بۇلدىرشىندەر كەلمەيتىن بالاباقشا تاربيەشىلەرىن اقىلى ەڭبەك دەمالىسىنا جىبەرۋ قاجەت — مينيستر
ق ر ءبىلىم جانە عىلىم مينيسترلىگى قىزمەتكەرلەرىنىڭ 70 پايىزى قاشىقتىقتان جۇمىس ىستەيتىن فورماتقا كوشتى. بۇل جايىندا ۆەدومستۆو باسشىسى اسحات ايماعامبەتوۆ Facebook پاراقشاسىندا جازدى.
«پرەزيدەنت قاسىم-جومارت توقايەۆتىڭ تاپسىرماسىنا سايكەس، ق ر بعم قىزمەتكەرلەرىنىڭ 70 پايىزى قاشىقتىقتان جۇمىس ىستەيتىن فورماتقا كوشتى، اراسىندا ەڭبەك دەمالىسىنا شىققاندار دا بار. بۇل شەشىم، ەڭ الدىمەن، سوزىلمالى اۋرۋى بار، جاسى زەينەتكەرلىككە تاياعان جانە ۇيىندە كىشكەنتاي بالالارى بار ارىپتەستەرگە قاتىستى. ق ر بعم 14 ناۋرىزدا قابىلداعان №108 بۇيرىعىنا سايكەس مەكتەپ كانيكۋلى كەزىندە مۇعالىمدەردىڭ 100 پايىزى جانە قاشىقتىقتان وقىتۋ بارىسىندا كوللەدجدەر مەن جوو-نىڭ وقىتۋشىلارى قاشىقتىقتان جۇمىس ىستەۋى ءتيىس»، —دەدى مينيستر.
سونداي-اق، ونىڭ اتاپ وتۋىنشە، كەشە قوسىمشا ءبىلىم بەرۋ، پمپك، كپپك قىزمەتكەرلەرىنە قاتىستى قوسىمشا شەشىم قابىلداندى. قازىرگى كەزەڭدە ولاردى اقى تولەنەتىن ەڭبەك دەمالىسىنا جىبەرۋ ۇسىنىلدى.
«اتا-انالار بۇلدىرشىندەرىن اپارماۋدى ۇيعارعان توپتاردا جۇمىس ىستەيتىن بالاباقشا قىزمەتكەرلەرىنە دە اقىلى ەڭبەك دەمالىسىن بەرۋ قاجەت. سونىمەن قاتار، ءبىلىم جانە عىلىم سالاسىنداعى باسشىلاردى ۇيىمنىڭ تىنىس-تىرشىلىگىن قامتاماسىز ەتۋمەن اينالىساتىن مامانداردان وزگە بارلىق قىزمەتكەرلەرىن اقىلى ەڭبەك دەمالىسىنا جىبەرۋگە نەمەسە قاشىقتىقتان جۇمىس ىستەۋ فورماتىنا اۋىستىرۋعا تاپسىرما بەردىم. ءبىز ءۇشىن ازاماتتارىمىزدىڭ دەنساۋلىعىن ساقتاۋدى ويلاۋ جانە ينفەكسيانىڭ تارالۋ تىزبەگىن توقتاتۋعا كۇش سالۋ ماڭىزدى. بۇل رەتتە ءوزىن-وزى وقشاۋلاۋدى قامتاماسىز ەتۋ، قوعامدىق ورىندارعا بارماۋ وتە ماڭىزدى»، — دەدى اسحات ايماعامبەتوۆ.
You Might Also Like
-
الماتى قالالىق ءبىلىم باسقارماسى باسشىسىنىڭ ورىنباسارى گۇلنار ايتقۇلوۆا ينتەرنەتى مەن كومپيۋتەرى جوق ستۋدەنتتەر قاشىقتان قالاي وقيتىنىن ءتۇسىندىردى.
-
— بابالارىمنىڭ تاريحىنا كوز جۇگىرتسەم، بەكنازاردىڭ بالاسى قويلىبايدان تارايتىن از ءۇيلى ەلدە قونىسپايدان باسقا اقىندىعىمەن اتى شىققان باسقا ەشكىم بولماعان كورىنەدى. قونىسپاي — مەنىڭ...
