ءبىز بەن ءسىز بىلمەيتىن بازار جىراۋ
قاپيزا ءابدىعۇلوۆ اتىنداعى
№34 ورتا مەكتەپ-گيمنازياسىنىڭ
11 ءا سىنىپ وقۋشىسى كەنگاشوۆا ايساۋلە
قولعا قالام الىپ، ءارۋاعىن ارداقتاپ، شىعارماشىلىعىن سارالاپ، ونەگەلى ءومىرىن ۇلگى ەتكىم كەلەتىن بازار جىراۋ جايلى ايتقىم كەلەدى.
جالپى ءومىر جولىن بىلگىم كەلىپ الەۋمەتتىك جەلىنى اشىپ كوردىم. ول كىسى قىزىلوردا وبلىسى قازىرگى قارماقشى اۋدانىندا دۇنيەگە كەلگەن. جاستايىنان جەتىم قالىپ ناعاشىسىنىڭ قولىندا تاربيەلەنەدى.
كەيىننەن شىعارماشىلىعىنا ساكەن مەن ماعجان زەرتتەۋ جۇرگىزىپ، ولاردى قاعاز بەتىنە تۇسىرەدى. سوندا ساكەن سەيفۋللين شىعارماشىلىعىنا “بۇقار جىراۋ مەن ماحامبەتتەي جىر الىپتارىنان كەيىن وسى كىسىنى باعالاعان” دەپ باعا بەرگەن ەكەن.
ءيا، قازاقتان شىققان جىراۋلار وتە كوپ، ولاردىڭ ءارقايسىسىنىڭ قازاق ادەبيەتىنەن الار ورنى ەرەكشە. سول سياقتى بازار جىراۋدىڭدا ويىپ تۇرىپ الار ورىنى بارى حاق. بازار جىراۋ شومەكەي ىشىندەگى بالقى ، شىققاندىقتان كوبىنەسە ونى بالقى بازار دەپ اتايدى. جارايدى ونىڭ قايدا تۋىلعانىن ، قانداي شىعارمالارى بار ولاردى كىمدەر قاعاز بەتىنە تۇسىرگەنىن بىلەمىز. ءبىراق ول كىسى جايلى تىڭ ەستەلىكتەر جوق. كىمدەر مەن ءومىر كەشتى، مىنەزىندە نە ەرەكشەلىك بولدى وسىنىن ءبارى جۇمباق، ءبىراق مەن بۇگىن سول كىسى جاي كىشكەنتاي عانا ەستىگەن ەستەلىگىم جايلى ايتقىم كەلەدى.
وسى كۇنگە دەيىن بازار جىراۋ دەگەن جىراۋدى ەستىپ كورمەپپىن. انامنىڭ اۋىزىنان ءبىرىنشى رەت ەستىگەن بولاتىنمىن وعان قوسا ءبىراز ەستەلىكتەر دە ەستىدىم. تىنداپ وتىرسام بازار جىراۋ بىزگە تۋىسقاندىق قاتىسى بار ەكەن. بالقى بازار انامنىڭ اكەسىنىڭ اكەسى مەن ياعني ۇلكەن ناعاشى اتاممەن كورشى بولىپتى، ال ءبىر جاعىنان رۋلارى دا ءبىر بولعاندىقتان بولار تۋىسقان بولعان. ەستىگەن ەستەلىكتىڭ ءبىرىن ايتايىن:
ءبىر كۇنى اتام بازار ارالاپ كەتىپتى. بازار جىراۋ اجەمنەن كەلىپ اتامدى سۇراپتى اجەم اڭداماي قالسا كەرەك. باۋىرىنىز بازارلاپ كەتتى دەپتى. ونى ەستىگەن بازار جىراۋ جارايدى، بازارعا كەتكەن بولسا مەن كەتتىم دەپ رەنجىپ كەتىپتى. رەنجىگەن سەبەبى مىناۋ ەدى، بازار جىراۋ اجەمە قايىناعا بولعاندىقتان ونىڭ ەسىمىن اتاپ قويدى. كەيىننەن عانا بارىپ ويلانعان اجەم ارتىنان جۇگىرىپ كەشىرىڭىز اياعىمدى شالىس باستىم، كەتپەڭىز كەتسەنىز باۋىرىنىز مەنى ولتىرەدى دەپ ارەڭ كوندىرىپ العان كورىنەدى. سوندا بازار جىراۋ قىڭىر مىنەزدى، ازداپ قىرسىقتاۋ بولعان سياقتى. ءسويتىپ اتام ساپاردان ورالعانشا ۇيدە قوناق ەتىپ قوي سويعىزىپ كەشىرىمىن الىپتى.
شىعارماشىلىعىنا كەلەر بولساق ادالدىق پەن ارامدىق، اق پەن قارا، ءومىر مەن ءولىم جايلى ايتىلادى. نەگىزى سول كەزدەگى جىراۋلاردىڭ شىعارمالارىنىڭ كوبىسى بىزگە جەتپەي قالعان. بىزگە جەتكەنى بىرەن سارانى عانا.
قورىتا كەلگەندە، ءبىز بىلمەيتىن ەستىمەگەن جىراۋلارىمىز قانشاما؟ سولاردى دارىپتەپ، بولاشاققا ۇلگى ەتىپ قوسۋ ول ءبىزدىڭ ياعني جاستاردىڭ قولىندا دەپ ويلايمىن. قازاق ادەبيەتى اۋقىمى كەڭ كۇردەلى سالا. سول سالاعا كىشكەنتاي عانا بولسىن ءوز ۇلەسىمىزدى قوسا جۇرەيىك.
You Might Also Like
-
5 يۋلدە كەشكى شايدى ءىشىپ بولا بەرگەن مەزگىلدە، ءبىر بالا ەنتەلەي باسىپ كەلدى دە، قاقالىپ، شاشالىپ:
-
قاپىرىق ءتالتۇس، بەينە ءبىر شىرىگەن، جويداۋسىز ۇلكەن جۇمىرتقا جارىلىپ كەتكەندەي، دۇڭك ەتكەن عاجايىپ دىبىس بەرىپ، الدەقايدا جاڭا عانا زەڭبىرەك داۋسى كۇرس ەتە تۇسكەن ەدى. جارىلعان وقتىڭ دۇمپۋىمەن ءتىتىر...
