InfoHub Logo

بيولوگيا 7 سىنىپ
ساباقتىڭ تاقىرىبى: بۋىلتىق قۇرتتار تيپىنە جاتاتىن جاندىكتەردىڭ نەگىزگى ەرەكشەلىكتەرى
ماقساتى: 1. بۋىلتىق قۇرتتاردىڭ ەرەكشەلىكتەرى تۋرالى مالىمەت بەرۋ، بۋىلتىق قۇرتتاردىڭ وكىلدەرىنىڭ تىرشىلىك ارەكەتتەرى تۋرالى ءبىلىم بەرۋ.
2. بۋىلتىق قۇرتتاردىڭ ەرەكشەلىكتەرىن وقىتۋ ارقىلى وقۋشىلاردىڭ ءوز بەتىنشە جۇمىس ىستەۋىن، وي - ءورىسىن دامىتۋ.
3. وقۋشىلاردى جەكەلەي جۇمىس ىستەۋگە تاربيەلەۋ
قۇرال - جابدىقتار: تەست تاپسىرمالارى، تاپسىرمالار، سلايد.
ساباق ءتيپى: جاڭا ساباق.
ادىستەمەلىك شەشىم: ءدارىس، ءمۇعالىمنىڭ اڭگىمەلەۋى، كورنەكى قۇرالداردى كورسەتۋ، وزىندىك جۇمىس.
ءپانارالىق بايلانىس: گەوگرافيا، ۆالەولوگيا.

ءى. ۇيىمداستىرۋ كەزەڭى
ءىى. ءبىلىمدى تەكسەرۋ جانە وزەكتەۋ.
1. «جۇمىر قۇرتتار تيپىنە جاتاتىن جاندىكتەردىڭ نەگىزگى ەرەكشەلىكتەرى» تاقىرىبىن مازمۇنداۋ.
2. تەرمين سوزدەرمەن جۇمىس.
العاشقى قۋىستىلار ءتيپى. قۇرساقكىرپىكشەلىلەر كلاسى. جۇمىر قۇرتتار كلاسى. زىمىراقتار كلاسى. قىلقۇرتتار كلاسى. تەرى بۇلشىقەت قاپشىعى. سۋىرتقى. گيپودەرما. تۇلەۋ. قىلقۇرت.
3. سۇراقتار:
1. تيپ نەلىكتەن جۇمىر قۇرتتار دەپ اتالعان؟
2. جۇمىر قۇرتتار ءتيپىن نەگە العاشقى قۋىستىلار ءتيپى دەپ اتايدى؟
3. جۇمىر قۇرتتار تيپىنە قانداي كلاستار جاتادى؟

ءىىى. جاڭا ماتەريالدى وقۋ.
جوسپارى:
1. بۋىلتىق قۇرتتار تيپىنە جاتاتىن جاندىكتەردىڭ نەگىزگى ەرەكشەلىكتەرى
2. كوپقىلتاناقتى قۇرتتار كلاسى
3. ازقىلتاناقتى قۇرتتار كلاسى
4. سۇلىكتەر
بۋىلتىق قۇرتتار دەنەسى شۇبالاڭقى، ەكى جاقتى سيممەتريالى جاندىكتەر. دەنەسى ساقينا ءتارىزدى بۋىلتىقتارعا بولىنگەندىكتەن، بۇلار بۋىلتىق قۇرتتار ءتيپى دەپ اتالعان. بۇلاردىڭ 9 مىڭعا جۋىق تۇرلەرى تەڭىزدەردە، تۇششى سۋلاردا، قۇرلىقتا مەكەندەيدى. تيپ بىرنەشە كلاسستارعا جىكتەلەدى، تۇرلەردىڭ باسىم بولىگى 3 كلاسقا جىكتەلەدى، ولار: ازقىلتاناقتى قۇرتتار، كوپقىلتاناقتى قۇرتتار جانە سۇلىكتەر.
بۋىلتىق قۇرتتاردىڭ دەنەسى 3 قاباتتان تۇرادى. دەنەسىنىڭ ىشكى قابىرعاسى مەن ىشكى مۇشەلەر اراسىنداعى كەڭىستىك سوڭعى قۋىس - سەلوم دەپ اتالادى. سوڭعى قۋىس ءار ساقينالى بۋىلتىقتاردا قايتالانادى. ساقينالى بۋىلتىقتار پەردە ارقىلى بولىنگەنىمەن، اۋىز جانە انال تەسىگى بار ىشەك بۇكىل دەنەنى بويلاي سوزىلادى. جۇيكە جۇيەسىنىڭ قۇرساقتىق باعاناسى جانە ەڭ العاشقى تۇيىق قاناينالىم جۇيەسى دە بار. دەنەنىڭ ەكى قاپتالىنداعى ءاربىر بۋىلتىقتا بۋدالانعان قىلتاناقتى وسكىندەر – پاراپوديالار ورنالاسقان. ول قۇرتتىڭ قوزعالىپ ءجۇرۋ مۇشەسىنىڭ قىزمەتىن اتقارادى. ال سۇلىكتەردىڭ دەنەسىندە مۇنداي قىلتاناقتار بولمايدى. بۋىلتىق قۇرتتار جىنىستى جانە جىنىسسىز جولمەن كوبەيەدى. قوسجىنىستىلارى (گەرمافرورديت) دا بار.
سەلومنىڭ اتقاراتىن قىزمەتتەرى:
1. تىرەك – قوزعالىس كەزىندە سۇيىقتىق كۇيىندەگى قاڭقا قىزمەتىن اتقارادى؛
2. ىشەكتىڭ جانە دەنە قابىرعاسىنىڭ جەكە جۇمىس اتقارۋىنا مۇمكىندىك جاسايدى؛
3. ىشكى مۇشەلەردىڭ جانە دەنەنىڭ مولشەرىنىڭ ەداۋىر ۇلعايۋىنا كومەكتەسەدى؛
4. قورەكتىك زاتتاردى، زات الماسۋدىڭ سوڭعى ونىمدەرىن، گازدى تاسىمالدايدى؛
5. سوڭعى ونىمدەر مەن ارتىق سۇيىقتىقتىڭ جينالاتىن ورنى بولا الادى؛
6. اعزاداعى قىسىمدى رەتتەۋگە قاتىسادى.

ءىV. بەكىتۋ
تەرمين سوزدەرمەن جۇمىس.
بۋىلتىق قۇرتتار. كوپقىلتاناقتى قۇرتتار. ازقىلتاناقتى قۇرتتار كلاسى. سۇلىك. تۇيىق قاناينالىم جۇيەسى. سەلوم. پاراپوديا. تراحوفورا. گيرۋدين.
V. ۇيگە تاپسىرما: تاقىرىپتى وقۋ.