بولاشاق ماماندىعىڭىز قانداي؟
بۇگىنگى كۇنى كوپ وقۋشىلار ماماندىق تاڭداي الماي، باس قاتىرىپ ءجۇر. بۇگىن بولاشاق جاسوسپىرىمدەرگە، ماماندىعىن سەنىممەن تاڭداعان تويشىبەك نازيرامەن سۇقباتتاسۋدى ءجون كوردىم.
- ءاتى-جونىم تويشىبەك نازيرا. قازىرگى تاڭدا 10 سىنىپ وقۋشىسىمىن. 15 جاستامىن.
- قازىرگى تاڭدا قانداي ماماندىق تاڭداپ وتىرسىز؟
- مەن جالپى مەديسينا سالاسىن تاڭدادىم. مەديسينا ماماندىعىن تاڭداپ، ادامدارعا جارىق ءومىر سىيلاسام دەيمىن. مەديسينا سالاسى قازىرگى كۇنى سۇرانىسقا يە ماماندىقتاردىڭ ءبىرى. اق حالاتتى ابزال جاندار بولماسا، ەلىمىزدىڭ ازاماتتارىن قالاي ەمدەيمىز؟ سول سەبەپتى مەديسينا سالاسىن الەمدىك دەڭگەيگە دەيىن دامىتسام، ودان اسقان ارمانىم جوق. قازاقستان جەرىندە مەديسينا سالاسىن دامىتىپ، ءوز ۇلەسىمدى جوعارى دەڭگەيدە قوسسام دەيمىن.
- جالپى مەديسينا سالاسىنىڭ باعىتىنان، قاي ماماندىققا بەت بۇردىڭىز؟
- مەن جالپى مەديسينا سالاسىنىڭ ىشىنەن كارديوحيرۋرگيا ماماندىعىن نىق سەنىممەن تاڭداپ وتىرمىن. بولاشاقتا وسى ماماندىقتى شىن كوڭىلىممەن وقىپ، وتاندىق مەديسينا سالاسىنا ءوز ۇلەسىمدى قوسقىم كەلەدى. نەگە كارديوحيرۋرگيا؟ ويتكەنى، جۇرەك ادام اعزاسىنداعى باستى ورگانداردىڭ ءبىرى، ادامنىڭ ىشكى اعزالارىن ەمدەپ جازاتىن دا ادام قاجەت. ەگەر جۇرەك ەمدەلمەسە، ادامزات بالاسىنىڭ جاعدايى اۋىر حالدە بولادى.
- كارديوحيرۋرگيا سالاسى بويىنشا قانداي ۋنيۆەرسيتەتكە تۇسكىڭىز كەلەدى؟
- مەملەكەتىمىز بويىنشا مەديسينا سالاسىن وقىتاتىن جوو-لار كوپ، سونىڭ ىشىندەگى مەنىڭ تاڭداۋىم، "قازاق ۇلتتىق مەديسينالىق ۋنيۆەرسيتەتى اسفەندياروۆ". مۇنداعى ءبىلىم ساپاسى وتە جوعارى، مەديسينا سالاسىنىڭ قارا شاڭىراعى بولىپ تابىلادى. سىزدەرگە ايتارىم، ۋنيۆەرسيتەت تاڭداعاندا ونىڭ ءبىلىم ساپاسىن، جاتاحاناسىن، شەت ەلدەرمەن بايلانىسىن، ستۋدەنتتەرگە قاراستىرىلعان جاعدايلار ت. ب. ، قاتتى ءمان بەرىپ تاڭداۋ قاجەتتى. اسفەندياروۆ ۋنيۆەرسيتەتى، مەنىڭ تاڭداۋىما جانە تالاپتارىما 100% ساي كەلەدى.
- بولاشاق تۇلەكتەر مەن جاسوسپىرىمدەرگە، ءوزىڭىزدىڭ ماماندىق تاڭداۋدا قانداي كەڭەسىڭىزدى بەرەسىز؟
- ادام ومىردە ەكى نارسەنى تاڭداۋدا قاتەلەسپەۋ كەرەك، ءبىرى ومىرلىك جار، ەكىنشىسى ماماندىق. ماماندىقتى كوپشىلىك جاستار اتا-اناسىنىڭ قالاۋىمەن تاڭداپ، وقۋعا قۇلشىنىسى جوعالىپ، ىشتەي وكىنىش پايدا بولادى. ماماندىق تاڭداردا جاستارعا بەرەر كەڭەسىم، ءوز ۇشقىنىن تابۋ، ياعني، ءوزىنىڭ قاي سالاعا ءبيىم ەكەنىن، قانداي ماماندىقتى سۇيەتىنىن ءبىلۋى كەرەك. ءبىراق ءبىر ماماندىقپەن ءومىر سۇرە بەرۋگە بولمايدى ادام قاجىپ كەتەدى، جان-جاقتى بولۋ قاجەت. سەبەبى، ءبىر ديپلوم ءومىر بويىنا ازىق دەگەن ۇستانىم وزگەردى. ءبىلىم الۋدى ەشقاشان توقتاتپاۋ قاجەت. مىسالى، شەت ءتىلىن ۇيرەنگەنىڭ بۇل سەنىڭ جۇمىستاعى ورنىڭنىڭ جوعارىلاۋىنا كومەك بەرەدى، كاسىبىڭ العا باسادى، سول سياقتى باسقادا كىشىگىرىم كوزدەردەن ءبىلىم الا بەرۋ قاجەت.
- كارديوحۋرۋرگيا سالاسىن ءبىتىرىپ، شەت ەلدە جۇمىس اتقارۋعا كوز قاراسىڭىز قالاي؟
- ارينە، بۇل ۇسىنىس وتە جاقسى. دەگەنمەن مەن ءوز ەلىمە پايدام تيسە دەيمىن. ءوز حالقىمىزعا ءوزىمىزدىڭ جانىمىز اشىپ كومەكتەپەسەك، وزگەنىڭ جانى اشي قويمايتىنى انىق. ءبىراق شەتەلدە وقىپ بىلىكتىلىگىڭدى ارتتىرۋعا مەنىڭ كوز قاراسىم جاقسى. مىسالى، "بولاشاق" باعدارلاماسى جاستار شەت ەلگە بارىپ تولىق ءبىلىم الىپ كەلەدى دە، ءوز مەملەكەتىندە جۇمىس جاسايدى. ال بارلىق جاعدايىن مەملەكەت ءوزى جاساپ بەرەدى. بۇل كەرەمەت ەمەس پە؟ مەملەكەت جاستارعا جاساعان ەڭ كەرەمەت مۇمكىندىك دەپ، تانۋعا بولادى. شەت ەلدە جاساعان جۇمىستا جاقسى شىعار، ءبىراق ءوز ەلىڭنىڭ جەرۇيىعىڭدا جاساعان جۇمىسقا، ەشبىر قۇن جەتپەيدى
- كارديوحيرۋرگيا ماماندىعى قازاقستان ەلىندە سۇرانىسقا يە مە؟، ءوز پىكىرىڭىزدى ايتساڭىز.
- ارينە سۇرانىسقا يە، ماماندىقتاردىڭ ءبىرى. جاسىدا، كارىسىدە جۇرەگىن ەمدەتەمىن دەپ شەتەل اسىپ، قانشاما شىعىنعا ۇشىراپ جاتىر. بۇل سالانى دامىتىپ، ءوز ۇلەسىمدى قوسۋدا ايانىپ قالمايمىن! ءوز ەلىمىزدە دە مەديسينانىڭ جاقسى دامىعاندىعىن حالىققا دالەلدەپ، كورسەتۋ قاجەت. سوندا عانا شەتەل اسپاي، ءوز ەلىمىزدە ەمدەلەتىن بولادى.
- نازيرا بۇگىنگى سۇقباتىڭىزعا راحمەت. العا قويعان ارمان مەن ماقساتتارىڭىزعا جەتىپ، بيىكتەردەن كورىنە بەرىڭىز. گرانت يەگەرى اتانۋعا ساتتىلىك تىلەيمىن!
You Might Also Like
-
مەملەكەت باسشىسىنىڭ تاپسىرماسىنا سايكەس، پەداگوگتەردىڭ لاۋازىمدىق جالاقىسى 2020 جىلعى 1 قاڭتاردان باستاپ جىل سايىن 25 پايىزعا ءوستى. وسىلايشا پەداگوگتەردىڭ جالاقىسى 2020-2023 جىلدارى 100 پايىزعا ءوست...
