ءبىرقاتار وڭىرلەردە مەكتەپتەردە كۇردەلى جوندەۋ جۇمىستارىنا قارجىلاندىرۋ تولىق كولەمدە كوزدەلمەگەن
جاز كەزىندە كۇردەلى جوندەۋ 373 مەكتەپتە جۇرگىزىلدى. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز قىزمەتىندە ءبىلىم جانە عىلىم ۆيسە-مينيسترى ەلميرا سۋحانبەردييەۆا ءمالىم ەتتى.
«رەسپۋبليكاداعى 526 مەكتەپ كۇردەلى جوندەۋ جۇرگىزۋدى، 6600-ىندە اعىمداعى جوندەۋ جۇمىستارىن قامتۋ قاجەتتىگى بولدى. جاز كەزىندە كۇردەلى جوندەۋ 373 مەكتەپتە، ال اعىمداعى جوندەۋ شارالارى 5745 مەكتەپتە جۇرگىزىلدى. قاجەتتىلىك بويىنشا تولىق جوندەۋدى اقمولا، اتىراۋ، قاراعاندى، قىزىلوردا، پاۆلودار، سولتۇستىك قازاقستان، وڭتۇستىك قازاقستان وبلىستارى جانە استانا قالاسى ىسكە اسىردى»، - دەدى ول.
ۆيسە-مينيستردىڭ ايتۋىنشا، ءبىرقاتار وڭىرلەردە قاجەتتىلىك بويىنشا كۇردەلى جوندەۋ جۇمىستارىنا قارجىلاندىرۋ تولىق كولەمدە كوزدەلمەگەن. ماسەلەن، المات وبلىسىندا قاجەتتىلىك 48 مەكتەپتى قۇراسا، كۇردەلى جوندەۋ 26 نىساندا جۇرگىزىلدى. ال شقو-دا جوندەۋ قاجەتتىلىگى 68 مەكتەپ بولسا، كۇردەلى جوندەۋ جۇمىستارى 19 عيماراتتا جۇرگىزىلدى.
«وقۋ جىلىنىڭ باستالۋىنا بايلانىستى قالعان وڭىرلەردە مەكتەپتەردى قابىلداۋ جونىندەگى كوميسسيالاردىڭ جۇمىسى جالعاسۋدا»، - دەدى ە. سۋحانبەردييەۆا.
You Might Also Like
-
ق ر ءبىلىم جانە عىلىم مينيسترلىگى مەكتەپتەردە اتا-انالاردان الىم-سالىق، اقشا جيناۋ پروبلەماسىمەن كۇرەسۋدە. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز قىزمەتىندە ءبىلىم جانە عىلىم ۆ...
-
بيىل 1371 مەكتەپكە دەيىنگى ۇيىم كۇردەلى جانە اعىمداعى جوندەۋ جۇمىستارىن تالاپ ەتەدى. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز قىزمەتىندە ءبىلىم جانە عىلىم ۆيسە-مينيسترى ەلميرا...
