InfoHub Logo

دەنساۋلىعى عالامنىڭ – دەنساۋلىعى ادامنىڭ

وقۋشىلارعا سالاۋاتتى ءومىر سالتىن ناسيحاتتاي وتىرىپ، زياندى ادەتتەردەن ساقتاندىرىپ، سپورتپەن شۇعىلدانۋدىڭ پايداسىن ءتۇسىندىرۋ ارقىلى سىمباتتىلىققا، ۇقىپتىلىققا، ەپتىلىككە، شاپشاڭدىققا، تازالىققا، ەڭبەكسۇيگىشتىككە تاربيەلەۋ ماقساتىندا الماتى قالاسىنداعى №180 جالپى ءبىلىم بەرەتىن مەكتەپتىڭ 5 «ا» سىنىپ وقۋشىلارىنا «دەنساۋلىعى عالامنىڭ – دەنساۋلىعى ادامنىڭ» تاقىرىبىندا اشىق سىنىپ ساعاتى جوعارى دارەجەدە وتكىزىلدى.

دەنساۋلىق – زور بايلىق. وسى زور بايلىقتى قادىرلەۋ، كۇتىپ ۇستاۋ، تازالىق ساقتاۋ، جەكە باس گيگيەناسى، دۇرىس تاماقتانۋ، سالاۋاتتى ءومىر سالتىن ۇستانۋ، دەنە شىنىقتىرۋ جونىندەگى ماسەلەلەر قامتىلعان اشىق سىنىپ ساعاتىندا وقۋشىلار قۇندى مالىمەتتەر جيناپ، ءوزارا توپتار اراسىندا پىكىر الماستى. فاست-فۋد ونىمدەرى مەن گازدالعان، ەنەرگەتيكالىق سۋسىنداردىڭ ادام دەنساۋلىعىنا زياندى جاقتارى ايتىلدى.

دەنى ساۋ ۇرپاق – ۇلت بولاشاعى. ەلىمىزدىڭ ەرتەڭگى تۇتقاسىن ۇستايتىن جاس ۇرپاق بۇگىننەن دەنساۋلىق ماسەلەسىنە ءجىتى كوڭىل اۋدارسا، كەلەشەگىمىز جارقىن بولارى ءسوزسىز. دەنساۋلىعى ناشار ادامنىڭ كوڭىل-كۇيى بولمايدى، ەشقانداي جۇمىسقا جارامسىز بولادى، تابىس تاۋىپ قوعامعا پايداسىن تيگىزبەيتىنى تۋرالى وقۋشىلار ءوز ويلارىن جارىسا جەتكىزدى. قازىردەن دەنساۋلىقتىڭ زور بايلىق ەكەنىن ۇعىنىپ وسكەن جاستار، ەرتەڭ ەلىمىزدىڭ كەلەشەگىن ويلايتىن سانالى، سالاۋاتتى ءومىر سالتىن ۇستاناتىن مىقتى، جىگەرلى ازاماتى بولىپ قالىپتاسادى.

وقۋشىلار، قاراپايىم عانا قولدى دۇرىستاپ جۋۋ، ءتىس تازالاۋ، دەنە جاتتىعۋلارىن جاساۋ، شاش كۇتىمى، قۇنارلى تاعامداردى جەۋ – دەنساۋلىق كۇتۋدىڭ ءبىر سالاسى ەكەندىگىن ۇعىندى. سونىمەن قاتار سىنىپتا سپورتتىق سەكسيالارعا قاتىساتىن بالالار دا شىمىر بولىپ ءوسۋدىڭ قۇپيالارىمەن ءبولىستى. ولار كۇندەلىكتى تاڭەرتەڭ جۇگىرۋ، تابيعاتتا سەرۋەندەۋ دە دەنساۋلىققا جاقسى اسەر ەتەتىنىن ايتىپ ءوتتى. سونىمەن قاتار كومپيۋتەرلىك ويىندار مەن ۇيالى تەلەفون، پلانشەتتەردەگى ءتۇرلى ويىندار كوزدىڭ ناشارلاۋىنا اكەلىپ سوعاتىنىن، دەنە قيمىلىن ازايتىپ، دەنساۋلىققا كەرى اسەر ەتەتىنىن دە بىرنەشە مىسالدار ارقىلى وقۋشىلار ءوز ويلارىن ەركىن جەتكىزە ءبىلدى.

«اۋىرىپ ەم ىزدەگەنشە، اۋىرمايتىن جول ىزدە»، «جالقاۋلىق – جامان اۋرۋ»، «تازالىق – ساۋلىق نەگىزى، ساۋلىق – بايلىق نەگىزى»، ت.ب. دەنساۋلىققا بايلانىستى ماقال-ماتەلدەردىڭ ماعىناسىن اشىپ، وعان قاتىستى ءوز پىكىرلەرىمەن ءبولىستى.

قورىتا كەلگەندە، جاسوسپىرىمدەر دەنساۋلىقتىڭ باستى بايلىق ەكەندىگىن ۇعىنىپ، زياندى ادەتتەرگە جولاماي، سالاۋاتتى ءومىر سالتىن ۇستانۋدىڭ ماڭىزدىلىعىن سەزىندى. تاۋەلسىز ەل تىرەگى – دەنى ساۋ، سانالى ۇرپاق ەكەنىنە كوز جەتكىزگەن وقۋشىلار ەلىمىزدىڭ ەرتەڭگى قامىن ويلايتىن، مىقتى، قايسار دا قايراتتى بولىپ وسەتىنىنە سەنىمىم مول.

 

الماتى قالاسى الاتاۋ اۋدانى

№180 جالپى ءبىلىم بەرەتىن مەكتەپتىڭ

5 «ا» سىنىپ جەتەكشىسى تورىبايەۆا گۋلجاحان اۋەسحان قىزى

---