InfoHub Logo

بيىل قازاقستان رەسپۋبليكاسى مەن ورتالىق ازيا مەملەكەتتەرىنىڭ بۇۇ-عا مۇشە بولعانىنا 25 جىل. وسىعان وراي، بۇگىن ءال-فارابي اتىنداعى قازاق ۇلتتىق ۋنيۆەرسيتەتىندە بۇۇ «اكادەميالىق ىقپالداستىق» باعدارلاماسىنىڭ جاھاندىق حابى رەتىندە ورتالىق جانە وڭتۇستىك ازيا اۋماعىنداعى «بۇۇ جاڭا جىبەك جولى مودەلى» (MUN-NSW 2016) اتتى ءىرى حالىقارالىق ستۋدەنتتىك كونفەرەنسيانىڭ اشىلۋ سالتاناتتى ءوتتى. كونفەرەنسياعا ءۇندىستان، پاكىستان، اۋعانستان، تاجىكستان، قىرعىزستان، وزبەكستان ەلدەرىنىڭ دەلەگاتتارى، سونداي-اق اقش، يتاليا، فرانسيا جانە ت.ب ەلدەردىڭ ستۋدەنتتەرى قاتىسۋدا.

بيىل قازاقستان رەسپۋبليكاسى مەن ورتالىق ازيا مەملەكەتتەرىنىڭ بۇۇ-عا مۇشە بولعانىنا 25 جىل. وسىعان وراي، بۇگىن ءال-فارابي اتىنداعى قازاق ۇلتتىق ۋنيۆەرسيتەتىندە بۇۇ «اكادەميالىق ىقپالداستىق» باعدارلاماسىنىڭ جاھاندىق حابى رەتىندە ورتالىق جانە وڭتۇستىك ازيا اۋماعىنداعى «بۇۇ جاڭا جىبەك جولى مودەلى» (MUN-NSW 2016) اتتى ءىرى حالىقارالىق ستۋدەنتتىك كونفەرەنسيانىڭ اشىلۋ سالتاناتتى ءوتتى. كونفەرەنسياعا ءۇندىستان، پاكىستان، اۋعانستان، تاجىكستان، قىرعىزستان، وزبەكستان ەلدەرىنىڭ دەلەگاتتارى، سونداي-اق اقش، يتاليا، فرانسيا جانە ت.ب ەلدەردىڭ ستۋدەنتتەرى قاتىسۋدا.

«بۇۇ مودەلى» -   بۇل وي تالقىلاۋ جانە ستۋدەنتتىك كونفەرەنسيا رەجيمىندە وتىلەتىن تانىمال الەمدىك باعدارلاما. بۇل جاڭا يدەيالار، پىكىرلەر، اسەر تۋدىراتىن، ءوزىن-وزى دامىتۋ مەن ءوز ويىن بىلدىرۋگە بىرەگەي مۇمكىندىكتەر بەرەتىن، ينتەللەكتۋالدىق جانە شىعارماشىلىق قابىلەتتەرىن، وي-سانا مەن جاڭاشىل ويلانۋدى تانىتىپ ءارى دامىتاتىن ۇزدىك مەكتەپ سانالادى. حالىقارالىق دەڭگەيدە وتكىزىلىپ وتىرعان كونفەرەنسيانىڭ نەگىزگى ماقساتى – ستۋدەنتتەردىڭ بويىنا  كوشباسشىلىق جانە ديپلوماتيالىق قارىم-قاتىناس قاسيەتتەرىن ءسىڭىرۋ.

سالتاناتتى پلەنارلىق وتىرىسقا بۇۇ وكىلدەرى، شەتەل ەلشىلىكتەرىنىڭ ديپلوماتتارى، الماتى قالاسىنىڭ اكىمدىگى قاتىستى.

ءال-فارابي اتىنداعى قازۇۋ بۇۇ «اكادەميالىق ىقپال» جاھاندىق حابىنا جانە ورتالىق ازياداعى تۇراقتى دامۋ بويىنشا يۋنەسكو وڭىرلىك حابىنا جەتەكشىلىك جاسايدى. وسى ورايدا ۋنيۆەرسيتەت رەكتورى عالىم مۇتانوۆ مۇنداي الەمدىك دەڭگەيدەگى جاۋاپتى ءىس-شارانىڭ ءال-فارابي اتىنداعى قازۇۋ بازاسىندا وتكىزىلۋىنىڭ ماڭىزدىلىعىن اتاپ ءوتتى.

ال، كونفەرەنسياعا قاتىسۋشى شەتەلدىك ستۋدەنت-جاستار ۇيىمداستىرۋشىلارعا ءوز العىستارىن جەتكىزدى.

كونفەرەنسياعا العاش رەت قاتىسىپ وتىرعان «قىرعىز-تۇرىك ماناس» ۋنيۆەرسيتەتىنىڭ ستۋدەنتى تولگونوي ماماتوۆا: «قىرعىز جاستارى مەن قازاقستاندىق جاستاردىڭ ۇقساستىعى كوپ. ەكى ۇلتتىڭ دا جاستارى جالىندى، پەيىلدەرى كەڭ، قوناقجاي بولعاندىقتان، قازاقستاندى ەش جاتىرقاماي، جاقىن تارتىپ كەتتىم» دەي كەلە، وزگە ۇلت وكىلدەرىمەن تانىسىپ، تاجىريبە الماسىپ جاتقاندىعىن قۋانا جەتكىزدى.

الداعى 2 كۇندە «UN Security Council – “ Drug Trafficking as a Threat to Security in Central Asia»؛ «General Assembly – “Global Migration as the reflection of employment challenges as well as other trends ( SDG-4، SDG – 8)»؛ «Human Rights Council – “Modern Slavery and the Issue of Forced Labor (SDG – 10)»؛ «Environmental Assembly – Pollution in Central Asia (SDG – 13، SDG -14، SDG – 15)»؛ «International Court of Justice – “Legal Regulation of Cyberspace (SDG – 16)»؛ «يۋنەسكو – “سۆوبودا سلوۆا ي ۆليانيە سمي نا ساموسوزنانيە ليۋدەي (SDG – 16)» باعىتتارى بويىنشا الەمدىك كاسىبي ترەنەرلەر كونفەرەنسياعا قاتىسۋشىلارعا اعىلشىن جانە ورىس تىلدەرىندە سەمينار-ترەنينگ وتكىزەدى. قوناقتاردى الماتىنىڭ كورىكتى جەرلەرىمەن تانىستىرىپ، ەكسكۋرسيا ۇيىمداستىرۋ جوسپارلانىپ وتىر. اتالمىش كونفەرەنسيا 30 مامىرعا دەيىن جالعاسىن تابادى.

ءال-فارابي اتىنداعى قازۇۋ

ستۋدەنتتىك باسپا ءسوز ورتالىعى

---