دا ءۇي اڭىزى
شيا 夏 پاتشالىعى تۇسىندا سۋ ىستەرىمەن اينالىساتىن گۋ ەسىمدى ادام بولاتىن. ءبىر جولى ۇلكەن سەل بولىپ، پاتشا گۋگە سۋدى توقتاتۋدى بۇيىرادى، الايدا سۋ توقتامايدى، پاتشا گۋدى ولتىرەدى. وسى كەزدە ءۇي اكەسىنىڭ ورنىنا سۋ ىستەرىمەن ءوزى اينالىسادى، ءبىراق ءار جىلى سۋ ارناسىنان اسىپ، حالىقتى ابدەن شارشاتادى. الايدا ءۇي وتە قاتتى ەڭبەكتەنىپ، تايشان تاۋىنان دومالاق تاس اكەلىپ سۋدى توقتاتادى، كەيىننەن سول تاستىڭ بۇگىنگى شاندۇڭداعى شاڭبايشان تاۋىنا اينالعانى جونىندە اڭىزدار پايدا بولادى. بۇدان باسقا، شانشي ولكەسىندە ءۇيدىڭ ەل باسقارۋ ىسىنە بەلسەنە ارالاسقاندىعى، جۇرتتىڭ قامى مەن ەلدىڭ باقىتى ءۇشىن ەتكەن ەرشىمدى ەڭبەكتەرى جونىندە اڭىزدار بار. بۇل -بۇگىنگى بيلىكتەگىلەرگە تاربيەلىك ءمانى وتە جوعارى اڭىز بولىپ تابىلادى. ءۇي جايىنداعى بۇل اڭىزدا ميفولوگيالىق سانانىڭ بارلىعى، ۇزاق زامانداردان بەرى وسى ءبىر اڭىز اڭگىمە تاريحي ءتۇس الۋمەن قاتار، ساياسي ءتۇس الاتىندىعى، مىسالى، حالىقتى قۇتقارۋ ءۇشىن، سەلدى توقتاتۋعا جاساعان ارەكەتتەرى، پاتشانىڭ قول استىنداعى ۋازىرلەرىمەن جاساعان جينالىسى، كىنالىلەردى جازالاۋى، ورنىنا باسقا ادامدى جۇمىسقا تارتۋى قاتارلى ىستەرى كەمەلىنە كەلگەن پاتشالىقتى كورسەتەدى. سونىمەن بىرگە، اڭىزداعى باس كەيىپكەر ءۇي كونفۋسيي اعىمىمەن سۋسىندانعان ادام ەكەنىن ايقىن اڭعارتادى.
You Might Also Like
-
حىنان ولكەسىنىڭ لو يااڭ شىعىس تەرىستىگىندە مىڭ جياڭ دەيتىن ەجەلگى ەل بار بولاتىن، ول جەردىڭ ءشوبى شۇيگىن، سۋى تۇنىق، جايسان جەر بولعان، اڭىز بويىنشا، سول اراداعى كولدە ءبىر قۇبىجىق بولعان دەسەدى. ونىڭ...
