InfoHub Logo

تۋعان جەر-ادام ومىرىندە كيەلى ورىن الادى.ناقتى وسى جەر ونى ەلى مەن وتكەنىمەن جانە بولاشاقپەن بايلانىستىرادى. مىنە،سوندىقتان دا ءتىپتى بالالىق شاقتان باستاپ-اق ادامدا وتانعا دەگەن ماحاببات سەزىمى ويانادى.ءاربىرىمىز ءۇشىن وتان وشاق باسىنان باستالادى.تۋعان جەر،تۋعان كوشە،تۋعان قالا مەن ءۇشىن تۋعان جەر.مەنىڭ وتانىم كىشكەنتاي بولسا دا،مەن ءۇشىن اسا قىمبات جەر ول جەتىساي قالاسى. ءدال وسى جەردە مەنىڭ كوڭىلدى دە،شاتتىقتى ۋايىمسىز بالالىق شاعىم وتۋدە. تۋعان جەردى ۇزاققا قيمايسىڭ.وعان دەگەن ساعىنىش سەزىمى باسىم تۇرادى.          

سەن ءارقاشان ءوزىڭ بارماساڭ دا ،ويمەن قيالداپ تۋعان كوشەنى،ەسىكتىڭ الدىندا"اتاڭنىڭ ۇيگە كىر"دەگەن سوزدەرى ەسكە تۇسىرەسىڭ.جۇرەكتىڭ ءالسىز ءدۇرسىلى ەستىلەدى.ءقازىر بوي جەتتىم،ءبىراق تا ءومىر بويى مەن ءۇشىن بالالىق شاقتاعى تۋعان اۋلا مەن كوشەم مەنىڭ كىشكەنتاي وتانىم.سونىمەن بىرگە مەن ەلىمنىڭ كىشكەنتاي بولشەگىمىن،ونىڭ بۇگىنى مەن بولاشاعىمىن.سونىمەن قاتار،تۋعان جەرىم قاسيەتتى دە قۇتتى قونىس.ول مەنى قۇشاعىندا ماپەلەپ قانا وسىرگەن جوق،ول ماعان ءتالىمىن،تاربيەسىن بەردى.سونىمەن قاتار ەڭبەككە باۋلىدى.ونىڭ توسىندە ۇيرەنگەنىم مەن تۇيگەنىم كوپ.ونداعى جاسىل تۇگى باسىلماعان كەرىلىپ جاتقان كەرەيشىق كەڭ دالا مەنى سالماقتىلىق پەن سابىرلىققا،كەڭپەيىلدىلىككە تاربيەلەيدى.اي جانىڭدا تىنىشتىق سىيلاپ،اندا-ساندا ءارلى -بەرى سيپاپ ءوتىپ،قىتىرىڭا تيەتىن،بارارى مەن كەلەرى بەيمالىم ەركە جەل ەركىندىككە ۇيرەتسە،سىڭعىر كۇلكىسى ەرىكسىز ەلىكتىرەتىن بۇرىمدى وزەن-ارۋ ءبىر بايىپپەن سىلدىرلاپ اعىپ، سابىرلىق پەن بايىپتىلىققا باۋليدى.توبەسى كوكتى ءتىلىپ بۇلتپەن سىرلاسقان ماڭعاز تاۋلاردان رۋحاني بيىكتىكتى،جايقالعان جاسىل جەلەگىنەن ومىرگە سۇيىسپەنشىلىكتى،جىلى جۇزدىلىكتى،قىبىر-جىبىرى تاۋسىلماس جاندىگىنەن ەڭبەكقورشىلىقتى ۇيرەنەدى ەكەنبىز.قاراپ تۇرساق ادامدىقتىڭ ءوزىن ەڭبەگىنىڭ وتەۋىن سۇرامايتىن اڭعال دالادان ۇيرەنەدى ەكەنبىز.تۋعان جەر توسىنەن جىراقتا ءجۇرىپ،ساعىنىپ كەلىپ قۇشاعىنا دەن قويعاندا ەرىكسىز ەلجىرەپ،تۇلا بويىڭنىڭ شىمىرلايتىندىقتان دا تۋعان توپىراعىڭدى اڭساعاننان عانا ەمەس،ونىڭ كوكەيىڭە سالعان ادامدىق ۇستانىمىن دا ساعىنعاندىقتان بولار.

قورىتىندىسىنا كەلسەك،تۋعان دالا توسىنە جۇگىرىپ شىعىپ،و شەتىمەن بۇ شەتىنە كوز جۇگىرتىپ،اينالاڭا كوز سالساڭ،اقيىق اقىن م.مۇقاتايەۆ اتامىزشا "پاي!پاي!پاي!كيەلى نەتكەن جەر"دەمەسكە ەش شاراڭ قالمايتىنداي.

---