InfoHub Logo

توي-دۋماندا بىرەۋلەرگە ءتىلى ءتيىپ، بىرەۋلەرمەن توبەلەسىپ، استىنداعى جالعىز اتىن ايىپقا تارتىپ، جۇرە بەرەدى ەكەن. ول ەشكىمنەن قورقىپ، قايمىقپايدى. ويتكەنى بولىس، ءبيدىڭ، ستارشينالاردىڭ تىزەسى باتقان. جۋان تاپتارعا قانى قاس. ءوزى — قاراقاسقا كەدەي.

ءبىر كۇنى بۇلعاقتىڭ سارى دەگەن كارى اكەسى قايتىس بولىپتى. ەلگە حابار ايتار كىسىسى جوق جانە بۇل كەدەيگە كىم كەلەدى. جازدىڭ كۇنى، ەل جايلاۋدا. بۇلعاق قولىنا سويىلىن الىپ، ءار اۋىلدىڭ تۇسىنان «اتتان، اتتان، جاۋ شاپتى، اكەتتى» دەپ، ءار اۋىلدىڭ جانىنان شاۋىپ وتەدى. ول ۋاق جاۋىنگەرشىلىك ۋاقىت. ەل اتتانىپ، قولدارىنا سويىل الىپ، جينالىپ، «قايدا-قايدالاپ»،

بۇلعاق:

— مۇندا، بىلاي كەتتى، — دەپ شاۋىپ كەلەدى، ەل سوڭىنان قاپتاپ كەلەدى. ءبىراز ۋاقىت شاپقاننان كەيىن «جاۋ مۇندا» دەپ ءوزىنىڭ اۋلىنا، ءوز ۇيىنە اكەپ توقتادى دا:

— ويباي، جاۋ مەنىڭ اكەمدى اكەتتى. سەندەر ءبىر جىلقىنى جاۋ اكەتسە، اتتانداپ شاباسىڭدار، مەنىڭ اكەم ءبىر باس مال قۇرلى جوق پا؟ — دەپتى.

بىرەۋلەرى:

— اكەڭدى كىم اكەتتى؟ — دەگەندە،

— قۇدايدىڭ ءوزى اكەتتى، — دەپتى.

— ەي، مىناۋ نەتكەن سۇمدىق؟! كىسى ءولىمىن «جاۋ شاپتىلاپ» حابارلاپ، نامازعا دەپ شاقىرۋشى ەدى. ەلدى بەكەرگە ۇرەيلەندىرىپ، ابىگەر قىلعانىڭ نە، وسىنشا؟ — دەپ تاراماق بولعان جۇرتقا، ءبىر اقساقال ەلدى توقتاتىپ:

— اۋ، حالايىق، بۇل بۇلعاق تەنتەكتى ءبارىڭ دە بىلەسىڭدەر. بۇل «مەنىڭ اكەم ءولدى» دەپ ەلگە ءوزى بارىپ حابارلاۋعا بولا ما؟ ەلگە بارىپ حابارلاعاندا، بۇنىڭ ءتىلىن كىم الادى؟ بۇل تەنتەك تاپقىرلىعىمەن، وجەتتىگىمەن «اتتانداپ» قانشا حالىقتى جينادى. ال، وسى جينالعان جۇرت، مىنا ولگەن قارت ولىكتىڭ قۇرمەتى ءۇشىن ەلدىك ەتىپ، ورتادان قارجى جيناپ، ولىكتى قويالىق. ساۋابى تيەر. ەرتەڭ ءبارىمىزدىڭ دە باسىمىزعا كەلەر ۋاقيعا عوي، — دەپ حالىقتى كوندىرىپ، توقتاتادى. ءالدى ۇيلەر ءبىر-بىر توقتىدان بەرىپ، جالپى كوپشىلىك تيىن-تەبەندەپ قارجى جيناپ، بۇلعاق
تىڭ باسىنداعى اۋىرتپالىقتى كوتەرىپ، اكەسىن جاقسىلاپ قويىپ قايتادى.

---