InfoHub Logo

تاقىرىبى: بولىنگىشتىڭ جوعارى رازرياد بىرلىكتەرى بولگىشتەن كەم بولعان جاعدايدا ءبىر تاڭبالى سانعا ءبولۋ.
ماقساتى:
1. وقۋشىلاردىڭ ماتەماتيكاعا قىزىعۋشىلىعىن، ىنتاسىن، زەيىنىن ارتتىرۋ. كوپ تاڭبالى سانداردى ءبىر تاڭبالى سانعا ءبولۋ داعدىلارىن جەتىلدىرۋ.
2. لوگيكالىق ويلاۋ قابىلەتتەرىن، ۇجىمشىلدىقتارىن دامىتۋ.
3. باسەكەگە قابىلەتتى تۇلعا تاربيەلەۋ.
ءتۇرى: ويىن ساباق
ءادىسى: ويىن، كورنەكىلىك، سۇراق - جاۋاپ، ىزدەنۋشىلىك، توپتىق
كورنەكىلىگى: ماگنيتتى تاقتا، التىن قاقپا، سيگنالدى كارتوچكا، ساندار. كومپيۋتەر
(وقۋشىلاردى الدىن - الا توپتارعا ءبولىپ وتىرعىزۋ)
ساباقتىڭ بارىسى: I. ۇيىمداستىرۋ كەزەڭى.
ۇلكەن دەگەن ءسىز
كىشى دەگەن ءبىز
سالەم بەردىك سىزدەرگە
قۇرمەتپەنەن ءبىز
جاقسى كوڭىل كۇيمەن ساباعىمىزدى باستايىق.
ءۇي تاپسىرماسىن تەكسەرۋ №3. 128 بەت
ءار توپ ءوزىنىڭ شىعارعانىن وقيدى. دۇرىس بولسا، سيگنالدى كارتوچكانىڭ قىزىل جاعىن كوتەرەدى، قاتە بولسا، كوك جاعىن كوتەرەدى.(ءار توپقا سۇراقتار قويۋ)
- جىلدامدىق پەن ۋاقىت بەلگىلى بولسا، قاشىقتىقتى قالاي تابامىز؟
- قاشىقتىق پەن ۋاقىت بەلگىلى بولسا، جىلدامدىقتى قالاي تابامىز؟
- قاشىقتىق پەن جىلدامدىق بەلگىلى بولسا، ۋاقىتتى قالاي تابامىز؟
- سەندەرمەن ءبىز كوپ تاڭبالى سانداردى ءبىر تاڭبالى سانعا ءبولۋدى ۇرەنىپ ءجۇرمىز. بولىنگىشتىڭ جوعارعى رازرياد بىرلىكتەرى بولگىشتەن ۇلكەن بولعان جاعدايدا ءبىر تاڭبالى سانعا قالاي بولەمىز؟ بولىنگىشتىڭ جوعارعى رازرياد بىرلىكتەرى بولگىشتەن كەم بولعان جاعدايدا ءبىر تاڭبالى سانعا قالاي بولەمىز؟
- ءقازىر ەندەشە سەندەردەن ءۇي تاپسىرماسىن تەست ارقىلى تەكسەرىپ كەتەيىن
(تەست تاراتىلادى) تاقتاعا جازامىن، وزدەرى تەكسەرەدى. باعالايدى.
ءسوزجۇمباق شەشۋ. «التىن قاقپا»

ويىن شارتىمەن تانىستىرۋ.
تەمىر قاقپا - 10 ۇپاي
كۇمىس قاقپا - 20 ۇپاي
التىن قاقپا - 30 ۇپاي
ساندىقتاعى زاتتى تابۋ

- ءقازىر تەمىر قاقپانى اشۋ ءۇشىن ءبىز تاپسىرماسىن وقيىق.
(1 بالا شىعىپ، تاپسىرمانى وقيدى) № 2 ەسەپتى شىعارايىق
1 – توپ 1250*5=6250
2 - توپ 3025*5=15125
3 - توپ 1317: 3=439
- جارايسىڭدار. قاي توپ ءبىرىنشى شىعارادى. سول توپ 10 ۇپاي الادى. باسقا توپتىڭ دا بالالارىن تەكسەرەمىن. دۇرىس بولسا، سيگنالدى كارتوچكانىڭ قىزىل جاعىن كوتەرەدى، قاتە بولسا، كوك جاعىن كوتەرەدى
(ءبىرىنشى بوپ شىعارعان توپتىڭ وقۋشىسى كەلەسى قاقپانىڭ تاپسىرماسىن الىپ وقيدى.)

كۇمىس قاقپانى اشۋ ءۇشىن ءبىز № 4 ەسەپتى شىعارايىق
1 – توپ (1268*3 - 5655: 5)+1528=4201
2 - توپ (2799: 9+2502*5)- 7205=5616
3 - توپ (2105: 5+280*2)- 720=261
جارايسىڭدار. قاي توپ ءبىرىنشى شىعارادى. سول توپ 20 ۇپاي الادى.
باسقا توپتىڭ دا بالالارىن تەكسەرەمىن. دۇرىس بولسا، سيگنالدى كارتوچكانىڭ قىزىل جاعىن كوتەرەدى، قاتە بولسا، كوك جاعىن كوتەرەدى
(ءبىرىنشى بوپ شىعارعان توپتىڭ وقۋشىسى كەلەسى قاقپانىڭ تاپسىرماسىن الىپ وقيدى.)

سەرگىتۋ ءساتى «كۇنشۋاق»
(ورىندارىنان تۇرىپ ورىندايدى)
التىن قاقپانى اشۋ ءۇشىن ءبىز № 7 ەسەپتى شىعارايىق
باسقا توپتىڭ دا بالالارىن تەكسەرەمىن. دۇرىس بولسا، سيگنالدى كارتوچكانىڭ قىزىل جاعىن كوتەرەدى، قاتە بولسا، كوك جاعىن كوتەرەدى.(ءبىرىنشى بوپ شىعارعان توپتىڭ وقۋشىسى كەلەسى قاقپانىڭ تاپسىرماسىن الىپ وقيدى.)

1 – توپ شارتىن وقىپ، تالداپ، تاقتاعا جازۋ
- شارتىندا نە تۋرالى ايتىلعان؟
- ەكى كۇندە بىردەي جىلدامدىقپەن جۇرىلگەن جول
– نە بەلگىلى؟ - ءار كۇنى جۇرىلگەن ساعاتى
- ەسەپ بىزدەن نە سۇرايدى؟
- قانداي جىلدامدىقپەن قوزعالعانىن
- ەسەپتى بىردەن شەشۋگە بولا ما؟
- جوق.
- نەگە؟
- الدىمەن ەكى كۇندە جۇرگەن ساعاتتى تابامىز، سوسىن قاشىقتىقتى ساعاتقا بولسەك، جىلدامدىق شىعادى.
1 كۇنى - 3 ساع 2 كۇنى - 4 ساع
ەكى كۇندە - 42 كم. جىلد.-؟
ش: 42:(3+4)= 6 كم/ساع ج: ەكى كۇندە 6 كم\ساع جىلامدىقپەن قوزعالدى.

2 - توپ شارتىن وقىپ، تالداپ، تاقتاعا جازۋ
- شارتىندا نە تۋرالى ايتىلعان؟
- اعاش شەبەرى مەن ونىڭ كومەكشىسىنىڭ كىتاپ سورەسىن جاساعانى تۋرالى
– نە بەلگىلى؟ - اعاش شەبەرى مەن ونىڭ كومەكشىسىنىڭ كىتاپ سورەسىن جاساعانى
- ەسەپ بىزدەن نە سۇرايدى؟
- بارلىق جۇمىستى نەشە ساعاتتا بىتىرەتىنىن
- ەسەپتى بىردەن شەشۋگە بولا ما؟
- جوق.
- نەگە؟
- الدىمەن ەكەۋىنىڭ ىستەگەن سورەسىن تابامىز، سوسىن جاساۋعا ءتيىس كىتاپ سورەسىنىڭ سانىن ەكەۋىنىڭ بىرگە ءبىر كۇندە ىستەگەن كىتاپ سورەلەرىنە بولسەك، بارلىق جۇمىستى نەشە ساعاتتا بىتىرەتىنى شىعادى
جاساۋى كەرەك - 217 كىتاپ سورەسى
اعاش شەبەرى - 18 كىتاپ سورەسى
كومەكشىسى - 13 كىتاپ سورەسى
بىتىرەدى -؟ كۇندە
ش: 217:(18+13)= 7 كۇندە ج: 7 كۇندە بىتىرەدى.

3 - توپ شارتىن وقىپ، تالداپ، تاقتاعا جازۋ
اكەلىندى - 10قوراپ پەچەنە ءارق. 9 بۋدادان
1 بۋدا - 100تگ. بولسا
تۇسەدى -؟ تگ.
ش: 9*10= 90 90*100 = 9000 تگ ج: دۇكەنگە 9000 تگ اقشا تۇسەدى.
جارايسىڭدار. قاي توپ ءبىرىنشى شىعارادى. سول توپ 30 ۇپاي الادى.
باسقا توپتىڭ دا بالالارىن تەكسەرەمىن.
(ءبىرىنشى بوپ شىعارعان توپتىڭ وقۋشىسى كەلەسى قاقپانىڭ تاپسىرماسىن الىپ وقيدى.)
جارايسىڭدار، التىن قاقپانىڭ دا تاپسىرماسىن وتە جاقسى ورىندادىڭدار. ەندى ساندىقتا نە جاتقانىن كورەيىك. ونى تابۋ ءۇشىن لوگيكالىق تاپسىرمانى ورىندايىق. 1 مينۋت بەرىلەدى. سپيكەرلەر قورعايدى
1 – توپ *باقىتجاننىڭ 4 ۇلى، ولاردىڭ ءارقايسىسىنىڭ تۋعان قارىنداسى بار. باقىتجاننىڭ نەشە بالاسى بار؟

2 - توپ *نەمەرەسى اتاسىنان: "جاسىڭىز نەشەدە؟ "دەپ سۇرادى. اتاسى: - ەگەر ءوزىمنىڭ قازىرگى جاسىمنىڭ جارتىسىنداي ۋاقىت جانە تاعى ءبىر جىل ءومىر سۇرسەم، وندا مەن 100 جاسقا تولار ەدىم -، دەيدى. اتاسىنىڭ جاسى نەشەدە؟
3 - توپ *باسپالداق 15 باسقىشتان تۇرادى. باسپالداقتىڭ ورتاسىندا تۇرۋ ءۇشىن نەشىنشى باسقىشتى باسۋ كەرەك؟

لوگيكالىق تاپسىرمانى ءبىرىنشى جانە قاتەسىز ورىنداعان توپقا 40 ۇپاي بەرىلەدى.
ساندىقتىڭ ىشىنەن التىن كىلت – ءبىلىمنىڭ كىلتى شىعادى.
ساباقتى بەكىتۋ. №10 كوپ تاڭبالى سانداردى ءبىر تاڭبالى سانعا ءبولۋ تاقىرىبىنا بايلانىستى: توپپەن جۇمىس. 10 ۇپاي
توپتىڭ ۇپايلارىن ساناۋ. ماراپاتتاۋ، ماداقتاۋ
قورىتىندىلاۋ. - ساباق سەندەرگە ۇنادى ما؟- نەسىمەن ۇنادى؟(تاقتاعا ءوز پىكىرلەرى جازىلعان پاراقشانى سمايليككە ءىلۋ)
ۇيگە تاپسىرما