InfoHub Logo

ماقساتقا تەك قاتەلىك جاساپ، تاجىريبە جيناۋ ارقىلى جەتەسىڭ

توماس ەديسون

جۋرناليستيكا – قيىندىعى مەن قىزىعى قاتار جۇرەر، ىزدەنىس پەن ءبىلىمدى قاجەت ەتەتىن سالا. جۋرناليست بولۋ ءۇشىن العىر، ءبىلىمدى، ىزدەنىمپاز، ايتقان ءسوزى ءماندى دە ءساندى بولۋى ءتيىس. جۋرناليست بولۋ ارقىلى حالىقپەن تىعىز قارىم-قاتىناستا بولىپ، ءار وڭىردەگى ەلەڭ ەتكىزەر جاڭالىقتاردان حابار ەتكىزە الاتىنىمىز ءسوزسىز. جالپى جۋرناليستيكا سالاسى كوپ بىلىممەن قاتار جاڭا اقپاراتتىق تەحنولوگيالاردى تولىق مەڭگەرۋدى بىزدەن تالاپ ەتەدى. اقپارات ءادىل تارازى بولىپ، ادام مەن قوعام ءۇشىن كىرشىكسىز قىزمەت ەتسە عانا ءبىز كوزدەگەن ماقساتتارعا جەتە الامىز. مەن ماماندىق تاڭداۋدا ءبىراز ويلاندىم. مەنىڭ كوزدەگەن ماقساتىم – بىلىكتى دە ءبىلىمدى "جۋرناليست" بولۋ ەدى. ءدال وسى سالادا ءوزىمدى ءبىراز شىڭداپ ۇلگەردىم. مەنىڭ تاڭداعان ماماندىعىم – بالا كەزىمنەن الدىما قويعان ماقساتىمنىڭ، قيالىمدا كەڭگە جايعان اسقاق ارمانىمنىڭ ناتيجەسى. ول – جۋرناليست بولۋ. قاراپايىم جۋرناليست ەمەس، جاھاندىق ارەنادا تانىمال قازاق ءجۋرناليسى بولۋ. قازاق ەلىندەگى جۋرناليستيكا سالاسىنىڭ بەدەلىن الەمدىك دەڭگەيدەگى ەلدەرمەن تەڭەسۋىنە ءوز ۇلەسىمدى قوسۋ. وزىڭە سەن، ءوزىڭدى الىپ شىعار، ەڭبەگىڭ مەن اقىلىڭ ەكى جاقتاپ…» دەپ تالماي ەڭبەكتەنىپ، قاجىرلى جۇمىس جاساپ، بويىمداعى شىعارماشىلىق قابىلەتتەرىمدى دامىتىپ جاتىرمىن. بۇل ماماندىق ادەبي ءتىلدى، ساۋاتتىلىقتى قاجەت ەتەدى دەپ تۇسىنەمىن. ءاردايىم گازەت-جۋرنالداردى وقي وتىرىپ، ءار تاقىرىپتاعى ماسەلەلەردى زەردەلەپ، وي ەلەگىنەن وتكىزىپ وتىرامىن. ىزدەنە وتىرىپ، مەنىڭ دە جۋرناليستيكاعا دەگەن قۇلشىنىسىم ارتا تۇسەدى. ءوزىمدى شىڭداۋ ءۇشىن ءارتۇرلى سايىستارعا قاتىسىپ ءوزىمدى سىناپ كەلەمىن. ەسەيە كەلە، بۇل ارمان – العا قويعان ماقساتىما اينالدى. قورىتا كەلە، بىلگىر كارل كراۋس «ويىڭا بىردە-بىر وي كەلمەسە دە، ونى قاعازعا تۇسىرە بىلگەندە عانا جۋرناليست بولاسىڭ» دەيدى. ەڭ باستىسى، جازۋ شەبەرلىگى مەن ويىڭنىڭ انىقتىعىن ۇشتاۋ قاجەت. سوندا عانا بىلگىر جۋرناليست اتاناسىڭ.

گۇلزينا ورىنباسار

10 سىنىپ وقۋشىسى تۇركىستان وبلىسى سوزاق اۋدانى قاراقۇر اۋىلى

---