ءبىز جاستارمىز ماعجان سەنگەن كەشەگى….
ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى
جۋرناليستيكا ماماندىعىنىڭ III كۋرس ستۋدەنتى ابايەۆا اقتىلەك
جەتەكشىسى: جۇمابايەۆا انارحان
ءتىلىم سونسە مەن قالايشا ۇندەسەم
شاشىراعان كۇن ساۋلەسىن كورمەس ەم.
ازات كۇندە ءبارىن باعىم قىپ بەرگەن
تاڭىرىمە تاۋبەمدى ايتىپ كۇن كەشەم.
تارلان تاريح تامىرىمەن تىلدەسەم
ءور ەلىمنىڭ ورلىگىمەن ۇندەس ەم.
ەلىم ماعان نە بەرەدى دەپ ەمەس،
مەن ەلىمە نە بەرەم دەپ كۇن كەشەم — دەپ ءوز ولەڭىممەن باستاعىم كەلەدى تەبىرەنىسىمدى. ءيا... ءار پەرزەنتتىڭ موينىنا ارقالاعان مىندەتى، اۋىر لەپەسى دە، جاۋاپكەرشىلىكتى سەزىنتەر بورىشى دا وسى شىعار.
«مەن قازاقيامنىڭ وركەندەۋى ءۇشىن نە ىستەي الامىن؟» دەگەن سۇراق توڭىرەگىندە وزدىگىمشە وي ءوربىتىپ كوردىم. تولعانسام، سانامدى سەلت ەتكىزگەن سان ساۋال مەن كوكىرەگىمدە قاۋعاداي قارس ايىرىلعان مەجەلى ماقساتتىڭ، اق راۋشانداي ءبۇر جارعان الاسارماس اسقاق ارماننىڭ تۇيىنشەگىن سەزىندىم. تاراۋ جولدىڭ يمەكتەلگەن باعىتىندا قۇبىلامدى ۇلتىمنىڭ مۇددەسىنە باعىشتاسام اداسپاس مۇككامال سىيلايتىنى انىق. قولىما قالام ۇستاسام، ەلىم جايلى ەلجىرەي كەتەتىنىمدى جاسىرمايمىن دا. ەلىم دەپ ەگىلىپ قولىما ۇستاعان قالامنىڭ ۇشاتاعان ساتتەرى از ەمەس. قاسيەتىڭنەن اينالدىم قارا ءسوز. قارا قالاممەن قارا ءسوزدىڭ بالىن تامىزىپ وي توگە وتىرىپ ۇلت كەلبەتىندەگى جاۋاپكەرشىلىكتى مەيلىنشە جەتكىزسەم اسقان قۋانىش بولماس ەدى. مەنىڭ پايىمىمدا مەملەكەتكە دەگەن ماحابباتتىڭ ولشەمى جوق. ول بۇكپەسىز اقتارىلار جۇرەك تۇكپىرىندەگى ەڭ ۇلى سەزىم. بالاڭ ۇرپاق بۇگىندە «رۋحاني بيىكتىكتىڭ» شىڭىنا ساتىلاپ كوتەرىلۋدە. ازاتتىقتىڭ رۋحى قازاق قوعامىنا تاۋەلسىزدىكپەن قاتار ەنسە دە، سارىن قوبىزىن سىزىلتىپ وتكەن ۇلتتىق قايناردىڭ باستاۋلارىن كەز كەلگەن جەردەن ىزدەيمىن. مەنىڭ تولعانىسىم — مەنىڭ عۇمىرباياندىق حامزامداعى پيعىل مەن پەندە.
قاجەتتىلىگىنە وتاندىق تۇرعىدان وتەۋگە ارنالعان بولاشاق جوسپار. شىعارماشىلىقتا: «ادەبيەت — رۋح مايدانى! وندا كىمنىڭ رۋحى بيىك بولسا، سول جەڭىسكە جەتەدى...» دەگەن تۇسىنىك بار. ءاربىر قازاقتىڭ بالاسى «مەن ەلىمنىڭ جارقىن بولاشىعى نە ىستەي الامىن؟» دەگەن سۇراقتار توڭىرەگىندە ەركىن جاۋاپ قايتارۋى قاجەت. سەبەبى، ءومىر كارتيناسىنىڭ ەرلىكتەرى — ازاتتىقتىڭ ماڭدايى جارقىراعان ولكەدە جاسالادى. تالعامپاز كوڭىلدە رۋح جانارتاۋىنىڭ اتقىلاۋىنا شۋاق بەرەتىن ارمان دەگەن ۇعىم بار. مەن ۇنەمى ارمان قۇبىلامنان رۋحاني بيىكتىكتى ىزدەيمىن. جان دۇنيەسى نۇرلى ادام عانا قوعام مەن وتاننىڭ گۇلدەنۋىنە ءوز بويىنداعى اسقان ءنارىن بەرە الادى.
ويىمدى قورىتىندىلايتىن بولسام، ەل ەرتەڭى ءبىلىمدى ۇرپاق پەن جالىندى جاستاردىڭ قولىندا. ازات ەلدىڭ ءاربىر ازاماتى ۇلتتى، ءتىلدى، ءدىنىمىز بەن ءدىلىمىزدىڭ ءقادىر قاسيەتىن ۇعىنا ءجۇرىپ قاستەرلەسە ماڭگىلىك ەلدىڭ ءبىرى بولامىز دەپ بەك ايتا الامىن. ءار تۇلعا ۇلت كەلبەتىندەگى جاۋاپكەرشىلىكتى ۇعىنسا، تاريحىمىزدا قاشالار اقتاڭداق بەتتەردىڭ تاعى دا اشىلارى انىق.
قىسقا عۇمىرىن ەل تاعدىرىنا ارناپ، الاش ۇرانىن اسپانداتىپ، حالىق يگىلىگى ءۇشىن قارا باسىن قاتەرگە تىگىپ، كۇللى ادامزاتتىڭ مۇددەسىن كوزدەگەن، زامانا سىرىن اشىپ، بولاشاققا جول سىلتەگەن ۇلت اقىنى ماعجان جۇمابايەۆ:
مەن سەنەمىن جاستارعا.
الاش اتىن اسپانعا
شىعارار ولار ءبىر تاڭدا،
مەن جاستارعا سەنەمىن! — دەپ جىرعا قوسىپ، ءۇمىت كۇتكەن جالىندى جاستارىنىڭ وسال بولۋعا قاقىسى جوق. كەلەشەگىمىزدىڭ كەمەل، ەرتەڭىمىزدىڭ ەلەۋلى بولۋى ءسىز بەن ءبىزدىڭ قولىمىزدا، ءقادىرلى زامانداستار!
You Might Also Like
-
بارلىعىمىزدىڭ قانداي دا ءبىر نانىم-سەنىمدەرىمىز بار جانە ءبىز ولارعا جابىسىپ قالعانىمىز سونداي، ەشتەڭەگە قاراماستان وزىمىزدىكى دۇرىس ەكەنىن دالەلدەۋگە دايىن تۇرامىز. ءبىراق ءسىز وسى نانىم-سەنىمدەرىڭىزد...
