InfoHub Logo

وسىدان قانشاما جىل بۇرىن الاش ارداقتىسى ءمىرجاقىپ دۋلات ۇلىنىڭ "سەركە" گازەتىندە "ءبىزدىڭ ماقساتىمىز" اتتى ماقالاسى جاريالانىپ ەدى. ول كەزدەگى ماقالانىڭ نەگىزى دە، ارقاۋى دا قازاقتىڭ ەل بولىپ ۇيىسۋىن قالىپتاستىرۋ، ەلدى بىرلىككە شاقىرۋ بولاتىن. ال بيىل ەلىمىزدىڭ تاۋەلسىزدىگىنە 20 جىل تولىپ وتىر. سول سەبەپتى مەن سول كەزدەگى ۋىتتى ماقالانى حالىق جادىنا تاعى دا ءتۇسىرىپ، وتكەن مەن بۇگىنگە ساراپ جاساسىن دەپ ويلادىم. ماقالامنىڭ اتىن وسىلاي الۋىمنىڭ سەبەبى دە سول. وتكەن كۇندەردى وي ەلەگىنەن وتكىزىپ، ويمەن باعالاپ، بايىبىنا جەتە قاراساق، تاۋەلسىزدىككە جەتۋ جولىندا نەلەر بولمادى، قانداي قيىنشىلىقتار وتپەدى، كىمدەر كەلىپ، كىمدەر كەتپەدى! وسىناۋ ادام ويى جەتكىسىز ۇزاق جىلدار شەگىندە قازاق نە كورمەدى!

ايبىندى باتىرلار دا، قايراتتى قالامگەرلەر دە، وتكىر ءتىلدى بيلەر دە وسى جولدا قۇربان بولدى. ال ءقازىر، تاريح بەتىنە ۇرپاق كوزىمەن قاراساق، ءبارى دە دەمدە ءوتىپ كەتكەن ەرتەگى ءتارىزدى. ءبىزدىڭ بۇگىنگى تاڭدا وسىنداي ەگەمەندى ەلدە، ىنتىماعى مەن بىرلىگى جاراسقان حالىق اراسىندا تۋعانىمىزعا ءتىپتى سەنەر سەنبەسىڭدى بىلمەيسىڭ. سول ۋاقىتتا ءبىزدىڭ ماقساتىمىز نە بولدى، ال ءقازىر قانداي؟ ەكى عاسىر ىشىندە ءبىزدىڭ ماقساتىمىز وزگەردى مە؟ ارينە، ول كەزدەگى ماقساتىمىز جۇدىرىقتاي جۇمىلىپ، تاۋەلسىزدىككە جەتۋ بولسا، ال ءقازىر، سول جۇمىلعان جۇدىرىقتى جازباي، اڭساپ جەتكەن تاۋەلسىزدىكتى ساقتاپ، ەلىمىزدىڭ مەرەيى مەن مەرەكەسىن ودان ءارى اسقاقتاتۋ. مەنىڭ بۇكىل قازاق جاستارىنى ڭ اتىنان ايتارىم، بىزدەر، ەلىمىزدىڭ بولاشاعىمىز جانە قازاقستانىمىزدى گۇلدەندىرۋگە بار كۇشىمىزدى سالامىز، وعان ۋادە دە بەرە الامىز. ءبىزدىڭ ماقساتىمىز قازاقستاننىڭ تاۋەلسىزدىگى مەن ءبىرتۇتاستىعىن، مادەنيەتى مەن ادەبيەتىن قايماعى بۇزىلماعان قالىپتا ساقتاپ، كەيىنگى ۇرپاققا جەتكىزۋ. مەنىڭ دە، بۇكىل قازاقتىڭ دا ماقساتى وسىبولۋعا ءتيىس. تاۋەلسىزدىكتىڭ 20 جىلدىعىنا ءوز جۇرەكجاردى ولەڭىمدى ارنايمىن:

تاۋەلسىزدىك- اڭساعان نۇرى ەلىمنىڭ
بوستاندىق اڭساپ تالاي ءبىر جىلدار ەگىلدىڭ.
ازاتتىق تاڭى اعارىپ اتقان بۇل كۇندە
مەرەيىڭ اسسىن، قازاعىم مەنىڭ، نۇر ەلىم.

نەلەر دە كەلىپ، كىمدەر وتپەدى زاماننان،
بوستاندىق اڭساپ شىقپاعان مايدان الاڭنان.
اجالعا قارسى قاسقايىپ تۇردىڭ مويىماي،
تاۋسىلسا داعى ايرىلىپ تاعات، امالدان.

بۇل ءومىر، شىركىن، كىمدەردەن كەيىن قالماعان،
تالاي جان ءوتتى اۋ تاۋەلسىزدىك دەپ زارلاعان.
قاتپار قاتپار تاريحى بار قازاعىم،
جىرىمدى ارناپ، باس يەمىن ءبىر ساعان.

تاۋەلسىزدىك -بۇل بابالار سالعان ۇلى جول،
تاريحتىڭ بىزگە ايتارى دا، سىرى مول.
قارا ءسوزدى تەمىردەي تۋراپ، قامىرداي،
يلەگەن تالاي ساڭلاقتار سالعان سارا جول.

اشىق بولعاي قازاعىمنىڭ اسپانى،
بىزگە باقىت ەلدىڭ ورلەپ، تاسقانى.
تەلمىرىپ جەتكەن تالاي قازاقتىڭ قانىمەن،
جاساي بەرسىن تاۋەلسىزدىك ماقتانى.

بۇگىنگى كۇن ەركىندىكتىڭ جالاۋى،
وسى ەمەس پە قالىڭ ەلدىڭ قالاۋى.
الاشىم مەنىڭ، ەشقاشاندا سونبەسىن،
تاۋەلسىزدىۋتىڭ ماڭگىلىك جاققان الاۋى.

باقىت قوي بىزگە ارايلاپ تاڭنىڭ اتقانى،
سىزدەر عوي مىنا ەلىمنىڭ ەرتەڭ ماقتانى.
الاش جۇرتى، قۇتتى بولسىن اعايىن،
تاۋەلسىزدىكتىڭ 20 جىلدىق اق تاڭى.