InfoHub Logo

ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى
جۋرناليستيكا ماماندىعىنىڭ 3 كۋرس ستۋدەنتى
مەڭدىعالييەۆا قۇندىز امانقۇل قىزى

                                     
ەلباسى ن.ءا.نازاربايەۆتىڭ بيىلعى جاريالانعان جولداۋى جاستاردى ءبىر سەرپىلتىپ، بويىنا ەرىك-جىگەر سىيلاعانداي بولدى. ولاي دەيتىنىمىز، ەلىمىزدىڭ بولاشاعى — جاستارعا ايرىقشا كوڭىل ءبولىپ، جاستار جىلىن قابىلداۋعا ۇسىنىس ءبىلدىرۋى قوعامنىڭ اۋىزبىرلىگىن ەسەلەپ ارتتىردى دەسەك تە بولادى. وسىعان دەيىنگى ەلباسىنىڭ قاي جولداۋىن الساق تا، جاستارعا قاتىستى تىڭ جوبالار مەن باستامالاردى ەسكەرىپ، جاستارعا ەرەكشە كوڭىل ءبولىپ كەلگەن. بۇگىنگى جولداۋدا دا جاستار ماسەلەسى ەسكەرۋسىز قالعان جوق.  جاستاردىڭ ءبىلىم الۋى مەن الەۋمەتتىك جاعدايى ەرەكشە اتالىپ ءوتىلىپ، كەلەر 2019 جىل — «جاستار جىلى» دەپ جاريالاندى. ءبىز ءۇشىن بۇل — ۇلكەن قۋانىش جانە دە ۇلكەن مارتەبە! «ىقىلىم زاماننان بەرى قازاق اتامىز «بىلەكتى ءبىردى، ءبىلىمدى مىڭدى جىعادى» دەگەن ءسوز قالدىرعان. قازاقتىڭ بۇل ماقالانىڭ ءوزى بۇگىنگى كۇنى ايرىقشا مانگە يە بولىپ وتىر. بۇل زامان بىلەككە ەمەس، بىلىمگە سەنەتىن زامان. زاماناۋي الەمدە ەلدىڭ قۋاتى، ەڭ الدىمەن، ءبىلىم مەن عىلىمدا بولاتىن ۋاقىتقا كەلدىك. سول ءبىلىمدى قاجەتكە، تۇرمىس يگىلىگىنە جاراتا بىلۋىمىزبەن عانا باعالانادى. ينەمەن قۇدىق قازعانداي، قيىن كۇردەلى، وراسان قاجىر قايرات پەن ەرىك — جىگەردى تالاپ ەتەتىن ءبىلىمسىز ءومىر تۇل»، — دەپ اتاپ ءوتتى ەلباسى.

وسى جىلعى جاستار ماسەلەسىن قامتىعان جولداۋىندا ەلباسى كوپتەگەن اتقارىلاتىن ىستەرگە توقتالعان. جاستاردى جۇمىسپەن قامتۋ ماسەلەسى ەلىمىزدە باستى نازارداعى ماسەلە ەكەندىگ ءى بەلگىلى. وسى پروبلەمانى جويۋ ءۇشىن ەلىمىزدە «ديپلوممەن اۋىلعا»، «بيزنەستىڭ جول كارتاسى»، «جۇمىسپەن قامتۋ-2020»، «ءاربىر وتباسىنا «7-20-25» باعدارلاماسى اياسىندا باسپانا الۋدىڭ جاڭا مۇمكىندىكتەرىن بەرۋ»، «جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ»، ت.ب. باعدارلامالار قولعا الىنىپ، ەلىمىزدىڭ تۇكپىر-تۇكپىرىندە جۇزەگە اسىرىلىپ جاتىر. نۇرسۇلتان ءابىش ۇلى  نازاربايەۆتىڭ «تاۋەلسىزدىك ءداۋىرى» كىتابىندا جازىلعانداي ەگەمەندىك العاننان بەرگى جىلدار ىشىندە مەملەكەت باسشىسىنىڭ سارابدال ساياساتىنىڭ ارقاسىندا قوعام دامۋىنىڭ بارلىق سالاسىندا تۇبەگەيلى وزگەرىستەر جۇزەگە اسىرىلدى، سونىڭ ىشىندە «ماڭگىلىك ەل» جالپىۇلتتىق يدەياسىنىڭ قالىپتاسۋ بارىسىندا جاستاردى جاڭا قازاقستاندىق پاتريوتيزم رۋحىندا تىربيەلەۋدىڭ ءتيىمدى جۇيەسى مەن قۇرىلىمى جاسالىپ، ىسكە قوسىلدى.

پرەزيدەنت باسپانا ماسەلەسىنىڭ وزەكتىلىگىن ەسكەرە وتىرىپ، قانشا قۇرىلىس جۇرگىزىلسە دە، ءىرى قالالاردا تۇرعىن ءۇي جاس وتباسىلارعا جەتكىلىكسىز بولىپ وتىرعانىن ايتتى. «ءىرى قالالاردا جىلىنا 1 مىڭنان كەم ەمەس پاتەر جۇمىس ىستەيتىن جاستار ءۇشىن سالاتىن بولامىز»، — دەدى نۇرسۇلتان نازاربايەۆ ۇكىمەتكە بەرگەن تاپسىرماسىندا. پرەزيدەنت «اتامەكەن» ۇلتتىق كاسىپكەرلەر پالاتاسىنىڭ تاجىريبەسى تۋرالى ايتىپ، «جاس كاسىپكەر» باعدارلاماسىن ازىرلەۋدى دە تاپسىرعان ەدى. ەلباسىنىڭ سوزىنشە، جاستاردىڭ ستارتاپتارىنا قولداۋ كورسەتەتىن قورلاردىڭ قىزمەتىن ىنتالاندىرۋ ماڭىزدى مىندەت سانالادى. وسى ورايدا ۇكىمەتكە جاستار ستارتاپتارىن قولداۋدىڭ قورىن قۇرۋ تاپسىرىلدى. پرەزيدەنت جاس عالىمدارعا ءوز يدەياسىن شىنايى جوبالارعا اينالدىرۋدا كومەكتەسۋ كەرەكتىگىن قاداپ ايتتى. سونىمەن قاتار، «جاس مامان» باعدارلاماسى بولادى. ءبىلىم الىپ، تاجىريبە الماسىپ، جۇمىس ىستەگىسى كەلەتىن ماماندارعا مول مۇمكىندىكتەر قاراستىرىلۋدا.  «جاس سارباز» باستاماسىنىڭ ۇلگىسىمەن ەلىمىزدەگى ۆولونتەرلەردى، اسىرەسە، الەۋمەتتىك جوبالار سالاسىنداعى ەرىكتىلەردى بىرىكتىرۋ قاجەتتىگى ايتىلدى. ەلباسىنىڭ جاستاردى ەرەكشە اتاپ ءوتۋى، جاستاردىڭ بويىندا جاۋاپكەرشىلىك پەن الداعى كۇنگە دەگەن ۇلكەن سەنىمدىلىكتى ارتتىرادى. جاۋاپكەرشىلىكتى الۋ — دىتتەگەن ماقساتقا قول جەتكىزۋ ءۇشىن بارىنە دە دايىن بولۋ دەگەن ءسوز. جاستارعا ارتىلعان سەنىم مەن جاڭا مۇمكىندىكتەر ءۇشىن العىس بىلدىرەمىز!

---