InfoHub Logo

ءبىزدىڭ ءتانىمىز – ىشكى اعزالارىمىزدىڭ قىزمەتىندەگى قانداي دا ءبىر وزگەرىستەر مەن اقاۋلار جايلى ۇنەمى اقپارات بەرىپ وتىراتىن كۇردەلى مەحانيزم. الايدا ءبىز اعزامىزدىڭ دابىلىنا نازار اۋدارا بەرمەيمىز. بۇل تۇستا اعاتتىق جىبەرەتىنىمىز انىق. سوندىقتان دەنىڭىزگە ساۋلىق تىلەي وتىرىپ، دەنساۋلىعىمىز ناشارلاعاندا بايقالاتىن 10 ءتۇرلى بەلگىنى ۇسىنامىز.

 

كوز استىنىڭ قارايۋى

كوز استى تەرىسىنىڭ قارايۋى ۇيقى قانباعاننان بولۋى مۇمكىن. بۇل رەتتە دارىگەرلەر تاۋلىگىنە كەمىندە 7-8 ساعات ۇيىقتاۋعا كەڭەس بەرەدى. الايدا اعزامىزدىڭ مۇنداي بەلگىسى قانازدىقتىڭ سالدارىنان بولۋى مۇمكىن. قانىمىز ازايعاندا اعزامىزدا ەروتروسيتتەر از بولىنەدى. ناتيجەسىندە كوز استى تەرىسى قارايا باستايدى.

 

ساۋساق ءتۇسىنىڭ وزگەرۋى

ەگەر ساۋساقتارىڭىزدىڭ ءتۇسى ءجيى وزگەرەتىنىن بايقاساڭىز، ونىڭ سەبەپسىز ەمەستىگىن ءبىلىڭىز. وعان رەينو فەنومەنى سەپ بولۋى ىقتيمال. اعزانىڭ مۇنداي كۇيىندە سۋىق تەمپەراتۋرا قان تامىرلارىنىڭ تارىلۋىنا الىپ كەلەدى. مۇنىڭ سالدارىنان ساۋساقتارىمىزدىڭ ءتۇسى وزگەرەدى.

 

زاتتىڭ كوزگە بۇلدىراپ كورىنۋى

ەگەر كوزىڭىز تەز ءارى ءجيى شارشاپ، قالىپتى قاشىقتىقتان ادامداردى نە جول بەلگىلەرىن اڭداي المايتىن كۇيگە جەتسەڭىز، مۇنداي بەلگى استيگماتيزمگە مەڭزەۋى ىقتيمال. مىندەتتى تۇردە كوز دارىگەرىنە كورىنگەنىڭىز ابزال.

 

كوز الدىمىزدا «قاراڭداعان دەنەلەر»

ولار ءار-تۇرلى بولۋى مۇمكىن: نۇكتە، سىزىقشا تۇرىندە جانە ت.ب. كوز الدىمىزدا «قاراڭداعان دەنەلەر» اياق استى پايدا بولادى. اسىرەسە، اشىق اسپانعا نە اق ءتۇستى زاتقا قاراعاندا بايقالادى. ەگەر مۇنداي كۇي ءبىر اپتادان ۇزاق ۋاقىتقا سوزىلسا، كوز دارىگەرىنە قارالىڭىز. ول شەل نەمەسە كوز كورۋىنە بايلانىستى باسقا دا قيىندىقتاردىڭ سەبەبىنەن بولۋى ىقتمال.

 

ءىشتىڭ قۇرىلداۋى

ءىشتىڭ قۇرىلداۋ ىشەك قىزمەتىمەن بايلانىستى. ەگەر اعزاڭىزداعى مۇنداي بەلگى سيرەك بايقالسا، ەشقانداي ءقاۋىپ جوق. ال ەگەر ءىشىڭىز ءجيى قۇرىلداسا نەمەسە اۋرۋمەن بايلانىستى بولسا، دارىگەرگە كورىنۋىڭىزدى قاجەت ەتەدى.

 

تەرىنىڭ قۇرعاۋى

تەرىنىڭ قۇرعاۋى – دارۋمەن جەتىسپەۋشىلىگىنىڭ بەلگىسى. بۇل ورايدا دۇرىس تاماقتانۋ تەرىڭىزدى قالپىنا كەلتىرىپ، جارقىراتا تۇسەدى. ال ەگەر تەرىنىڭ قۇرعاۋى قىشۋمەن قاتار جۇرسە، مىندەتتە تۇردە دارىگەرگە كورىنىڭىز. ول ششەڭ اۋرۋىنىڭ بەلگىسى بولۋى ىقتيمال.

 

ارا-تۇرا ءيىس سەزۋ قابىلەتىنىڭ جوعالۋى

جاس ۇلعايعان سايىن ءيىس سەزۋ قابىلەتىنىڭ تومەندەۋى نە جوعالۋى جۇيكە جۇيەسىنىڭ زاقىمدالۋىنىڭ سالدارىنان ورىن الادى. ءبىراق ءسىز جاس بولساڭىز، ءيىس سەزۋ قابىلەتىنىڭ جوعالۋى – دارىگەرگە قارالۋىڭىزعا سەبەپ. ول تۇماۋدىڭ نەمەسە باسقا دا جۇقپالى دەرتتىڭ بەلگىسى بولۋى مۇمكىن.

 

قاباقتىڭ تارتىلۋى

ۇزاق ۋاقىت بويى قاباق تارتىلۋى كوزگە سالماق تۇسكەندىگىن ءبىلدىرۋى مۇمكىن. ودان ارىلۋ ءۇشىن، ماقتانى سۋىق سۋمەن دىمقىلداپ الىپ، كوزگە باسىپ قويۋ كەرەك. ەگەر بۇل ءادىستىڭ كومەگى بولماسا، نيەۆروپاتولوگتىڭ كومەگىنە جۇگىنىڭىز. اعزاڭىزدىڭ مۇنداي بەلگىسى جۇيكە جۇيەسىنىڭ بۇزىلۋىنان حابار بەرۋى ىقتيمال.

 

قۇلاق شىڭىلداۋى

تيننيتۋس — قۇلاقتىڭ شۋلاۋى نە شىڭىلداۋى. كوبىمىز قۇلاقتىڭ شىڭىلداۋىنا ءمان بەرمەيمىز. ءتىپتى، دەنساۋلىعىمىز ءۇشىن ءقاۋىپتى سانامايمىز دا. الايدا قۇلاقتىڭ ۇنەمى شىڭىلداۋى اعزامىزداعى اقاۋدىڭ سەبەبىنەن بولۋى مۇمكىن. دەسە دە ونىڭ كەڭ تارالعان سەبەبى – قىزمەتىنە بايلناستى ۇنەمى شۋلى جەردە بولۋ.

 

يىق بۋىنىنىڭ جىلجۋى

كەي ادامداردىڭ يىعى بوساڭسىعانداي كۇيدە بولىپ، جان-جاققا جىلجۋى مۇمكىن. يىق بۋىنىنىڭ تۇراقسىزدىعى توقپان جىلىك باسىنىڭ يىق بۋىنى ويىمىنان شىعىپ كەتكەن كەزدە ورىن الادى. مۇنداي ادامداردىڭ سىڭىرلەرى تۋمىسىنان سوزىلمالى بولۋى مۇمكىن. نەمەسە سپورتپەن شۇعىلدانۋدىڭ سالدارىنان دا بولادى. الايدا يىق بۋىنىنىڭ جىلجۋى – ءقاۋىپتى. ول ءتۇرلى جاراقاتتارعا، بۋىننىڭ شىعۋىنا الىپ كەلۋى ىقتيمال.

---