InfoHub Logo

دامىتۋشىلىق ساباق «ءبىزدىڭ وتانىمىز»
دۇنيەتانۋ 2-سىنىپ

ساباقتىڭ تاقىرىبى: ءبىزدىڭ وتانىمىز.
ساباقتىڭ ماقساتى: 1. وتان – قازاقستان، تۋعان ەلى تۋرالى تۇسىنىكتەرىن كەڭەيتۋ. وتان – ءوزىنىڭ تۇراتىن، ءومىر سۇرەتىن جەرى رەتىندە ءتۇسىندىرۋ.
2. وقۋشىلاردىڭ ءوي-ورىسىن، سانا سەزىمىن دامىتۋ. تۋعان ەل، وتان تۋرالى وقۋشىلاردىڭ سويلەۋ داعدىلارىن قالىپتاستىرۋ، سوزدىك قورىن مولايتۋ، ەستە ساقتاۋ قابىلەتتەرىن ارتتىرۋ.
3. وقۋشىنىڭ ەلىنە دەگەن سۇيىسپەنشىلىگىن، ماقتانىش سەزىمى ارقىلى پاتريوتتىق تاربيە بەرۋ.

ساباقتىڭ ءتۇرى: دامىتۋشىلىق ساباق.
ساباقتا قولدانىلاتىن ادىستەر: وي قوزعاۋ، قىزىعۋشىلىقتى وياتۋ، ماعىنانى تانىتۋ، وي تولعانىس، جيگسو. 1.
ساباقتىڭ كورنەكىلىگى: كارتا، دەڭگەيلىك تاپسىرمالار سالىنعان كونۆەرتتەر، كونستيتۋسيا كىتاپشاسى، جازىلعان ماقال-ماتەلدەر، سۋرەتتەر.

ساباقتىڭ بارىسى.
1. ۇيىمداستىرۋ كەزەڭى.
2. پسيحولوگيالىق دايىندىق.
ءمۇعالىم: بالالار بۇگىنگى ساباق ەرەكشە وتپەك. سەبەبى بىزگە قوناقتار كەلىپ وتىر. كانە، ءبارىمىز ورىنىمىزدان تۇرىپ، كۇلىمدەپ العىسىمىزدى ايتايىق. جانە دە بىر-بىرىمىزگە جاقسى تىلەكتەر تىلەيىك.
- بالالار، بىزگە قوناققا التىن بالىق تا كەلىپتى. ول تەككە كەلمەپتى. ول ايتادى: - «مەن باياعىدا شالدىڭ كوپتەگەن تىلەكتەرىن ورىنداعان ەدىم، ءبىراق كەمپىرى قاناعات ەتپەي مەنى رەنجىتكەن ەدى. ەندى سەندەر مەنىڭ تىلەكتەرىمدى ورىنداڭدار. سوندا مەن دە سەندەردىڭ بارلىق تىلەكتەرىڭدى ورىندايمىن».
ءمۇعالىم: - كەلىسەمىز بە، بالالار؟
- ولاي بولسا، العاشقى 3 تىلەگى ءۇي تاپسىرماسى بويىنشا. (ۇيگە بەرىلگەن تاپسىرما: ادام قۇقىعىنىڭ جالپىعا بىردەي دەكلاراسياسىنان ۇزىندىلەر تاقىرىبى بويىنشا تەكسەرۋ. )
1. دەڭگەيلىك تاپسىرمالار ورىنداۋ. (كونۆەرتكە «3»، «4»، «5»-تىككە ارنالعان سۇراقتار سالىنعان. وقۋشىلار تاڭداعاندارىن الىپ، جاۋاپ بەرەدى.

«3»-تىك سۇراقتارى: 1. كونستيتۋسيا دەگەن نەنى بىلدىرەدى؟
2. كونستيتۋسيا قاي كۇن؟
3. زاڭدى كىمدەر شىعارادى؟

«4»-تىك سۇراقتارى: 1. 26-باپتا نە جازىلعان؟
2. زاڭدا جازىلماعانداردىڭ ءبارىن ادامدار ساقتاماسا نە بولار ەدى؟
3. قاتال قاتىناس جاساۋ دەگەن نە؟

«5»-تىك سۇراقتارى: 1. مەكتەپتەگى ءتارتىپ ەرەجەسىن ساقتاۋعا ەرەجەلەر قۇرا.
2. 19-باپتا نە ايتىلعان؟
3. ادامدار بىر-بىرىنە قاتال قاتىناس جاساماۋ ءۇشىن نە ىستەۋ كەرەك؟
4. ءوزىڭ وقىعان كەز-كەلگەن ەرتەگى، اڭگىمە نەمەسە كورگەن فيلمدەرىندە ادام قۇقىعىنىڭ بۇزىلعانى تۋرالى ايت.
2. دەكلاراسيانىڭ قاي بابىنا سايكەس كەلەدى؟
ۇيدەن سالىپ كەلگەن سۋرەتتەرى بويىنشا بىر-بىرىنىكىن شەشەدى.
3. ۇيدە دايىنداپ كەلگەن كورىنىستەرى بويىنشا 2 توپ بىر-بىرىنىكىن شەشەدى.
ءمۇعالىم: جاقسى بالالار. التىن بالىق ءۇي تاپسىرماسى بويىنشا ريزا.

1. وي قوزعاۋ.
ءمۇعالىم: بالالار، مەن ولەڭ جولدارىن وقيمىن، مۇقيات تىڭداڭدار.
مەن ونىڭ ءتۇنىن سۇيەم، كۇنىن سۇيەم،
اعىندى وزەن، اسقار تاۋ، گۇلىن سۇيەم.
مەن ونىڭ قاسيەتتى ءتىلىن سۇيەم،
مەن ونىڭ قۇدىرەتتى ءۇنىن سۇيەم.
- بۇل ولەڭ نە تۋرالى؟
- وتان تۋرالى.
- ەندەشە، بالالار بۇگىنگى جاڭا ساباعىمىزدىڭ تاقىرىبى: ءبىزدىڭ وتانىمىز.

2. قىزىعۋشىلىقتى وياتۋ. وتان تۋرالى بۇرىنعى بىلەتىندەرىن. (وقۋشىلار ايتادى، ءمۇعالىم تاقتاعا جازادى. )
3. سەرگىتۋ ءساتى. «ءوز ەلىم» ءانىنىڭ اۋەنىمەن بي بيلەۋ.
4. ماتىنمەن جۇمىس. جيگسو 1 ءادىسى.
ءار توپ بولىمدەرگە ءبولىپ وقيدى. (4 ءبولىم) ءوز وقىعاندارىن رەتىمەن بىر-بىرىنە ايتادى.
سوزدىكپەن جۇمىس: وتان دەگەن ءسوزدى باسقا قانداي سوزدەرمەن الماستىرۋعا بولادى؟
تۋعان جەر، اتامەكەن، تۋعان ولكە. (وسى سوزدەردى داپتەرگە جازدىرتۋ).
5. توپپەن جۇمىس. 1توپ: وتانىمىزدىڭ بايلىعى تۋرالى ايتۋ. 2 توپ: اۋىلىم.
6. ينسەرت ءادىسى.
بۇرىنعى بىلەتىنىم
جاڭا ءبىلىم
وقۋشىلار جازادى.

7. ۆەنن دياگرامماسى.
قازاقستان -------------------- اۋىلىم

ويىن. ءارىپ تەرۋ. وتان دەگەن ءسوزدىڭ ءار ارىپتەن ءوز وتانىن قورعايتىن ازامات قانداي بولۋ كەرەك؟ سوعان بايلانىستى سوزدەر ويلايىق.
و – وقىمىستى، وتان سۇيگىش.
ت – ءتارتىپتى، تالاپتى.
ا – اقىلدى، ادال.
ن – نامىسشىل، ناعىز ەر.
ءمۇعالىم: بالالار، سەندەر تاۋەلسىز قازاق ەلىنىڭ ەڭ جاس ۇلانىسىڭدار. سوندىقتان ءوز جەرىڭ مەن ءوز ەلىڭدى اكەلەرىڭ مەن اتالارىڭ سياقتى قادىرلەۋگە، سۇيۋگە، قورعاۋعا ءتيىس ەكەندەرىڭدى ەستە ساقتاڭدار!
ۇيگە تاپسىرما: «ءبىزدىڭ وتانىمىز» ءماتىنىن وقۋ. وتان تۋرالى ماقال-ماتەلدەر جيناۋ. وتان تۋرالى ولەڭ قۇراۋ.

قورىتىندى: - ساباق ۇنادى ما؟
- ساباقتا نە ىستەدىك؟
- كىمنىڭ جاۋابى ۇنادى؟
- ماعان دا سەندەر ۇنادىڭدار. ساباققا جاقسى قاتىستىڭدار. (باعالاۋ)
- راحمەت. التىن بالىق تا سەندەرگە ريزا. سىيى. (باعالار)