بيىل مەكتەپ تابالدىرىعىن العاش اتتايتىن بۇلدىرشىندەر سانى 370 مىڭعا جەتتى
جاڭا وقۋ جىلىندا ءبىرىنشى سىنىپقا 370 مىڭ وقۋشى بارادى. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز قىزمەتىندە ءبىلىم جانە عىلىم ۆيسە-مينيسترى ەلميرا سۋحانبەردييەۆا ءمالىم ەتتى.
«بيىل قازاقستان مەكتەپتەرىنە 2،8 ميلليوننان استام وقۋشى بارادى، سونىمەن قاتار مەكتەپ تابالدىرىعىن العاش اتتايتىن بۇلدىرشىندەر سانى 370 مىڭعا جۋىق. جەرگىلىكتى اتقارۋ ورگاندارىنىڭ اقپاراتىنا سۇيەنسەك، جاڭا وقۋ جىلىندا جۇمىس ىستەيتىن مەكتەپتەر سانى 7 126-نى قۇرايدى. اعىمداعى جىلى 92 مەكتەپتى پايدالانۋعا بەرۋ جوسپارلانسا، 1 قىركۇيەككە دەيىن 60 نىسان تاپسىرىلادى، ال 2016 جىلدىڭ سوڭىنا دەيىن 32 مەكتەپتىڭ قۇرىلىسى اياقتالادى»، - دەدى ۆيسە-مينيستر.
ونىڭ سوزىنە قاراعاندا، بيىل پايدالانۋعا بەرىلەتىن 92 نىساننىڭ ىشىندە 31ء-ى ءۇش اۋىسىمدى مەكتەپتەر پروبلەماسىن شەشۋگە، 29-ى اپاتتى نىسانداردى الماستىرۋعا جانە 14 مەكتەپ وقۋشى ورىندارىنىڭ تاپشىلىعىن قىسقارتۋعا نەگىزدەلگەن. سونىمەن قاتار 13 مەكتەپ لايىقتالعان عيماراتتاردى الماستىرۋعا، تاعى بەسەۋى مەكتەپتەرى جوق ەلدى مەكەندەردە سالىنۋدا.
You Might Also Like
-
مەكتەپتە سمارتفونعا تىيىم سالۋ ماسەلەسىن اتا-انالارمەن بىرگە تالقىلاۋ كەرەك. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز قىزمەتىندە ءبىلىم جانە عىلىم ۆيسە-مينيسترى ەلميرا سۋحانبە...
