«بولاشاق» باعدارلاماسى ۇمىتكەرلەرىنە قويىلاتىن تالاپتار كۇشەيتىلمەك
2023 جىلدان باستاپ «بولاشاق» باعدارلاماسىنىڭ كونكۋرستىق ىرىكتەۋىنە قاتىسۋ ءۇشىن ۇمىتكەرلەر شەت ءتىلىن مەڭگەرگەنىن راستاۋى ءتيىس.
كانديداتتار ءوتىنىم بەرگەن كەزدە شەت تىلىنەن ەمتيحان تاپسىرعانى تۋرالى سەرتيفيكات ۇسىنادى. مىسالعا، اعىلشىن تىلىندە ماگيستراتۋراعا تۇسۋشىلەر ناتيجەسى 9.0 - دەن كەم دەگەندە 6.0 IELTS، PBT 677- دەن 498، IBT 120- دان 60 TOEFL سەرتيفيكاتتارىن، تاعىلىمدامادان وتۋشىلەر - IELTS 5.0، PBT-417، IBT-35 TOEFL، DET 75 سەرتيفيكاتتارىن ۇسىنۋى ءتيىس.
«بيىل «بولاشاق» باعدارلاماسىنىڭ كونكۋرستىق ىرىكتەۋ ەرەجەلەرى جەتىلدىرىلدى. بۇل شارا كانديداتتاردىڭ قۇرامىن ساپالىق جاعىنان ارتتىرۋ ءۇشىن قابىلداندى. شەتەلدىك جوعارى وقۋ ورنىنىڭ دوكتورانتۋراسىنا تۇسەتىن قازاقستاندىقتاردى قوسپاعاندا، «بولاشاق» باعدارلاماسىنىڭ ۇمىتكەرلەرى شەت ءتىلىن مەڭگەرۋدىڭ جوعارى دەڭگەيىن راستاۋى قاجەت»، - دەدى «حالىقارالىق باعدارلامالار ورتالىعى» اق باسقارما ءتوراعاسى ولجاس ساكەنوۆ.
You Might Also Like
-
ءدىني تۋريزم قازاقستاندا كوبىنەسە مۇسىلماندىق ءدىني نىساندارعا بارۋمەن بايلانىستى. مۇندا يسلام جولىن قۋۋشىلار ايگىلى ءدىن نەگىزىن قالاۋشىلاردىڭ مەشىتتەرى، كەسەنەلەرى، مولالارى مەن قابىرلەرىنە بارا الا...
-
ەرتەدە پاتشانىڭ ەكى قىزى بولىپتى. پاتشا ەكى قىزىن دا جاقسى كورىپتى. قىزدارى نە قالاسا، سونى بەرىپ، بەتىنەن قاقپاي وسىرەدى. ءبىراق وسە كەلە قىزدارىنىڭ مىنەزى وزگەرە باستاپتى. ۇلكەن قىزى ۇنەمى مۇڭايۋمە...
