بيىل مەكتەپتەردە ينفورماتيكا 3 سىنىپتان باستاپ وقىتىلادى
بيىلعى وقۋ جىلىنان باستاپ ينفورماتيكا ءپانى ءۇشىنشى سىنىپتان باستاپ وقىتىلاتىن بولدى. بۇل تۋرالى ۇكىمەت وتىرىسىندا ق ر ءبىلىم جانە عىلىم ءمينيسترى ەرلان ساعادييەۆ ۇكىمەت وتىرىسىندا ءمالىم ەتتى.
«ۇكىمەتتىڭ 2018 جىلعا ارنالعان جوسپارىندا مينيسترلىككە 27 ءىس-شارا جۇكتەلگەن. ونىڭ ىشىندە 13 پۋنكتتى ورىنداۋشى - ءبىلىم جانە عىلىم مينيسترلىگى. ۇكىمەتتىڭ كەڭەيتىلگەن وتىرىسىندا ايتىلعان مىندەتتەرى ەسكەرە وتىرىپ، جوسپارعا ءبىلىمدى سيفرلاندىرۋ بويىنشا وزگەرىستەر ەنگىزىلدى. مىسالى، ينفورماتيكا 2017 جىلى 7 سىنىپتان، 2014 جىلى 5 سىنىپتان باستالعان. وسى وقۋ جىلىنان باستاپ 3 سىنىپتان باستالادى. بۇل ءبىر»، - دەيدى مينيستر.
ەرلان ساعادييەۆتىڭ ايتۋىنشا، ەكىنشىدەن، بەستەن ون ءبىرىنشى سىنىپقا دەيىنگى باعدارلامالار جاڭارتىلادى.
«ونىڭ ىشىندە باعدارلامالاۋ تىلدەرىن قايتا قاراستىرىپ، جاڭا باعدارلامالاۋ تىلدەرىن ەنگىزۋ جۇمىسى باستالىپ كەتتى. ءۇشىنشى، بارلىق مەكتەپتەردە سيفرلىق ءبىلىم بەرۋ رەسۋرستارى بار. وسى جىلدىڭ ماقساتى - ولاردى قولدانۋ دەڭگەيىن كوتەرۋ. ءتورتىنشى - ءبىلىم بەرۋ سالاسىندا بالاباقشادان باستاپ قىزمەتتەردى اۆتوماتتاندىرۋ»، - دەدى ول.
مينيستر وسى جىلدان باستاپ پاۆلودار مەن شىمكەنت قالالارىندا 100 پايىزدىق قاعازسىز ەسەپ بەرۋ جۇيەسى بويىنشا پيلوتتىق جوبا باستالاتىنىن ايتتى. جوبا تيىمدىلىگىن كورسەتسە، اتالعان جۇيە بارلىق قالالارعا ەنگىزىلمەك.
قازاقپارات
You Might Also Like
-
بۇيرەكتىڭ ورگانيزمدەگى ەڭ نەگىزگى قىزمەتى - شىعارۋ. سونىمەن قاتار ىشكى ورتا تۇراقتىلىعىن، ءسىلتى-قىشقىل تەڭدىگىن، وسموس قىسىمىن، تامىرداعى قان كولەمىن، باسقا دا ىشكى سۇيىقتىق ورتانىڭ كورسەتكىش...
-
ق ر ءبىلىم جانە عىلىم ۆيسە-مينيسترى بيبىگۇل اسىلوۆا ءبىلىم بەرۋدىڭ جاڭارتىلعان مازمۇنى بويىنشا ساباق بەرەتىن مۇعالىمدەردىڭ جالاقىسىنا ۇستەمەاقىنىڭ قاشان قوسىلاتىنىن ايتىپ بەردى.
