بيىك وكشەلى اياقكيىمنىڭ زيانى
ايەلدەر قاۋىمىنىڭ بيىك وكشەلى اياق كيىمگە اۋەس كەلەتىنى بەلگىلى. الايدا دەنساۋلىق تۇرعىسىنان مۇنىڭ زيانىن ءبىرى بىلسە، ءبىرى بىلە بەرمەيدى. اياقتىڭ وكشە جاعى دەنە سالماعىنىڭ 60 پايىزىن، ال الدىڭعى بولىگى 40 پايىزىن كوتەرەدى. بيىك وكشەلى اياقكيىم كيگەندە اۋىرلىق ورتاسى العا قاراي اۋىتقىپ، ءجۇرىس قالپى بۇزىلاتىندىقتان جانە الدىڭعى بولىگىنە تىم كوپ سالماق تۇسەتىندىكتەن بەل مەن ومىرتقا، تىزە مەن اياق ساۋلىعى ەداۋىر مولشەردە زيان شەگەدى. اياقتىڭ الدىڭعى بولىگىنىڭ دەفورماسياعا ۇشىراپ، جالپايۋىنا، باشپايلاردىڭ قۇرىلىمىنىڭ وزگەرۋىنە سەبەپ بولادى. مۇنداي اياقكيىمنىڭ قولايسىزدىعى مەن بالتىر بۇلشىق ەتتەرىنىڭ دۇرىس جۇمىس ىستەمەۋىنىڭ اسەرى ۆاريكوز دەرتىنە الىپ كەلەدى. تەپە-تەڭدىك تەز بۇزىلاتىندىقتان قۇلاپ جاراقاتتانۋ جاعدايى كوپ كەزدەسەدى.
اياقتىڭ ساۋلىقتى بولۋى ءۇشىن اياقكيىمنىڭ وكشەسى 4 سانتيمەتردەن اسپاۋى قاجەت. اياق كيىم تار بولماۋى ءتيىس، باشپاي تاراپى ءسۇيىر، ۇشكىر بولماۋى، تابانى تىم قاتتى بولماعانى ءجون. ءبىراق اياقتىڭ جاعدايىنا قاراي قاتتى تاباندى اياقكيىمدەر قۇپتالاتىن كەزدەر دە بولادى. بارلىق جاعى بىركەلكى تەپ تەگىس جاي تابان بولۋى دا قۇپتالمايدى. تەرىسى جۇمساق بولعانى ابزال. ەڭ ماڭىزدىسى اياققا ەڭ قولايلى بولاتىنىن، اياقتىڭ ىڭعايلى سەزىنەتىنىن تاڭداعان ءجون. سينتەتيكالىق شۇلىقتاردى كيمەگەن دۇرىس. اياق ساۋلىعىن قورعاۋدىڭ ەڭ جاقسى جولى جالپى دەنساۋلىققا ءمان بەرۋ، ارتىق سالماق قوسپاۋ جانە ىڭعايلى اياق كيىم كيۋ.
حيرۋرگ دارىگەر مەيىرجان ەرمان
وقۋعا كەڭەس بەرەمىز:
سپورتتىق اياق كيىم تاڭداۋدا كومەكتەسەتىن 10 فاكت
يشياس
وستەوپوروز
You Might Also Like
-
تەزەك تورەنىڭ جالعىز بالاسى ولگەندە ءۇش كۇنگە شەيىن كومبەي بالاسىن قيماي وتىرعان. سوندا ءوزى 80 جاستا ەدى. سول كەزدە ءوزىنىڭ قول استىنداعى حالقى جينالىپ ەشقانداي جاۋاپ بەرە الماي وتىرعاندا، قىزىلبورىك...
