شىنتاقتاعى تەرى نەگە قۇرعاقتانادى جانە بۇلاي بولماۋى ءۇشىن نە ىستەۋ كەرەك
مۇنىڭ سەبەپتەرى قۇرعاق اۋادان باستاپ اۋىر دەرتكە دەيىن ءار ءتۇرلى بولۋى مۇمكىن.
شىنتاق تەرىسىنىڭ ەرەكشەلىگى نەدە؟
بۇل ايماقتاعى تەرى دەنەنىڭ وزگە بولىكتەرىندەگىدەي ەمەس. بىرىنشىدەن، مۇندا ءسۋلى-ليپيدتى قىشقىلدى قابىقشانى قۇرايتىن ماي بەزدەرى مۇلدەم جوق دەسەك تە بولادى. وسى سەبەپتى ۇستىڭگى تەرىلىك قابات — ەپيدەرميس ىلعال ساقتاۋدان مۇلدەم ساقتالماعان. ارنايى تابيعي قابىقشاسىز تەرى تۇلەپ، ءتىپتى جارىلادى.
ەكىنشىدەن، شىنتاقتاعى تەرى ۇنەمى قوزعالىستا بولادى: قوسىمشا تۇسەتىن كۇشكە شىداس بەرۋ ءۇشىن، ول سوزىلىپ، قاتايا باستايدى. دەمەك، بۇل شىنتاقتىڭ عانا ەمەس، سونىمەن قاتار باسقا دا دەنە بولىكتەرى، ياعني تىزە جانە توبىق تەرىلەرىنىڭ دە ماڭىزدى ماسەلەلەرى بولىپ تابىلادى.
شىنتاقتاعى قۇرعاق تەرى اسا ءقاۋىپ تۋدىرمايدى، الايدا ول جارىلىپ كەتكەنشە جۇرۋگە بولمايدى. تەرەڭ قاباتتالعان جارىقشالارعا باكتەريا مەن ۆيرۋس تۇسكەن جاعدايدا اۋىر دەرتتەرگە شالدىعۋىڭىز مۇمكىن.
تەرى نەلىكتەن قۇرعايدى؟
ادەتتە، جىلدىڭ سۋىق كەزەڭىندە عيماراتتىڭ ىشىندەگى قۇرعاق اۋادان، تەمپەراتۋرانىڭ اۋىسۋى جانە ۇنەمى كيىمگە قاجالۋدان تەرىنىڭ جاعدايى ناشارلاي تۇسەدى. الايدا، شىنتاقتاعى تەرى جاز مەزگىلىندە دە قۇرعاۋى مۇمكىن.
كوبىنە مىنا سەبەپتەردەن بولادى:
— جۋىنۋعا ارنالعان اگرەسسيۆتى قۇرالدار ەپيدەرميستى ودان ءارى قۇرعاتا تۇسەدى. مىسالى، ءسىلتىلى سابىن تەرىنىڭ قىشقىلدى قابىقشاسىن بۇزادى جانە دە ەپيدەرميسكە بالانسىن قالپىنا كەلتىرۋ ءۇشىن ەكى ساعاتتان التى ساعاتقا دەيىن ۋاقىت قاجەت بولادى.
— شىنتاقپەن ۇستەلگە تايانۋ دا قوسىمشا قىسىم مەن قاجالۋدى تۋىنداتادى.
— ىڭعايسىز جانە سينتەتيكالىق كيىم دە تەرىنى تىتىركەندىرەدى.
— ىستىق دۋش قابىلداۋ نەمەسە مونشالارعا ءجيى ءتۇسۋ دە سەبەپ بولادى. اسا جوعارى تەمپەراتۋرادا اعزا ءوز ىلعالىن جوعالتىپ، سەزىمتال بولىكتەر ايتارلىقتاي سۋسىزدانادى. ۆاننانى ءجيى قابىلداۋ دۋشقا قاراعاندا زيانى كوبىرەك، سۋدا ۇزاق وتىرۋ ەپيدەرميستى سىلتىسىزدەندىرىپ، ياعني قورعانىش قاباتىن زاقىمدايدى.
— باسسەيندەگى حلورلى سۋ. شىنتاقتاعى نازىك تەرىنىڭ حيميالىق زاتتارعا اللەرگياسى ءجيى بولماق.
— تەرىنىڭ جاڭارىپ وتىرۋى ءۇشىن قاجەتتى ۆيتاميندەر مەن ميكروەلەمەنتتەردىڭ جەتىسپەۋشىلىگى دە ءبىر سەبەپ بولىپ تابىلادى. بۇل جاعدايدا ا جانە ە، بيوتين، سينك ۆيتاميندەرگى كومەككە كەلەدى.
تەرىگە قالاي كومەكتەسۋ قاجەت؟
شىنتاق تەرىسىنە قاجەتتى كۇتىم بولماعان جاعدايدا قاتپارلانىپ كەتەدى. دەرماتولوگتار مىنانداي كەڭەس بەرەدى:
— سۋدا مەيىلىنشە از بولىڭىز، اسىرەسە ىستىق جانە حلورلانعان سۋدان الشاق بولىڭىز.
— سابىننىڭ pH-ى تەرىنىڭ pH قىشقىلدىعىنا جاقىنىنا اۋىستىرىڭىز — 4-تەن 6-عا دەيىن. مىسالى، قۇرامىندا سۇتتىك قىشقىلى بار سينتەتيكالىق قۇرالداردى پايدالانعان ءجون. ال تريكلوزان، كۇكىرت جانە بەنزويل قىشقىلى بار سابىنداردى كۇندەلىكتى قولدانىستا قولدانباعان ابزال.
— سۋعا ءتۇسىپ بولعاننان كەيىن تەرىنى مىندەتتى تۇردە ىلعالداندىرىڭىز. وسى ارقىلى جۋىلعان ءليپيدتى قاباتتى قالپىنا كەلتىرەسىز. نەمىس دەرماتولوگى ياەل ادلەر ءوزىنىڭ كىتابىندا كۇندەلىكتى كۇتىم جاساۋ ءۇشىن ورگانيكالىق مايلار ەمەس، امبەباپ كرەمدەردى ۇسىنادى. تازا كۇيىندە ولار كەرىسىنشە، ليپيدتەردى جۋىپ، تەرىنە ودان سايىن قۇرعاتا تۇسەدى دەيدى.
— راسيونىڭىزعا تەرىگە پايدالى ونىمدەردى: جەمىستەر، جيدەكتەر، جاڭعاقتار جانە تۇقىمدار، مايلى بالىقتاردى، ياعني انتيوكسيدانتتارعا باي جانە مايلى قىشقىلدارسىز ونىمدەردى قوسىڭىز.
— تەرىنى كۇن كوزىنەن، جەلدەن جانە سۋىقتان قورعاڭىز. اۋا رايىنا ساي كيىنىڭىز جانە كوشەدە ۇزاق جۇرەتىن بولساڭىز كۇننەن قورعايتىن كرەمدەر تۋرالى ۇمىتپاعانىڭىز ءجون.
— ەگەر ءسىزدىڭ تەرى اۋرۋىڭىز بولماسا، جەڭىل پيلينگ نەمەسە شوتكەمەن جەڭىل ماسساج جاساڭىز. مۇنداي ءۇردىستى اپتاسىنا ءبىر رەت جاساساڭىز جەتكىلىكتى.
دارىگەرگە قاي كەزدە قارالعان ءجون؟
ەگەر كۇتىمگە قاراماستان، شىنتاق تەرىسى قابىرشاقتانسا، جارىلسا، جارا پايدا بولسا — ەلەڭدەۋگە بولادى. بۇل قۇرعاقتىق دەنساۋلىقتاعى ۇلكەن اقاۋدىڭ بەلگىسى بولۋى مۇمكىن. ولاردىڭ كەيبىرىن اتاپ كورسەتەيىك:
— گورموندىق اۋىتقۋ. مىسالى، تەرىنىڭ ىلعالدىعىن ساقتايتىن ەستروگەن دەڭگەيىنىڭ تومەندەۋى. بۇل گورموننىڭ اۋىتقۋى ادەتتە كليماكس، جۇكتىلىك جانە ەتەككىر كەزىندە بايقالادى.
— ديابەت جانە ەندوكريندىك جۇيەنىڭ وزگە بۇزىلىستارى. بۇلار دا تەرىنىڭ جاعدايىنا اسەر ەتەدى جانە كوبىندە شىنتاق جانە تىزە تەرىسىندە بايقالادى.
— انەميا. بۇل اۋرۋدا تەمىر جەتىسپەۋشىلىگىنەن گەموگلوبين ءتۇزىلىسى بۇزىلادى.
— شىنتاق ەكزەماسى. جارىلۋ مەن جازىلمايتىن جارا تۇرىندە بايقالادى.
— پسورياز. قابىرشاقتالعان بورتپەمەن بەلگىلى بولادى.
اتالمىش بەلگىلەردى وزىڭىزدە بايقاساڭىز، دارىگەر قابىلداۋىنا جازىلىڭىز. ناقتى دياگنوزدى ناعىز مامان عانا قويا الاتىنىن ۇمىتپاڭىز.
وقۋعا كەڭەس بەرەمىز:
تەرىنىڭ قارتايۋىن باياۋلاتاتىن كوللاگەن قوسىلعان 10 ءونىم
ەكزەما
You Might Also Like
-
ءبىرجان سال جولاۋشىلاپ ءبىر كەدەي ادامنىڭ ۇيىنە كەزدەسەدى، سول ءۇيدىڭ قىزى وعان قاتىقسىز قارا كوجە قۇيىپ بەرسە، ءبىرجان ەرنىن عانا تيگىزىپ قايتارادى. سوندا قىز ايتادى:
-
ءبىرجان ءبىر كەزدە شوجە اقىنمەن كەزدەسىپ، شوجەنى سوزبەن قاجاي بەرىپتى. سوندا شوجە ولەڭمەن بىلاي دەپتى:
