سترەسس پەن قيىنشىلىقتىڭ ادامنىڭ جەتىلۋىندە پايداسى
سترەسسپەن كۇرەسۋدىڭ نەمەسە ودان قاشۋدىڭ ورنىنا ونى قابىلداپ، جەتىلۋ ءۇشىن پايدالانۋ كەرەك ەكەن...
60-تان استام عىلىمي كىتاپتىڭ اۆتورى، اقش-تىق پسيحياتر ا. ج. تۆەرسكيي (Abraham J. Twerski) سترەسس پەن قيىنشىلىقتىڭ ادامنىڭ جەتىلۋى مەن دامۋى ءۇشىن وتپەلى كەزەڭ ەكەندىگىن مىناداي مىسالمەن تۇسىندىرەدى: تەڭىز شايانى — مۇحيتتاردا تىرشىلىك ەتەتىن تەڭىز جاندىكتەرىنىڭ ءبىرى. مەيلىنشە ۇزاق ءومىر سۇرەتىن جانە تىرشىلىگى بارىسىندا ءوسىپ، ۇلكەيە بەرەتىن قاسيەتى بار. ۇلكەيۋ كەزىندە دەنەلەرىن جاڭالاي العاندىقتان قارتايۋ بەلگىلەرى بايقالمايدى. تەڭىز شاياندارىنىڭ جاس جانە باقۋاتتى بولۋىنىڭ سەبەبى نەدە؟!
تەڭىز شاياندارى — جەلە ءتارىزدى، جۇمساق دەنە قۇرىلىمىنا يە. سىرتقى اسەرلەردەن قورعانۋ ءۇشىن سىنبايتىن، كەڭەيمەيتىن جانە ءتوزىمدى بولعان قابىقتارىنىڭ ىشىندە ءومىر سۇرەدى. ال ەندى وسىنداي كەڭەيمەيتىن، سوزىلمايتىن سىرتقى قابىقتارىنىڭ ىشىندە قالاي وسەدى دەپ ويلايسىزدار؟
شىنىندا دا تەڭىز شاياندارى وسە كەلە قابىعى تانىنە تار كەلىپ، دەنەسىن قىسا باستايدى. بۇل كەزەڭدە تەڭىز شايانى قىسىم استىندا، جابىرقاۋلى، سترەستى كۇي كەشەدى. تاستى تۇكپىرگە جاسىرىنىپ، قابىعىن سىندىرۋ ءۇشىن ەداۋىر كۇش جۇمسايدى. ۇزاق ۋاقىت بويى الىسىپ اقىرىندا قابىعىن سىندىرىپ بوستاندىققا شىعادى. ءبىرشاما ۋاقىتتان سوڭ دەنەسىنە جاڭا قابىقشا قالىپتاسادى. تابيعي تۇردە وسۋگە، ۇلعايۋعا داعدىلانعان تەڭىز شايانىنىڭ بۇل قابىعى دا ءبىراز ۋاقىتتان كەيىن تارشىلىق ەتە باستايتىنى زاڭدىلىق. بۇل جاندىك قايتادان تاستى تۇكپىرگە ىعىسىپ، قيىن دا بولسا تاعى ءبىر ۇزاق ارپالىستان سوڭ قابىعىن سىندىرىپ، ىشىنەن شىعادى جانە قايتادان جاڭا قابىق پايدا بولادى. تەڭىز شايانىنىڭ تىرشىلىگى بارىسىندا وسىنداي ءۇردىس سان مارتە قايتالانادى. بايقاعانىمىزداي جاندىكتىڭ ءوسىپ، جەتىلۋى سترەسكە ءتۇسىپ، قينالعان شاعىندا باستالۋدا جانە وزگەرۋ ارقىلى بۇل تىعىرىقتان شىعۋدا. ەگەر تەڭىز شايانىنىڭ دارىگەرى بار بولعاندا ول وسپەس ەدى. ويتكەنى قينالعان كەزىندە دارىگەرگە بارىپ، ال دارىگەر انتيدەپرەسانت بەرىپ ءوزىن جاقسى سەزىنە قويار ەدى. جاقسى سەزىنگەندىكتەن قابىعىن سىندىرۋ ويىنا دا كىرمەس ەدى...
You Might Also Like
-
ارمان. ءبىر اۋىز ءسوز بولسادا كوپ ماعىناعا يە. ارماندايمىز ارمانداۋ ارقىلى ماقسات قويامىز. ادام ءومىرى سونىسى مەن قىزىقتى عوي - ارماندايسىڭ، ماقسات قوياسىڭ. سول ارقىلى ومىرىمىزدە سان ءتۇرلى قىزىقتار مەن ...
-
جۇڭگو پاتسالىعى — ەڭ ەسكى پاتسالىق. وتىرىقتى ومىرگە ەرتە تۇسكەن قاۋىم. ەسكى زاماندا قىتايلار راحاتتى ومىردە بولعان. باي، كەدەي ءوز الىنشە باقىتتا ەدى، ءبىراق ءبىر كەزدە ولار تاڭقالارلىق ءبىر ناۋق...
