقوجا، بالبالا
ۇمىتەي، كەرىمبالا
- ءبىزدىڭ مەكتەبىمىزدە ونەر ناسيحاتتالا ما؟ (مەكتەپتەگى ونەر ۇيىرمەلەرى تۋرالى اڭگىمەلەۋ)
- بىزگە، مىنا سەندەرگە، ونەرلى بولۋعا مۇمكىندىك بار ما؟

وقۋشىلاردى باعالاۋ
قورىتىندى
• ونەرلىگە ءورىس كەڭ.
• ومىردە كەڭ بول،
ونەردە ءور بول.
• ونەرگە قىزىعۋ ورىندى، قىزعانۋ –كۇنا.
• ونەر بايگەسى ۇنەمى تىگۋلى.
• ونەگە جەلىسى ۇزىلمەسە، ونەر ءورىسى دە ۇزىلمەيدى.
- ەندەشە، ەكى ۇلى - اباي مەن ءبىرجان ونەر قۇدىرەتىن ءتۇسىنىپ، ءبىر-بىرىنىڭ ءقادىرىن قالاي ارتتىرسا، ءبىز، كەيىنگى ۇرپاق تا ونەردى ءسۇيىپ، قاستەرلەي ءبىلۋىمىز كەرەك.
ءۇي تاپسىرماسى. «ونەرلى ورگە جۇزەر» تاقىرىبىنا شاعىن شىعارما جازۋ.

ءۇش تىلدە وقىتاتىن
№21 ورتا مەكتەپ-گيمنازياسىنىڭ
قازاق ءتىلى مەن ادەبيەتى ءمۇعالىمى
توگاناكوۆا رابيگا سۋلەيمەنوۆنا