ىشىك حايىرلى بولسىن!
- حاجى-ەكە، ىشىك حايىرلى بولسىن!
- ايتسىن.
- قانشاعا الدىڭىز؟
- كۇيىپ تۇر ەكەن عوي، 350 سوم...ۇمسىندىققا كيىم-كەشەك الايىن دەپ ەدىم، ونى ماسكەۋدەن العالى تۇرمىن.
- ىشىگىڭىز قىمبات ەمەس، مەن مىنانى 150-گە الدىم، - دەپ، توقىش ۇستىندەگى پالتوسىن كورسەتتى.
- وي، شىراعىم-اي! جۇرت جارىقتىق ارقاسىندا ءبىر بۇتىندەنىپ قالالىقتا.
توقىش كۇلىمسىرەپ:
- ءسىز ءالى جۇرت ارقاسىندا كيىنىپ قالالىق دەپ وتىرسىز، وسىنداعى گازەتشى قۋلاردىڭ ءسوزىن ەستىدىڭىز بە؟ ولار ءبىزدى كىناراتتاپ جاتىر، جۇرتتان كوپ اقشا جيناپ الىپ، ءوز پايدالارىنا جۇمساپ ءجۇر، 1 ءبىر تيىندىق بىتىرگەن ءىسى جوق، دەيدى.
- ە-ە-ە! ءبىز بىرەۋدەن تارتىپ الىپپىز با، جۇرت ءوزى بەرگەن سوڭ شاريعات بويىنشا دا، بىزگە گازەتشى-مازەتشىنىڭ ءسوزى كەرەك ەمەس، ءۇيى-باسى 2-3 سومنان ەل كەدەي بولماس...
- سوندا دا، حاجى-ەكە، ولار جورىقباي اقساقالدى ۇيالتىپ تاستاپتى...
- شىركىننىڭ ۇيالشاعىن قاراشى، نە بىلشىلدايسىڭ، سەنىڭ اقشاڭ ەمەس قوي دەسە بولماپ پا؟
- جورەكەڭ جارىقتىق جۋاس كىسى عوي، ۇندەمەيدى، سوندا دا سونشاما اقشانى قايدا جۇمسادىڭدار دەسە، ەلگە نە دەيسىڭ؟ انالار جۇرتقا جاريالايتىن كورىنەدى.
- شىراعىم، توقىش-جان، سەن ءالى بالاسىڭ عوي، ءبىز مۇندايدى كوپ كورگەمىز، ونىڭ نە قىسىلاتىنى بار: ادۆوكاتقا بەردىك دەرمىز، پەريەۆودچيك، چينوۆنيكتەرگە بەردىك دەيمىز، رەتىن تاپپايمىز با... دەي بەرگەندە نومىرگە گازەتتە قىزمەت ەتەتىن ءبىر جىگىت، سالەم بەرىپ كىرىپ كەلدى.
حاجى افەندى جالما-جان ىشىكتىڭ ۇستىنە شاپانىن ىلە سالىپ، تاسبيحىن تارتقان بولىپ وتىرا قالدى.
You Might Also Like
-
مەن 1921 جىلى سەمەي ۋەزىندە تەرگەۋشى بولىپ قىزمەت ەتتىم. كۇز ۋاقىتى ەدى. وزىمە قاراعان اۋدانداعى ەلدەردى ارالاپ ءجۇرىپ، قىزىل ادىرعا كەلسەم، اۋدان ءبيى ق. جولداس سەسسيا قۇرىپ جاتىر ەكەن. حالىق ەسەپسى...
-
ءبىر كىسىنىڭ ەكى بالاسى بولىپتى. ءبىر مەزگىلدە كورشىلەرى وعان ايتادى: «سەنىڭ بالالارىڭ ءبىر كەمپىردى مازاق قىلدى، بالالارىڭدى تىيىپ قوي!» - دەپ.
