InfoHub Logo

ساباقتىڭ تاقىرىبى: ءبىزدىڭ وتانىمىز - قازاقستان استانا

ساباقتىڭ ماقساتى:
1. سىنىپ وقۋشىلارىنا قازاقستان رەسپۋبليكاسىنىڭ فيزيكالىق - گەوگرافيا
لىق ەرەكشەلىگى، تابيعات بايلىعى تۋرالى تۇسىنىك بەرۋ. استانا قالاسىنىڭ تاريحى، سيمۆولى، قازىرگى كەلبەتى مەن جەتىستىكتەرى تۋرالى اڭگىمەلەۋ
2. وقۋشىلاردى شىعارماشىلىققا باۋلي وتىرىپ، ويىن اشىق جەتكىزۋگە ۇيرەتۋ. دەربەس جۇمىس ىستەۋ داعدىلارىن جەتىلدىرۋ
3. ۇلتجاندىلىققا، وتانسۇيگىشتىككە تاربيەلەۋ. قازاقستاندىق پاتريوتيزم مەن ازاماتتىقتى قالىپتاستىرۋ
ساباقتىڭ ءجۇرۋ بارىسى

پسيحولوگيالىق دايىندىق
- بالالار، بۇگىن اپتانىڭ قاي كۇنى؟
- ( --------- )
- ولاي بولسا، بۇگىنگى ساباعىمىزعا ساتتىلىك تىلەپ، ءبىر - بىرىمىزگە جارقىن جۇزبەن قاراپ، ساباعىمىزدى باستايىق

ءىى. وتىلگەندى پىسىقتاۋ
1. ۇيدەن جازىپ كەلگەن “مەنىڭ سۇيىكتى مەرەكەم” تاقىرىبىنداعى اڭگىمەنى بىرنەشە وقۋشىعا وقىتۋ
2. قايتالاۋ ماقساتىندا ساۋالناما جۇرگىزۋ
1. ەڭبەكشىلەردىڭ حالىقارالىق ىنتىماق كۇنى
ا) 1 مامىر ءا) 25 قازان ب) 16 جەلتوقسان
2. شوپان تويى، مۇعالىمدەر كۇنى، قىرمان تويى قانداي مەرەكە ءتۇرى؟
ا) ۇلتتىق مەيرام ءا) كاسىپتىك مەرەكەلەر ب) مەرەكەلى كۇندەر
3. سابان تويدى كىمدەر تويلايدى؟
ا) مۇعالىمدەر ءا) شاحتەرلەر ب) ديقاندار
4. ۇستازدار مەرەكەسى قاي ايدا تويلانادى؟
ا) قازان ءا) قىركۇيەك ب) قاراشا
5. قازاقستان ءوز ەگەمەندىگىن قاشان الدى؟
ا) 1990ج. 25قازان ءا) 1910ج. 8ناۋرىز ب) 1986ج. 16جەلتوقسان

1. وي شاقىرۋ س. ماۋلەنوۆتىڭ “قازاقستان - رەسپۋبليكام مەنىڭ!” اتتى ولەڭىن ءۇنتاسپادان تىڭداۋ
تاۋدى كورسەڭ كۇن كوزىمەن تالاسقان،
اسپان كورسەڭ اي مەن كۇنگە جول اشقان،
مەنىڭ بايتاق رەسپۋبليكام تاۋلارى،
مەنىڭ كوگىم - مولدىرەگەن سول اسپان.
دالا كورسەڭ، كوكجيەكپەن ۇشتاسقان،
كولدى كورسەڭ سەكىلدى ءبىر تۇسكى اسپان،
مەنىڭ بايتاق رەسپۋبليكام دالاسى،
مەنىڭ كولىم تەڭىزبەن قول ۇستاسقان.
قىزىل بۇلتتاي كورسەڭ قىردىڭ گۇلدەرىن،
كورسەڭ اشىق الاتاۋدىڭ كۇندەرىن،
جەرىندە گۇل، كوگىندە كۇن ءبىر جۇزگەن
ۇلان - بايتاق رەسپۋبليكام بۇل مەنىڭ!

2. ترەنينگ
- ولەڭدە ايتىلعان رەسپۋبليكادا قانداي حالىقتار مەكەندەيدى؟
- قازاق حالقى قانداي حالىق؟

3. قوسىمشا مالىمەت
- باتىستا كاسپيي ماڭى ويپاتىنان شىعىستا التاي تاۋىنا دەيىن 300 كم - گە سوزىلىپ جاتىر. سولتۇستىكتەن وڭتۇستىككە قاراي 1600 كم. جەر كولەمى - 3 ملن. شارشى كم.
- تابيعاتى الۋان ءتۇرلى. قيىر سولتۇستىگى ءمولدىر كولدەرگە باي، ورماندى دالا. وڭتۇستىگى - كەڭ القاپتى شولدەر. كوپ جەرى جازىق. شىڭدارى بۇلتپەن تالاسىپ، باسىن قار مەن مۇز باسقان اسقار تاۋلار شىعىسى مەن سولتۇستىگىن جيەكتەپ وتەدى.
- جەر قويناۋى پايدالى قازبالارعا باي. مەتالل كەندەرى، كومىر، مۇناي، گاز، فوسفوريت، ءتۇرلى تۇزدار كوپتەپ كەزدەسەدى.
- رەسپۋبليكامىزدا جۇزدەن ارتىق ۇلتتار مەن ۇلىستاردىڭ وكىلدەرى تۇرادى. ولاردىڭ ءبارى قازاقستاننىڭ كەڭ قۇقىقتى ازاماتى.
- قازاقستان 5 ەلمەن شەكتەسەدى.
- وتانىمىزدىڭ استاناسى - استانا قالاسى.(1997ج). قالا ەسىل وزەنىنىڭ وڭ جاعالاۋىندا، سارىارقانىڭ سولتۇستىك بولىگىندە. بۇرىنعى استانا - الماتى قالاسى.

4. كارتامەن جۇمىس
- كارتادان استانا، الماتى، اتىراۋ قالالارىن تابۋ
- ەلىمىزدىڭ اۋماعىن كورسەتۋ
- ەلىمىزبەن شەكتەسەتىن مەملەكەتتەردى تابۋ
5. ويىن “دىبىستار سويلەيدى”
- ءار وقۋشى قازاقستان رەسپۋبليكاسى، استانا قالاسى تۋرالى سەزىم - پىكىرلەرىن “قازاقستان” ءسوزىنىڭ ءار دىبىسىنان باستالاتىنداي ەتىپ بىلدىرەدى

6. وقۋلىقپەن جۇمىس
- - داۋىستاپ وقىتۋ
- “ءبىزدىڭ وتانىمىز - قازاقستان” /138 - 139 - بەت/
- - ىشتەي وقىتۋ
- “استانا” /140 - 142 - بەت/
- 7. داپتەرمەن جۇمىس
- تولىقتىرۋ ساۋالناماسى
- قازاقستان باتىستا كاسپيي ماڭى ويپاتىنان... تا - ۋىنا دەيىن 300 كم. قازاقستان... مەملەكەتپەن شەك - تەسەدى. قازاقستاننىڭ استاناسى -...

ءىۇ. ساباقتى بەكىتۋ
1.“ۆەنن” دياگرامماسى(الماتى، استانا قالالارىن سالىستىرۋ)
2. وتان، تۋعان جەر تۋرالى ماقال - ماتەل سايىسىن ۇيىمداستىرۋ
ءۇ. ۇيگە تاپسىرما بەرۋ
ءۇى. باعالاۋ
وقۋشىلاردىڭ ءوز - وزدەرىن باعالاۋىن ۇيىمداستىرۋ