ءبىرجاننىڭ شوجە اقىنمەن قاعىسۋى
ءبىرجان ءبىر كەزدە شوجە اقىنمەن كەزدەسىپ، شوجەنى سوزبەن قاجاي بەرىپتى. سوندا شوجە ولەڭمەن بىلاي دەپتى:
شوجە:
اي ءبىرجان، ماعان بەرشى ءبىر ازدى دات،
اياڭا جوق نارسەنىڭ ءبارى دە حات.
ساسىق كۇزەن سەكىلدى شاقىلداما،
سەنەن بۇرىن تۋعانمىن، ءتىلىڭدى تارت.
ءبىرجان-اۋ، وسى ەمەس-تى كورگەن جەرىم،
ەنشاللا جاڭىلماسا كورگەن كەزىم.
ۇلمۇلقۇرا دەگەن اللادان ايات كەلدى،
سونى تاپساڭ، سەن مەنى جەڭگەن جەرىڭ.
ءبىرجان:
جاقىندى الىس قىلار جۇرمەگەن سوڭ،
مەرەكە — قىزىق بولمايدى كۇلمەگەن سوڭ.
«اتالى سوزگە ارسىز تالاسادى»،
شوجەكە شورقاق ەدىم بىلمەگەن سوڭ.
شوجە:
اكەسى قوجاعۇل اقسارىعا ۇلگى بەرگەن،
بۇل نەگە تەرىس كەتسىن ۇلگى كورگەن.
ارسىز بولسا، جانجالعا سالار ەدى،
بۇ-داعى كەلىپ قالدى داڭعىل جولمەن، —
دەيدى.
ءبىرجان ءارى قاراي جاۋاپ قايتارمايدى.
You Might Also Like
-
مۇنىڭ سەبەپتەرى قۇرعاق اۋادان باستاپ اۋىر دەرتكە دەيىن ءار ءتۇرلى بولۋى مۇمكىن.
-
كەدەي ساعىنايدىڭ اسىنا ساۋىن ايتىلىپ، جان-جاقتان جۇرت جينالادى. سول استا باسقا كەدەيلەرمەن بىرگە، اقىندار بايگەسى دە تىگىلەدى — اقىنداردان ساعىنايدىڭ بايلىق-سالتاناتتىق دارەجەسىن كىم دە كىم ب...
