InfoHub Logo

«ءۇي گوڭنىڭ تاۋ كوشىرۋى» اتتى بۇل اڭىزدى قىتايدىڭ ۇلى كوسەمى ماۋزىدۋڭ: «ادامدى جىگەرلەندىرەتىن، تاربيەلەيتىن تاماشا اڭىز»، — دەپ باعالاعان بولاتىن. بۇندا ەرتەدە جاسى توقسانعا تاياپ قالعان بيشان تاۋىنىڭ باۋرايىندا ءۇي گوڭ دەگەن شال بولىپتى. ونىڭ ەسىگىنىڭ الدىندا ۇلكەن ەكى تاۋ بار ەكەن. اقساقال بالا-شاعاسىمەن اقىلداسىپ، ۇيگە كىرىپ-شىققاندارىنا كەدەرگى جاساپ وتىرعان وسى ەكى تاۋدى تەگىستەپ تاستاۋعا كەلىسىپ، قولدارىنا كۇرەكتەرىن الىپ ەڭبەككە كىرىسەدى، ۇزاق جىلدار ءبىر تىنباي ەڭبەكتەنەدى، كورگەندەر تاڭىرقاپ: «اقىماق شال، بۇل بولمايتىن شارۋا عوي»، — دەپ ونى جازعىرىپ كەلەمەجدەيدى. سوندا ءۇي گوڭ ولارعا بىلاي دەپ جاۋاپ بەرەدى: «مەن ولسەم، بالام قازادى، بالام ولسە، ونىڭ بالاسى قازادى، ول ولسە، ونىڭ بالاسى قازادى، وسىلاي تاباندىلىقپەن جالعاستىرساق، نەسى قالادى، بىتپەگەندە؟!» — دەپ جاۋاپ بەرەدى. ولاردىڭ بۇل ءىسى ءتاڭىردى قاتتى اسەرلەندىرەدى، سودان كەيىن ءتاڭىر ەكى پەرىشتەسىن جىبەرىپ، تاۋدى ءبىر تۇندە تەگىستەتىپ تاستايدى. بۇل اڭىز شىنىمەن دە «تالاپتى ەرگە نۇر جاۋار» دەپ، ادامنىڭ ەرلىك جىگەرىن شىڭداپ، قاشان دا جەڭىسكە جەتەلەيتىن، تاربيەلىك مانگە يە اڭىز بولىپ تابىلادى. ەجەلدەن بەرى كۇنى بۇگىنگە دەيىن ادەبيەتشىلەر، ونەرپازدار، تاريحشىلار وسى اڭىزدى ءوز كادەسىنە جاراتىپ وتىر.

---