بۇعى
پەتەربوردان جوعارى ارحانگەلسكيي دەگەن گۋبەرنە بار. سونىڭ كوپ جەرى سازدى بولىپ، ءشوپ شىقپايدى، مۇك شىعادى. وندا سامويەد دەگەن جۇرتتىڭ كۇن كورەتىنى بۇعىنىڭ ءبىر ءتۇرلى تۇقىمى. ول بۇعىنىڭ ءمۇيىزى تارماق-تارماق، جالپاق بولادى. ۇلكەندىگى تايداي، ءجۇنى قارا بۋرىل، جاساعان سايىن اعارا-اعارا، اقىرىندا اق بوز بولىپ كەتەدى. ەركەگى جىل سايىن ءمۇيىزىن تاستايدى. ۇرعاشىسىنىڭ دا ءمۇيىزى بولادى، ءبىراق ەركەگىنىكىنەن كىشىرەك. بالاسىن وتىز جۇماداي كوتەرىپ، ماي ايىنىڭ ورتاسىندا تابادى.
وتتايتۇعىنى ماناعى مۇك. بۇعىنىڭ قول تۋماسى دا بولادى. ونداعى جۇرت ءسۇتىن ءىشىپ، ەتىن جەپ، تەرىسىن كيىپ جانە تەرىسىنەن ۇيلەرىن دە جاۋىپ الادى. ايەلدەرى تارامىسىنان ءجىپ ءيىرىپ كيىم تىگەدى. قانىنان ءدارى ىستەيدى. شاناسىنا جەگىپ جۇرەدى. بۇعىنىڭ تۇياعى قارعا باتپايدى. جەڭىل باسىپ، قالىڭ قاردىڭ ۇستىمەن يەسىنىڭ تىلەگەن جەرىنە جەتكىزەدى. بۇعىسى مىڭعا جەتكەن سامويەد باي ەسەبىنە كىرەدى.
You Might Also Like
-
مەرەكەلىك ءىس-شارالارعا بايلانىستى وتكىزىلەتىن باعدارلامالاردىڭ ءىس-جوسپارىن تالقىلاپ، بەكىتۋ ءۇشىن ۇجىمدا شاعىن جينالىس ءوتىپ جاتىر ەدى. جينالىستى باسقارۋشى سويلەپ وتىرعان، كەنەت جاڭادان كەلگەن قىزمەت...
-
دەكابر جۇلدىزى. قار كوپتەن جاۋىپ، ناعىز قىس بولدى. كۇن ابدەن قىسقارعان. كۇننىڭ كوزى كورىنسە دە جىلىنبايدى. وزەندى، كولدى مۇز قاپتاپ، جۇرت ۇستىمەن جۇرە باستادى. قالىڭ قاردان ءشوپتىڭ باسى كورىنبەيدى....
