«بولاشاق» ستيپەندياتىنىڭ مۇلىكتىك كەپىلى جۇمىس بەرۋشى كەلىسىمشارتىمەن الماستىرىلۋى مۇمكىن
«بولاشاق» باعدارلاماسىمەن شەتەلدە ءبىلىم العىسى كەلگەن ازاماتتار مەملەكەت الدىنداعى مۇلىكتىك كەپىلىن بولاشاقتا جۇمىس بەرۋشىنىڭ كەلىسىمشارتىمەن الماستىرا الۋى مۇمكىن. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا ق ر ءبىلىم جانە عىلىم ۆيسە-مينيسترى رۇستەم بيعاري ايتتى.
«شىنىمەن دە، كەپىلدىك مۇلىكپەن قامتاماسىز ەتۋ ماسەلە بار. ءبىز جاڭا ەرەجە اياسىندا جۇمىسپەن وتەۋمەن قاتار كەپىلدىك مۇلىككە دە قاتىستى ىڭعايلى ءادىستى قاراستىراتىن بولامىز. شەتەلگە وقۋعا جىبەرۋگە تاپسىرىس بەرۋشى، حالىقارالىق باعدارلامالار ورتالىعى جانە ۋنيۆەرسيتەت اراسىندا بىرلەسكەن ءۇشجاقتى كەلىسىمشارت جاساسۋ ماسەلەسى قاراستىرىلىپ جاتىر»، - دەدى ول ب ا ق وكىلدەرىنىڭ ساۋالىنا وراي.
كەلەسى جىلدان باستاپ «بولاشاق» باعدارلاماسىنىڭ ەرەجەسى وزگەرەدى. وعان سايكەس، 2020 جىلدان ۇمىتكەرلەرگە جاڭا تالاپ قويىلادى.
اتاپ ايتقاندا، باسىمدىققا يە ماماندىقتارعا باسا نازار اۋدارىلادى. ستيپەندياعا ۇمىتكەرلەر اعىلشىن تىلىنە جەتىك بولعاندىقتان كەلەسى جىلدان باستاپ شەتەلگە جىبەرمەس بۇرىن تىلدىك دايىندىقتان ءوتۋ تالابى الىنىپ تاستالادى. سونىمەن قاتار، «تاعى ءبىر جاڭالىق - ءبىز مەملەكەتتىك قىزمەتشىلەر ءۇشىن، ينجەنەرلىك-تەحنيكالىق ماماندىقتار ءۇشىن كۆوتانىڭ بارلىق ءتۇرى جويىلادى.
You Might Also Like
-
قورقىتتىڭ جەلماياسى استىندا، قارا قوبىزى قولىندا ۇنەمى ەل ارالاپ، اداسقانعا ءجون سىلتەپ، اڭىرعانعا اقىل بەرىپ، ساۋەگەيلىك قۇرادى ەكەن. توڭىرەگىندەگى كوزى كورىپ، كوڭىلى تۇسكەندى قوبىزىنا كۇي ەتىپ قوسى...
-
ءبىر جەسىر كەمپىردىڭ جۇرت اۋزىنا ىلىككەن جالعىز بالاسى بولىپتى. ول كەزدەگى جاقسىنىڭ ادەتى — جۇيرىك ءمىنىپ، يت جۇگىرتىپ، قۇس سالاتىن. كەمپىردىڭ بالاسىنىڭ دا ءبىر جۇيرىك اتى، ۇشار دەگەن قۇماي تازى...
