بۇلانباي جايلاۋى
زايسان وڭىرىندە سۇلۋ ساۋىر تاۋىنىڭ ءبىر سايى «بۇلانباي جايلاۋى» دەپ اتالادى. سارقىراپ اققان تاۋ وزەنىنىڭ سول جاق بيىك جارقاباعىندا تاي قازانداي قارا تاس بار. بۇل تاستى بۇلانباي بيىك دوڭگە شىعارىپ، وزىنە ماڭگىلىك ەسكەرتكىش ەتىپ كەتكەن. بالۋاننىڭ الىپتىعىن ات كوتەرە الماعاندىقتان، ونى بارار جەرىنە تۇيەگە مىنگىزىپ اپاراتىن بولىپتى.
بالۋان تۋرالى ەل اۋزىندا مىناداي ءبىر اڭگىمە بار. بۇلانبايدىڭ وتىزعا تاقاعان شاعى ەكەن. ول ارعى بەتتەن جايلاۋعا قاراي تۇسكەن بەس قىتايدى كورەدى. ولار «ءبىز بۇل ەلدەن الىم-سالىق جيعالى كەلدىك» دەپ قاعازدارىن كورسەتەدى. «كەتىڭدەر بۇل جەردەن» دەگەنگە كونبەگەن قىتايلاردى بۇلانباي قامشىمەن ءبىر-بىر سالىپ، تەرەڭ قۇزدان لاقتىرىپ جىبەرەدى. جۇڭگو ەلى اسكەر شىعارىپ، بۇكىل ەلدى قىرامىز دەپ ەسكەرتەدى. سوندا بۇلانباي ءوز ەركىمەن بەرىلىپ، تۇرمەگە ءتۇسىپتى.
ءبىر كۇنى جۇڭگو يمپەراتورى ءزاۋلىم سارايدىڭ الدىنداعى ارىستاننىڭ تاس ءمۇسىنىن كوتەرگەن ادامنىڭ تىلەگىن ورىندايمىن دەپ جار سالىپتى. كۇشىن سىناۋعا كەلگەندەر ءمۇسىندى ورنىنان قوزعالتا دا الماپتى. سوندا ءبىر ءۋازىر: «بۇل تاستى تۇرمەدە جاتقان قازاقتىڭ بالۋانى كوتەرۋى مۇمكىن»، — دەيدى.
يمپەراتوردىڭ بۇيرىعىمەن بۇلانبايدى ارىستانعا الىپ كەلەدى. ول: «ماعان ءبىر اي مۇرسات ەتىڭىزدەر. الدىمەن قويدىڭ ەتىن بەرىڭىزدەر. سونان سوڭ ەكى قولىمدى يىعىما دەيىن قايىس ارقانمەن شاندىپ بايلاساڭىزدار، مەن تاستى كوتەرەمىن»، — دەپ جاۋاپ قايىرىپتى. بۇلانبايدىڭ تىلەگى ورىندالادى. ءدۇيىم ەلدىڭ الدىندا ول ارىستاننىڭ تاس ءمۇسىنىن قوس قولداپ كەۋدەسىنە قويىپ، ىلە-شالا باسىنان اسىرا كوتەرىپتى. كۇشىنە رازى بولعان جۇڭگو يمپەراتورى بۇلانبايدى سىي-سياپاتپەن ەلىنە قايتارعان ەكەن.
You Might Also Like
-
ءابىلعازيز ۇلى ارىنعازى (1785-1833) — الماعايىپ الاساپىران زاماندا ءومىر ءسۇرىپ، ەلدىڭ تۇتاستىعى، جەردىڭ بۇتىندىگى ءۇشىن ارىستانداي ارپالىسىپ وتكەن كورنەكتى مەملەكەت قايراتكەرى، كورەگەن ساياساتكەر،...
-
— بول، تەنتەگىم، تۇر-تۇردان حابار كەلسە، ۇيقىدان مازا كەتەر، تۇرەگەل. زاتتارىڭنىڭ اشىعى اشىق، شاشىعى شاشىق قالدى. وشاقتاعى وت تا ءوشىرۋسىز، ۋاتىلعان سەكسەۋىل دە كىرگىزىلگەن جوق، بۇزاۋىڭ دا باي...
