InfoHub Logo

پسيحولوگتار 1،7 ميلليون ادامنىڭ قاتىسۋىمەن ساۋالنامالىق زەرتتەۋ جۇرگىزدى. زەرتتەۋ قورىتىندىسى، تابىستىڭ بەلگىلى ءبىر دەڭگەيىنە قولجەتكىزگەننەن كەيىن باقىتتى سۋبەكتيۆتى سەزىنۋ دەڭگەيى بىرتە-بىرتە تومەندەيتىنىن كورسەتكەن ەكەن.

امەريكالىق پسيحولوگتار تابىس دەڭگەيىنىڭ ءوسۋى ومىرگە قاناعاتتانۋ دەڭگەيىن بەلگىلى ءبىر شەككە دەيىن عانا جەتكىزەدى دەگەن تۇجىرىمعا كەلىپ وتىر. تابىستىڭ كوتەرىلۋى بەلگىلى نۇكتەدەن اسقاننان كەيىن باقىتتى سۋبەكتيۆتى سەزىنۋ جانە جالپى جەكە اۋقاتتىلىق دەڭگەيى تومەندەيدى.

زەرتتەۋشىلەر دۇنيەجۇزى ەلدەرىنىڭ جارتى ميللوننان استام ادامى قاتىسقان Gallup World Poll ساۋالنامالىق دەرەكتەرىن زەرتتەگەن. ءسويتىپ ولار تابىستىڭ ءوسۋى باقىتتى سۋبەكتيۆتى سەزىنۋىنەن اسپاۋ جاعدايىنان كەيىن قارجىلىق قامتاماسىز ەتۋدىڭ ورتاشا دەڭگەيىن ەسەپتە شىعاردى. بۇل باقىتتى بولۋعا دەپ ەسەپتەلگەن سوما ادامنىڭ قانداي الەۋمەتتىك توپتارعا جاتتاتىندىعىنا جانە الەمنىڭ قاي جەرىندە تۇراتىندىعىنا بايلانىستى وزگەرگەن.

ساۋالناماعا الەمنىڭ 164 ەلىندە ءومىر ءسۇرىپ جاتقان 15 جاستان جانە ودان جوعارى 1،7 ميلليون ادام قاتاستى. عالىمدار جاڭا جۇمىسقا ناقتى جانە قاجەت ەتىلگەن تابىس دەڭگەيىن قوسا العاندا سۋبەكتيۆتى اۋقاتتىلىق (subjective well-being، SWB) كورسەتكىشتەرىن ولشەۋگە ارنالعان دەرەكتەردى پايدالانعان. سونداي-اق، ادامداردان وزدەرىنىڭ اۋقاتتىلىعى مەن ومىرگە قاناعاتتانۋ (life evaluation) دەڭگەيىن باعالاۋدى جانە كۇندەلىكتى ومىردە ءجيى كەزدەسەتىن ەموسيالارى (ەموسيالىق اۋقاتتىلىق emotional well-being) تۋرالى ايتۋدى سۇراعان.

پسيحولوگتار قارجىلىق تابىستىڭ بەلگىلى ءبىر بيىگىنە جەتكەن كەزدە الەم بويىنشا ول سوما وزگەرگەندىگىن انىقتادى.

تابىس دەڭگەيى مەن جالپى اۋقاتتىلىقپەن بايلانىستى شەك بارلىق ەلدەردە جانە ءتۇرلى الەۋمەتتىك توپتار اراسىندا بىردەي ەمەس. ايتالىق، ەرلەردە ايەلدەرگە قاراعاندا سوما تومەن، ياعني تيىسىنشە 90 جانە 100 مىڭ دوللار. ءبىلىمى جوق ادامداردىڭ ءومىر ءسۇرۋ سوماسى جىلىنا 70 مىڭ دوللار. ال ورتا ءبىلىمدى ادامدار 85 مىڭ دوللاردى، ال جوعارى بىلىمدىلەر 115 مىڭ دوللاردى ءومىر ءسۇرۋدى قاناعاتتاندىرۋعا قاجەتتى اقشا دەپ كورسەتكەن.

اقشا تۋرالى كوزقاراسقا گەوگرافيالىق جاعداي دا ايتارلىقتاي اسەر ەتەدى. اقشاعا قاجەتتىلىك دەڭگەيىنىڭ ەڭ جوعارى كورسەتكىشى اۆستراليا تۇرعىندارى اراسىندا بايقالعان. ولار جىلىنا 125 مىڭ دوللار دەپ بەلگىلەگەن. سولتۇستىك امەريكا تۇرعىندارىندا بۇل سوما 105 مىڭ دوللار، باتىس ەۋروپا — شامامەن 100 مىڭ، شىعىس ەۋروپانىڭ ورتاشا سيفرى — 45 مىڭ دوللار. باقىتقا جەتكىزەتىن اقشانىڭ ەڭ تومەنگى كورسەتكىشى لاتىن امەريكا تۇرعىندارى اراسىندا تىركەلدى. اتالعان ەلدەر تۇرعىندارى جىلىنا 35 مىڭ دوللار باقىتتى ءومىر سۇرۋگە بولادى دەپ ەسەپتەيدى.

زەرتتەۋشىلەردىڭ پىكىرىندە، وسى سومادان اساتىن تابىس دەڭگەيى باقىتتى سۋبەكتيۆتى سەزىنۋگە ايتارلىقتاي كەرى اسەرىن تيگىزەدى. جوعارى تابىس تابۋ ول ادامداردىڭ كوپ ۋاقىتى مەن كۇشىن قاجەت ەتەدى، سونداي-اق ءوزىنىڭ ەڭبەگىنىڭ ناتيجەسىنە بارىنشا جاۋاپكەرشىلىكپەن قاراۋىنا الىپ كەلەدى. سونىمەن قاتار، تابىستىڭ كوبەيۋى ادامدى ءوزىن قورشاعان ورتامەن سالىستىرۋعا ماجبۇرلەيدى.

زەرتتەۋ ناتيجەسى:  Nature Human Behaviour جۋرنالىندا جاريالانعان.

---