InfoHub Logo

بۇگىن، 24 جەلتوقساندا اڭىز ادام، كەڭەس وداعىنىڭ باتىرى، پولكوۆنيك، قازاق حالقىنىڭ ماقتانىشى، جازۋشى باۋىرجان مومىش ۇلىنىڭ تۋعانىنا 105 جىل تولدى.

"باۋىرجان مومىش ۇلىنىڭ جاۋىنگەرلىك ەرلىگى بارلىعىمىزعا بەلگىلى. جازۋشى بولۋ ارقىلى ول تاعى ءبىر ەرلىك جاسادى. مەنىڭ ويىمشا، ونىڭ وسى ەكى ەرلىگى بىر-بىرىنە پارا-پار"، - دەپ جازدى كەڭەس وداعىنىڭ باتىرى، گەنەرال-مايور پەتر ۆەرشيگورا. 

باۋىرجان مومىش ۇلى 1910 جىلى 24 جەلتوقساندا جامبىل وبلىسىنىڭ جۋالى اۋدانىندا ومىرگە كەلگەن. باتىردىڭ بالالىق شاعى تۋرالى اقپارات تىم از. دەگەنمەن اناسىنىڭ باۋىرجان ءبىر جاسقا تولماي تۇرىپ قايتىس بولعانى بەلگىلى.

1929 جىلى مومىش ۇلى 9 سىنىپتى بىتىرەدى. وسىدان كەيىن ول ءمۇعالىم، ەكونوميست بولىپ جۇمىس ىستەيدى. 1933 جىلى پولك مەكتەبىن، ارتيللەريالىق اسكەري ۋچيليششەنى ءبىتىرىپ، ارتيللەريا وفيسەرى بولادى.

ۇلى وتان سوعىسىنىڭ باسىندا باۋىرجان مومىش ۇلى گەنەرال پانفيلوۆقا الماتىدا 316-شى اتقىشتار ديۆيزياسىن جاساقتاۋعا كومەكتەسەدى. سول ديۆيزيا قۇرامىندا باتىر مايدانعا اتتانعان. سودان كەيىن ول ماسكەۋ تۇبىندەگى شايقاستارعا قاتىسىپ، پانفيلوۆ اتىنداعى 8ء-شى گۆارديالىق ديۆيزيا باتالونىنىڭ، پولكىنىڭ كومانديرى بولعان.

باۋىرجان مومىش ۇلى ماسكەۋ تۇبەگىندە 27 ۇرىسقا قاتىسقان ەكەن. ول بۇل تۋرالى "ارتىمىزدا ماسكەۋ" اتتى كىتابىندا جازدى. شايقاستاردىڭ بىرىندە باتىر اۋىر جارالانىپ، 1944 جىلدىڭ ناۋرىزىنا دەيىن اۋرۋحانادا جاتقان.

1945 جىلدىڭ قاڭتارىندا 9-شى گۆارديانىڭ اتقىشتار ديۆيزياسىن باسقاردى. مومىش ۇلى 1942 جىلى كەڭەس وداعىنىڭ باتىرى اتاعىنا ۇسىنىلعان. كەيىن ماراپاتتاۋ قاعازى جوعالىپ كەتەدى. 1990 جىلدىڭ 11 جەلتوقسانىندا عانا باۋىرجان مومىشۇلىنا كەڭەس وداعىنىڭ باتىرى اتاعى قايتا بەرىلدى.

باۋىرجان مومىش ۇلى - بىرنەشە كىتاپتىڭ اۆتورى. ول كۋبا ەلىنە ساپارى كەزىندە جاۋىنگەرلىك ۇرىس تۋرالى لەكسيا وقيدى، وسىدان كەيىن وعان كۋبا ريەۆوليۋسيالىق قارۋلى كۇشتەرى 51ء-شى پولكىنىڭ قۇرمەتتى كومانديرى اتاعى بەرىلدى. 1963 جىلى فيدەل كاسترومەن بولعان سۇحبات جاريالاندى. "ەكىنشى دۇنيەجۇزىلىك سوعىستىڭ باتىرى رەتىندە كىمدى اتار ەدىڭىز؟" دەگەن سۇراققا كاسترو بىلاي دەپ جاۋاپ بەردى: "الەكساندر بەكتىڭ "ۆولوكولامسكوە شوسسە" كىتابىنىڭ قاھارمانى - قازاق مومىش ۇلى".

مومىش ۇلىنىڭ تاجىريبەسى بۇگىندە اقش، كۋبا، يزرايل، نيكاراگۋانىڭ اسكەري ءبىلىم مەكەمەلەرىندە وقىتىلادى. "ارپالىس" تۋىندىسى يزرايل قورعانىس ارمياسى وفيسەرلەرى ءۇشىن مىندەتتى تۇردە وقىلاتىن كىتاپتاردىڭ قاتارىنا كىردى.

"اتاققۇمارلىقتىڭ ق ۇلى بولماڭدار! وزىڭە باسقا قىردان قاراپ كورىڭدەر. سوندا عانا ءادىل سىناقتىڭ شىڭىنا شىعا الاسىڭدار. ال مۇنداي شىڭعا شىققان ادامعا ەشتەڭە دە قورقىنىشتى ەمەس"، - دەپ ايتقان باۋىرجان مومىش ۇلى.

---