قازاق ءتىلى سالاسىنداعى فۋنكسيونالدىق ساۋاتتىلىقتىڭ ءبىلىم بەرۋدەگى ماڭىزدىلىعى
فۋنكسيونالدى ساۋاتتىلىق- بۇل تۇلعانىڭ الەۋمەتتىك،مادەني،ساياسي جانە ەكونوميكالىق قىزمەتىنە بەلسەنە ارالاسۋى،ياعني،ءوز ماماندىعىنا،جاسىنا قاراماستان زامان اعىمىنا ىلەسە وتىرىپ،ءبىلىمىن ارتتىرا ءتۇسۋ.
قازىرگى تاڭدا مەن 8 سىنىپ وقۋشىسىمىن.الايدا،ەرتەڭگى كۇننىڭ بولاشاعىنىڭ نەگىزى بولامىن.ال سول ەرتەڭگى بولاشاققا ءبىلىم بەرۋدەگى،فۋنكسيونالدىق ساۋاتتىلىق داعدىسىنىڭ پايداسى مەن كەم تۇستارىن ايتا وتىرىپ،كەمشىلىكتى تۇزەۋ ماقساتىندا ۇسىنىستارىمدى بىلدىرەتىن بولامىن.
ومىرگە دەگەن ۇلكەن جولدى سالىپ بەرەتىن مەكتەپتىڭ ءبىلىم بەرۋدەگى ماڭىزى زور.ال سول ءبىلىم وشاعىنىڭ قازىرگى ساتتەگى جاعدايى مەن بەرەر تاربيەسى قانداي؟
زامان تالابى بويىنشا ءبىزدىڭ وقىپ جاتقان وقۋلىعىمىز بەن الىپ وتىرعان ءبىلىمىمىز فۋنكسيونالدى ساۋاتتىلىققا نەگىزدەلەدى.مۇنداي وقۋ ءتۇرى مەنىڭ جانىما جاعادى.سەبەبى،كەزىندە تەك تەوريالىق نەگىزدەرمەن جۇمىس ىستەسەك،ءقازىر پراكتيكامەن جۇمىس ىستەي وتىرىپ،وقۋلىقتا بەرىلگەن وقىلىم،ايتىلىم،جازىلىم داعدىلارى بويىنشا ءوز پىكىرىمىزدى اشىق جەتكىزە الىپ،سىرتقى ورتامەن قارىم-قاتىناس جاساۋعا بەيىمدەلۋدەمىز.ال مۇنىڭ كەرەگى نە؟نە ماقساتپەن جاسالىپ وتىر دەگەن سۇراق اركىمنىڭ كوكەيىن تۇسۋدە.مەنىڭ ويىمشا،بۇل وقۋ داعدىسى بالانىڭ ورتامەن تىلدەسە الۋى مەن قازاقتىڭ تاريحىن جان-جاقتى ءتۇسىندىرىپ،وزگە دە ءبىلىم سالالارىمەن بايلانىستىرا وتىرىپ،ماماندىق تاڭداۋعا ءوز ۇلەسىن قوسادى.ونىڭ ۇستىنە بالا ءوزىنىڭ ويىن اشىق تۇردە ايتا الىپ،ءبىر-بارىمىزدى كريتەريي بويىنشا باعالاپ،اركىمنىڭ پىكىرى وزىنشە قۇندىلىققا يە بولا الادى.ايتسە دە ءاربىر كەرەمەتتىڭ ءبىر كەم تۇسى بولۋى حاق.كەزىندە وقۋلىقتا قازاق ءتىلىنىڭ نەگىزىن سالۋشى گرامماتيكانى كوپتەپ بەرەتىن.الايدا،ءقازىر ءبىز فۋنكسيونالدىق ساۋاتتىلىققا بەت بۇرساق تا، گرامماتيكالىق نەگىزدەرمەن جۇمىس ىستەي الماي جاتىرمىز.ءبىراق،بۇل وقۋلىقتان مۇلدە جويىلىپ كەتكەن جوق.تەك سوزدىك باعدار بويىنشا ازداعان مالىمەتتەر بەرىلەدى.ايتكەنمەن دە بالا سويلەم قالاي قۇرالادى،قازاق تىلىندە نەشە ءسوز تابى بار؟دەگەن سۇراققا ماردىمدى جاۋاپ بەرە الۋى ءۇشىن گرامماتيكانى كوپتەپ بەرۋ كەرەك.مەنىڭ ويىمشا،قازاق ءتىلىن جاساۋشى گرامماتيكانى ،فۋنكسيونالدىق ساۋاتتىلىققا نەگىزدەلگەن وقۋلىققا ەنگىزۋ ارقىلى ءبىر وقپەن ەكى قوياندى اتامىز.سەبەبى بۇل ءسوزدىڭ ءوزى جان-جاقتىلىق دەگەن ۇعىمدى دا قاراستىرادى.
بولاشاق جاستاردىڭ قولىندا دەگەن قوعام سول جاستارعا دۇرىس باعىت بەرە الۋى كەرەك.اتا-انانىڭ تاربيەسى بۇل باستاۋ،ال مەكتەپ ونىڭ جارشىسى.بۇل ءسوزدىڭ استارىندا تىڭ ماعىنا جاتىر.بالاعا اتا-انا دۇرىس ۇلگى كورسەتە بىلسە،اتا-انا بالاعا وڭ تاربيە بەرگەنىن مەكتەپتەگى ماقتاۋ ارقىلى بىلە الادى.سول سەبەپتەن بالا اتا-انانىڭ ايناسى دەلىنەدى.ال تاربيەنىڭ فۋنكسيونالدىق ساۋاتتىلىققا قاتىسى نە؟بۇل داعدى اتا-انا مەن بالا،مەكتەپ اراسىنداعى التىن كوپىر.بۇل كوپىردە بالا ءوزىنىڭ تاربيەسىن كورسەتە وتىرىپ،ءبىلىمدى الۋعا بەت بۇرادى.
وسى ايتقان ويىمدى قورىتىندىلاي كەلە قارىم-قاتىناستى ۇدەتۋگە،بارلىق ءبىلىم،وي،پىكىردى الماستىرا الۋعا قابىلەتتى داعدى-فۋنكسيونالدىق ساۋاتتىلىق دەگەن شەشىمگە كەلدىم.سەبەبى،بولاشاقتىڭ جارقىن ەتۋگە ءبىلىم كەرەك بولسا،ءبىز سول كەلەشەكتىڭ كەپىلىمىز.
You Might Also Like
-
باياعىدا قۇلاقاي دەگەن كىسى وتە قۋ ەكەن. سول قۋ قالانى ارالاپ ءجۇرىپ، سارى ماي ساتىپ تۇرعان دۇكەنگە كەلەدى دە، ساۋداگەردەن:
-
ەگەر مەنىڭ ءتىلىم ەرتەڭ ولەتىن بولسا، مەن بۇگىن ولۋگە دايىنمىن
