InfoHub Logo

قازاقستان رەسپۋبليكاسىنىڭ پرەزيدەنتى نازاربايەۆ حالىق الدىندا سويلەگەن سوزىندە زامان تالابىنا ساي  مەملەكەت باسقارۋ ىسىندە دە وزگەرىستەر قاجەت ەكەندىگىن اتاپ ءوتتى. ءبىزدىڭ ويىمىزشا، بۇل ۋاقىتىلى كوتەرىلگەن ماسەلە. جاھاندا الدىنعى قاتارلى مەملەكەتتەردىڭ دامۋ باعىتى دەموكراتيالاندىرۋ بولىپ تابىلادى.  ءبىز دە بۇل ۇدەرىستەن قالماۋعا ءتيىسپىز. مەملەكەتتى دەموكراتيالاندىرۋ- حالىق مۇددەسىنە ساي. حالىق نەعۇرلىم مەملەكەت ىستەرىنە قاتىستىرىلسا، ونى سەزىنسە، سوعۇرلىم مەملەكەت ىستەرىنە جاۋاپكەرشىلىگى دە ارتىلادى. ەل باسشىسى ۇسىنعان وزگەرىس- پارلامەنتتىڭ قۇقىقتارىن، مىندەتتەرىن كەڭەيتۋ حالىق قالاۋلىلارى ارقىلى حالىقتىڭ بيلىككە قاتىستىرىلۋى.   ۇكىمەتتىڭ پارلامەنت الدىندا جاۋاپتىلىعى – حالىق الدىنداعى جاۋاپتىلىعى.

سونىمەن قاتار ەلباسى دۇرىس اتاپ وتكەنى، وتكەن ۋاقىتتا بىزگە كۇشتى پرەزيدەنت بيلىگىنىڭ قاجەت بولعاندىعى. ءبىزدىڭ ەلىمىز 25 جىلدا ۇلكەن وزگەرىستەردى باستان وتكىزدى، تالاي قيىنشىلىقتاردى جەڭدى. كۇشتى پرەزيدەنت بيلىگىنسىز مۇمكىن ءبىز مۇنداي ناتيجەگە جەتپەس ەدىك. قازىرگى ۋاقىتتا پرەزيدەتكە ارتىلعان  ەلدىڭ بولاشاعى  ءۇشىن جاۋاپكەرشىلىكتى پارلامەنت پەن ۇكىمەتكە  ءبولۋ تۋرالى ۇسىنىس دۇرىس دەپ ەسەپتەيمىز. ءوز كەزەگىمىزدە ءبىز جۇمابەك تاشەنوۆ اتىنداعى № 20 ورتا مەكتەبىنىڭ  مۇعالىمدەر  ۇجىمى تۇتاستاي قولدايمىز. بۇل رەفورما باسقارۋ جۇيەسىنىڭ ءتيىم­دىلىگىن ارتتىرىپ، قوعامدا تۇراقتىلىقتى قامتاماسىز ەتەدى، پارلامەنت پەن ۇكىمەتتىڭ ءرولىن كوتەرىپ، جاۋاپكەرشىلىگىن ارتتىرادى، ەلىمىزدىڭ ودان ءارى دەموكراتيالىق جولمەن ىلگەرى دامۋىنا ىقپال ەتەدى دەپ ويلايمىن. 

---