بيىل قازپوشتا تاعى ءبىر روبوت-پوچتالونمەن تولىقپاق
بيىل قازاقستاندىق پوشتا جاڭا روبوت-پوچتالونمەن تولىعادى. ونىڭ قىزمەتى تولىقتاي اۆتوماتتىق رەجيمدە بولماق. روبوتتىڭ مۇنداي ءتۇرىن شىعارۋشى كومپانيا — Cleverest Technologies. ول نازاربايەۆ ۋنيۆەرسيتەتىنىڭ تەحنوپاركىندە ورنالاسقان.
ۇلتتىق پوشتانىڭ ءموبيلدى روبوتى پوشتا جانە جاشىكتەردى ادامدارعا الدىن الا بەلگىلەنگەن مارشرۋت ارقىلى تاسىمالداۋعا مۇمكىندىك بەرەدى. سىرت ءپىشىنى ءجاي ماشيناعا ۇقسايتىن بۇل روبوت كەدەرگىلەردى اينالىپ وتە الادى. جاياۋ جۇرگىنشىلەرگە ارنالعان جولدان مۇقيات وتۋگە شاماسى جەتەدى ءارى مۇقيات بۇرىلادى. ويتكەنى كامەراسى بار. سونىڭ ارقاسىندا اينالاسىن تۇگەل كورىپ، ءبارىن جازىپ الادى. تۇرعان جەرىندە پانورامالىق ءتۇسىرىلىم جاساۋعا دا قاۋقارلى. ال ونى جاساپ شىعارۋشىلار بولسا ونىڭ تەك وسىنداي قىزمەتتەردى شاماسى جەتەتىنىن ايتىپ وتىر. روبوت-پوشتاشىنى جاساۋعا جارتى جىلداي ۋاقىت جۇمسالىپ جاتىر.
ايتا كەتەيىك، قازپوشتادا قازىرگى تاڭدا قۋانىش جانە ساۋلە دەگەن روبوتتار قىزمەت ەتۋدە. ءبىرى قارسى السا، ەكىنشىسى كەڭەس بەرەدى. ساۋلە دەگەن روبوت-كەڭەسشى كليەنتتەردى تولعاندىراتىن ماڭىزدى سۇراقتارعا جاۋاپ بەرەدى. تولەمدى قالاي جۇرگىزۋگە بولادى، بانك كارتاسى قالاي راسىمدەلەدى دەگەن سياقتى 100 سۇراقتىڭ جاۋابىن ساۋلەدەن بىلۋگە بولادى. الداعى ۋاقىتتا روبوت-كەڭەسشىنىڭ قىزمەت اياسى كەڭەيەدى، ول بۇدان دا كوپ سۇراققا جاۋاپ بەرىپ، قازىرگىدەن دە كوپ كەڭەس بەرەتىن بولادى. ال قۋانىش ادامدارعا كوتەرىڭكى كوڭىل-كۇي سىيلاۋعا تىرىسىپ باعادى ەكەن. ونىمەن ءبىر رەت تانىسقاننان سوڭ ول ادامنىڭ ەسىمىن ساقتاپ الىپ، كەلەسى كۇنى تانيتىن كورىنەدى. بۇعان قوسا، اۋا رايى مەن قايدا تۇرعانىڭىزدى ايتا الادى، Wi-fi ءپارولىنىڭ وزگەرگەنى جايلى ماعلۇماتتى دا بەرەدى.
«قازپوشتا» اق-نىڭ قىزمەت تۇرلەرى قانداي دەگەن سۇراققا كەلەتىن بولساق، قاراپايىم تاپسىرىستى، قۇندى جازباشا جانە پوچتالىق جونەلتىلىمدەردى جىبەرۋ، قوماقتى جانە اۋىر سالماقتى جۇكتەردى رەسپۋبليكا ىشىندە جونەلتۋ مەن جەتكىزۋ، ارنايى بايلانىس، جەدەل پوشتا قىزمەتى (EMS قىزمەتى)، گازەت-جۋرنالدارعا جازىلۋدى راسىمدەۋ، پوستامات قىزمەتى، سالەمدەمەلەر سۋپەرماركەتى سىندى پوشتالىق قىزمەت تۇرلەرىن ۇسىنادى.
You Might Also Like
-
بۇل — حورەزم شاحى مۇحاممەد پەن شىڭعىس حان اسكەرلەرىنىڭ اراسىنداعى كۇتپەگەن كەزدەسۋدەن تۋىنداعان شايقاس. شايقاس ىرعىز وزەنىنىڭ بويىندا وتكەن. سوندىقتان ول «ىرعىز شايقاسى» دەپ اتالى...
-
ءزار جۇيەسىنىڭ جۇقپاسى (زجج) — بۇيرەكتەگى جانە ءزار جولدارىنداعى ميكروبتى-قابىنۋ اۋرۋى. بالالاردا ءجيى كەزدەسەدى، ال تارالىمى جاعىنان رەسپيراتورلى جۇقپادان كەيىن ەكىنشى ورىندا.
