InfoHub Logo

ءدىني تۋريزم

ءدىني تۋريزم قازاقستاندا كوبىنەسە مۇسىلماندىق ءدىني نىساندارعا بارۋمەن بايلانىستى. مۇندا يسلام جولىن قۋۋشىلار ايگىلى ءدىن نەگىزىن قالاۋشىلاردىڭ مەشىتتەرى، كەسەنەلەرى، مولالارى مەن قابىرلەرىنە بارا الادى. مىسالى، قوجا احمەت ياسساۋي جانە ارىستان باب كەسەنەلەرى، شاقپاق-اتا مەن بەكەت-اتا جەر استى مەشىتتەرى جانە تاعى باسقالارى.

قازاقستاننىڭ زاماناۋي ءدىني قۇرىلىستارى قاجىلىققا باراتىن ادامداردى دا قىزىقتىرماي قويمايدى. مۇنداعى استانا قالاسىنىڭ مارجانى «قازاق ەلى» باستى الاڭىندا ورنالاسقان «حازىرەت سۇلتان» مەشىتى بولىپ سانالادى.

مادەني-تانىمدىق تۋريزم

ارحەولوگيا، تاريح جانە ساۋلەت ەسكەرتكىشتەرىنىڭ كولەمى بويىنشا قازاقستان ناعىز «اشىق اسپان استىنداعى مۇراجاي» بولىپ سانالادى. تۋريستەر ۇلى جىبەك جولى بويىنداعى كونە قالالارعا بارىپ، قولا داۋىرىندەگى تامعالى پەتروگليفتارىن نەمەسە ايگىلى ماڭعىستاۋ قورىمدارىن كورە الادى.

ەكولوگيالىق تۋريزم

ءىس جۇزىندە تابيعاتى بۇلىنبەگەن تۇردە ساقتالعان اۋماقتىڭ سانى مەن ءار تۇرلىلىگى قازاقستاندى ەكولوگيالىق تۋريزم اۋەسقويلارى ءۇشىن ەرەكشە قىزىقتىراتىن بولادى. قازاقستان اۋماعىندا 12 ۇلتتىق تابيعي پارك جانە 10 قورىق بار.

سپورتتىق تۋريزم

قازاقستان كەلەسىدەي باعىتتار بويىنشا سپورتتىق تۋريزم ءۇشىن كەرەمەت جاعدايلار ۇسىنادى: تاۋ شاڭعى ءتۋريزمى، الپينيزم، سۋ ءتۋريزمى، ات ءتۋريزمى، ۆەلوتۋريزم جانە تاعى باسقالارى.

ال شىمبۇلاق تاۋ شاڭعى شيپاجاي تراسسالارى الەم بويىنشا ەڭ كۇشتىلەر قاتارىنا كىرەدى.

ساۋىقتىرۋ ءتۋريزمى

قازاقستان — ەمدىك-ساۋىقتىرۋ ءتۋريزمى ءۇشىن كەرەمەت لايىقتى جەر. ونىڭ ەرەكشەلىگى ەمدىك تابيعي رەسۋرستاردى بەلسەندى قولدانۋىندا: ىستىق بۇلاقتار، ەمدىك قاسيەتى بار باتپاقتار، ەم بولاتىن كليمات. قازاقستاندا قىمىز تەراپياسى، مينەرالدى سۋلاردى پايدالانۋ مەن پانتوەمدەۋ قولدانىلادى. سونىمەن بىرگە زاماناۋي قۇرىلعىلارمەن جابدىقتالعان شيپاجايلار مۇنداي ەمدەۋدىڭ «تابيعي بازالاردىڭ» تۋرا قاسىندا ورنالاسقان.

---