InfoHub Logo

اقتوبە وبلىسى،
اقتوبە قالاسى، №32 مەكتەپ-گيمنازياسىنىڭ
باستاۋىش سىنىپ ءمۇعالىمى ەلشىبەكوۆا ساۋلە ورىنباسار قىزى

ساباق تاقىرىبى: ماعىناسى قاراما-قارسى سوزدەر.
ساباق ماقساتى: 1. ماعىناسى قاراما-قارسى سوزدەردى مەڭگەرتۋ جانە ءسوز ماعىناسىنا ءمان بەرۋدى ۇيرەتۋ،ءتۇسىندىرۋ.
2. وقۋشىلاردىڭ ەستە ساقتاۋىن جانە ءتىلىن،سوزدىك قورىن دامىتۋ.
3. تەز ويلاۋعا،دۇرىس شەشىم قابىلداۋعا،ءبىرىن-بىرى سىيلاۋعا تاربيەلەۋ. حالىق پەداگوگيكاسىن دارىپتەۋگە ۇيرەتۋ.
ءتۇرى: ءداستۇرلى ەمەس ساباق
ءتيپى: جاڭا ءبىلىمدى مەڭگەرۋ
ادىستەرى: سۇراق-جاۋاپ،ءتۇسىندىرۋ،ويىن،بايانداۋ
كورنەكىلىك: ينتەراكتيۆتى تاقتا،سلايدتار
تەحنولوگيا: دامىتا وقىتۋ

ساباق بارىسى
1. ۇيىمداستىرۋ ءبولىمى.
بالالار، بۇگىنگى ساباعىمىز بۇرىنعىدان ەرەكشە بولماق. ويتكەنى، ءقازىر ءبىز « جەتى اتا»اۋىلىنا ساياحات جاسايمىز.
ساياحاتقا شىعۋ ءۇشىن وزىمىزگە كولىك ازىرلەپ الايىق. بۇرىن اتا-بابالارىمىز تەحنيكا دامىماعان،ماشينا بولماعان كەزدە كولىك رەتىندە نەنى پايدالانعان؟
- اتتى،تۇيەنى،وگىزدى
- سەندەر سونىڭ قايسىسىن قالايسىڭدار؟
- اتتى.
- جارايدى،اتتى جولعا ازىرلەيىك.
- اتتى شاناعا جەگۋ ءۇشىن قانداي جابدىقتار كەرەك؟
- قامىت،دوعا،دەلبە،شانا،ەرشىك ت. ب.
سۇراقتارعا جاۋاپ بەرە وتىرىپ،اتامىزدىڭ اۋىلىنا كەلىپ قالىپپىز.

1 «اتا»اۋىلى سەندەردىڭ بىلىمدەرىڭدى تەكسەرمەكشى ەكەن ،مىناداي تاپسىرمالار دايىنداپتى.
«سىناق دورباسى»
● ءسوز ماعىناسىنىڭ تۇرلەرىن اتا.
● ماعىناسى جۋىق سوزدەرگە مىسال كەلتىر.
● ماعىناسى قاراما-قارسى سوزدەرگە مىسال كەلتىر.
● دىبىستالۋى بىردەي،ماعىناسى ءار باسقا سوزدەرگە بايلانىستى سويلەم ويلا.
● ديداكتيكالىق ويىن. (ماعىناسى قاراما-قارسى سوزدەردى ايت). جۇپتىق جۇمىس
جۋان – سۇلۋ -
ارزان – ەرىنشەك -
ال بالالار،جەر تايعاق،قۇلاپ قالمايىق. (ءبارىمىز جوندەلىپ وتىرايىق). الدىمىزدا كورىنگەن قاي اۋىل؟.

2 «اكە» اۋىلى.
كوركەم جازۋ.
جوڭىشقا،مۇرجا،جاشىك

جەتى اتاسىن بىلگەن ەر،
جەتى جۇرتتىڭ قامىن جەر.

3 «بالا» اۋىلى.
بۇل اۋىلدا «پوەزيا مينۋتىن» وتكىزەمىز.
7-جاتتىعۋ
قىزعالداقتىڭ قاسىنا
ءىسىپ كەتتى باس،شەكەم.
بالى ءتاتتى بولعانمەن،
ءتىلى ءوزىنىڭ اششى ەكەن!

ەندى تيمەن وعان مەن،
قويىپ ەدىم قوندىرماي،
ءبىزىن سۇعىپ باسىما
(قادىر مىرزا ءالي)

● ولەڭدى مانەرلەپ وقى.
● ماعىناسى قاراما-قارسى سوزدەردى تاپ.
ءتاتتى - اششى

4. ال بالالار،ءۇش اۋىلعا ساياحات جاساپ،شارشاڭقىراپ قالعان بولارمىز. ەندى «نەمەرە» اۋىلىنا كەلدىك. بۇل اۋىلدا «سەرگىتۋ ءساتىن» جاساپ الايىق.
● ماقالدى جاتقا جازۋ
1. مەيىرىمدى العىس السا
مەيىرىمسىز قارعىس الار.
2. اقىلدى ءىس تىندىرادى،
اقىماق ءتىس سىندىرادى.

5. كانە،بالالار شاناعا جوندەلىپ وتىرايىق. ءالى دە باراتىن اۋىلدارىمىز بار،ۋاقىت بولسا جاقىن قالدى.
كوزدى اشىپ جۇمعانشا «شوبەرە» اۋىلىنا كەلىپ قالىپپىز. «سيقىرلى ساندىق» ازىرلەپتى.
● بەرىلگەن سوزدەرگە ماعىناسى قاراما-قارسى سوزدەردى تاپ.
مەيىرىمدى-
جۋاس-
قىمبات-
سۇيىق-
قاشىق-

6. «شوبەرە» اۋىلىنان شىعىپ،«شوپشەك» اۋىلىنا بەت الدىق. مىنە،
«شوپشەك» اۋىلىنا كەلدىك. «شوپشەك» اۋلى سەندەرگە مىناداي تاپسىرما دايىنداپتى.
10-جاتتىعۋ.
● تەك ماعىناسى قاراما-قارسى سوزدەر جۇبىن تەرىپ جاز .
● كەستەنى پايدالانىپ،پىكىرىڭدى دالەلدەپ ۇيرەن.

دالەلدەۋ ۇلگىسى:جاقسى جانە جامان سوزدەرى - ماعىناسى قاراما-قارسى سوزدەر،ويتكەنى ەكەۋىنىڭ ماعىناسى بىر-بىرىنە قاراما-قارسى،ءارى ەكەۋى دە سىن ەسىمگە جاتادى.
● ءوزىڭ قالاعان ءسوز جۇپتارىمەن ءسوز تىركەسىن جاز.

7. ال،بالالار،سوڭعى اۋىلعا كەلىپ جەتتىك. بۇل قانداي اۋىل؟ «نەمەنە»اۋىلى
«نەمەنە» اۋىلى سەندەرگە ىشىندە قاراما-قارسى سوزدەرى بار ماقال-ماتەل نە جۇمباق جازىڭدار دەپ تاپسىرادى.
3. ساباقتى قورىتۋ.
بۇگىنگى ساباقتا نە ىستەدىڭ،نە ۇيرەندىڭ؟
4. باعالاۋ.
5. ۇيگە تاپسىرما