InfoHub Logo

اشىق تاربيە ساعاتى
تاقىرىبى: ءدىني ەكسترەميزم، تەرروريزم — بەيبىتشىلىك پەن تۇراقتىلىققا تونگەن ءقاۋىپ
ماقساتى:
• ەلباسىنىڭ «بولاشاققا باعدار: رۋحاني جاڭعىرۋ» ماقالاسىندا ۇلتتىق سالت - داستۇرلەرىمىز، ءتىلىمىز بەن مۋزىكامىز، ادەبيەتىمىز، جورالعىلارىمىز، ءبىر سوزبەن ايتقاندا ۇلتتىق رۋحىمىز بويىمىزدا ماڭگى قالۋعا ءتيىس - دەپ، ءدىنىمىزدى بۇرمالاپ ءارتۇرلى جاڭالىقتاردى ەنگىزىپ، دىنىمىزدەن، تىلىمىزدەن، دىلىمىزدەن، مادەنيەتىمىزدەن، قازاقتى قازاق ەتىپ كورسەتەتىن سالت - داستۇرىمىزدەن، ۇلتتىق قۇندىلىقتارىمىزدان ايىرىپ، حالىق اراسىندا ارازدىق، دۇشپاندىق، جەككورۋشىلىك، تاسباۋىرلىق تۋدىرىپ، ادامنىڭ سانا سەزىمىن ۋلايتىن، الەمدىك دىندەردىڭ اتىن جامىلىپ تەرىس باعىت بەرەتىن ءدىني سەكتالار تۋرالى ءدىني ەكسترەميزم مەن تەرروريزمنىڭ ماعىناسىن ءتۇسىندىرۋ؛
• ستۋدەنتتەرگە زاڭسىز جات ءدىني ۇيىمدار تۋرالى ماعلۇمات بەرۋ.
مىندەتتەرى:
1. ءبىلىم الۋشىلاردى يدەولوگيالىق تاقىرىپتارعا ارنالعان اقپارات كوزدەرىمەن تانىستىرۋ. جاستارعا ءدىني ەكسترەميزمگە قارسى كۇرەس جولدارى تۋرالى اقپارات بەرۋ.
2. ءبىلىم الۋشىلارمەن بىرلەسكەن ءىس - ارەكەتى ارقىلى، سۇراق - جاۋاپ پىكىر ءبولىسۋ.
3. كەلەر ۇرپاق جاس ورەندى ءومىر قاۋىپسىزدىگى، جاناشىرلىققا، بەيبىت رۋحتاعى ادامي قاسيەتتەرگە تاربيەلەۋ.
ۇيىمداستىرۋ فورماسى:
كەزدەسۋ ساعاتى
جابدىقتالۋى:
لەد ەكران، شارلار
كورنەكىلىكتەر:
ۆيدەوروليكتەر
تاربيە ءادىس - تاسىلدەرى:
ءتۇسىندىرۋ، تالداۋ، سۇراق - جاۋاپ، دەمونستراسيا ادىستەرى.
تاربيە ساعاتىنىڭ بارىسى
1 ءبولىم.
بي (تولقىن، ا. اسەل، كسەنيا، جاناتجان، جازيرا، گۇلشات، گۇلايىم، ز. شىرايلىم)
جەتەكشىسى: گافكەنوۆا س. ك.
جۇرگىزۋشى (ءزۇرا)
ارمىسىزدار، قۇرمەتتى قوناقتار، ۇستازدار ءبىلىم الۋشىلار! بۇگىن ءبىز كەزدەسۋ ساعاتىمىزدا حالىقارالىق ماسەلەگە اينالىپ وتىرعان ءدىني ەكسترەميزم، تەرروريزم جايلى ءسوز قوزعاماقپىز.
تەرروريزم، ەكسترەميزم، راديكاليزم، سالافيزم ەل اراسىندا كوپتەپ تاراعان تەرميندەر قاتارىندا تۇر. وسى تەرميندەرگە تۇسىنىك بەرىپ وتسەك
تەرميندەر
گاۋحارتاس:
ەكسترەميزم دەگەن لاتىن ءسوزى «شەتتەۋ»، ياعني ورتالىقتان اۋىتقۋ، تارتىپكە باعىنباۋ، ءوز پىكىرىمەن عانا ءىس — ارەكەت جاساۋشى دەگەن ۇعىمدى بىلدىرەدى. ەكسترەميزمنىڭ پايدا بولۋى ناداندىققا، كورسوقىرلىققا بەيىمدەلگەن كوزقاراستاردان تۋىندايدى، ياعني ولاردىڭ ويى «تەك قانا مەنىڭ پىكىرىم دۇرىس، وزگەنىكى بۇرىس دەگەنگە سايادى.
اياۋلىم:
ال، «راديكاليزم» لاتىننىڭ «radix» «ءتۇبىر، تامىر» دەگەن سوزىنەن شىققان. تەرمين ساياساتقا قاتىستى پايدا بولعان. راديكاليزم – قوعامدا قالىپتاسقان الەۋمەتتىك - ساياسي جۇيەمەن كەلىسپەي، ونى تۇبىرىمەن قايتا قۇرۋدى ۇسىنۋشى ساياسي توپتىڭ كوزقاراسى. سونداي - اق، ءدىني راديكاليزم تىركەسى وزگە دە «ءدىني فۋندامەنتاليزم»، «ءدىني فاناتيزم»، «ءدىني ەكستەرميزم» سەكىلدى لاڭكەستىك ارەكەتتەرگە قاتىستى قولدانىلا باستادى.
اييدا:
تەرروريزم قازىرگى تاڭدا الەم ىندەتى. تەrrوr لاتىن ءسوزى قورقىنىش، ۇرەي دەگەندى بىلدىرەدى.
تەرروريزمنىڭ ماقساتى — مەملەكەتتەردىڭ، حالىقتاردىڭ راسيونالدى تۇردە ويلاۋلارىنا، بەيبىتشىلىك پەن تىنىشتىقتا ءومىر سۇرۋلەرىنە كەدەرگى جاساۋ. تەرروريزم - ۇيىمداسقان توپ دىتتەگەن ماقساتىنا جەتۋ ءۇشىن ءدۇرسىن - ءدۇرسىن كۇش قولدانۋ ارقىلى كورىنىس تاباتىن ءادىس.
بالجان:
تەرروريزمنىڭ ەڭ ءقاۋىپتى ءتۇرى – ءدىني تەرروريزم ءقاۋپى ءتونىپ تۇر. سەبەبى، ءبىزدىڭ مەملەكەتىمىزدە دىنگە شەك قويىلماعان، ياعني كەز - كەلگەن ادام ءوزى قاي دىنگە سەنگىسى كەلسە سوعان سەنۋگە قۇقىلى. قازىرگى تاڭدا بىرنەشە مەملەكەتتە زاڭسىز ءدىني ۇيىمدار بەلسەندى ارەكەت ەتۋدە. قازاقستاندا سوڭعى كەزدە ءتۇرلى ءدىني اعىمداردىڭ سانى ءوسىپ كەلەدى. ناقتى ايتاتىن بولساق، 90 - جىلدارى ءدىني اعىمداردىڭ جالپى سانى 10 بولسا، بۇگىندە ولاردىڭ سانى شامامەن 160 - تان اسادى.
بۇلبۇل:
ايتا كەتەتىن بولساق، احمادي اعىمى، يسماتۋللاشىلار توبى، ۋاححابيلىك - ءدىني - ساياسي اعىم، يەگوۆا كۋالارى، تابليعي جاماعات
قوعامداعى ءقاۋىپ - قاتەرلەردىڭ ەڭ باستىسى، حالىقارالىق لاڭكەستىك پەن ءدىني ەكسترەميزم ەكەنى بارشاعا ءمالىم. وسىعان بايلانىستى ەلىمىزدە 1999 جىلعى 13 شىلدەدەگى «تەرروريزمگە قارسى ءىس - قيمىل تۋرالى» زاڭ قابىلدانىپ، ءبىرقاتار ءدىني اعىمداردىڭ قىزمەتىنە شەكتەۋ قويىلعان.
7 - باپ. تەرروريزمگە قارسى ءىس - قيمىلدى جۇزەگە اسىراتىن قازاقستان رەسپۋبليكاسى مەملەكەتتىك ورگاندارىنىڭ قۇزىرەتى
20 - باپ. ادامداردىڭ تەرروريستىك iس - ارەكەتكە قاتىسقانى ءۇشiن جاۋاپتىلىعى كورسەتىلگەن
زۋرا (جۇرگىزۋشى)
قۇرمەتتى كورەرمەندەر، بۇگىنگى تاربيە ساعاتىمىزعا كەلگەن قوناقتارىمىزبەن تانىس بولىڭىزدار:
ىشكى ساياسات ءبولىمىنىڭ ءدىن ماسەلەسىن زەرتتەۋ ورتالىعىنىڭ مامانى: سادىقوۆ دارىن كاۋكەن ۇلى
ءدىن ماسەلەسىن زەرتتەۋ ورتالىعىنىڭ تەولوگى: بوتاقانوۆ ماقسات دۇيسەمبەك ۇلى
№ 35 جوبب مەكتەپتىڭ پسيحولوگتارى: ابيشيەۆا مەرۋەرت كەڭەسبەك قىزى جانە باياندينوۆا ءۇمىت دانيار قىزى
قۇرمەتتى ماقسات دۇيسەمبەك ۇلى قازىرگى تاڭدا قوعامدىق ورىنداردا، كوشەدە قىسقا بالاقتىلار مەن ساقالدىلاردىڭ قاتارى كوبەيۋدە ءدىن جولىندا جۇرگەن ادامدار مەن تەرىس ءدىني باعىتتا جۇرگەندەردى قالاي اجىراتۋعا بولادى؟
قانداي ادامدار ءدىني سەكتالارعا ەنۋى مۇمكىن؟
ءدىني سەكتالارعا
• بەيتانىس نارسەگە قىزىعۋشىلىعى جوعارى؛
• جاسوسپىرىمدىك كەزەڭدەگى داعدارىس؛
• ماتەريالدىق جاعدايى تومەن وتباسىدان شىققان ادامدار؛
• وزىنە دەگەن سەنىمسىزدىك پەن ومىرلىك قيىنشىلىقتار الدىندا قورقىنىش بولعان جاعدايدا؛
• تۇيىقتىق جانە قورشاعان ورتادا ءوزىن اشىق ۇستاي الماۋ كەزىندە ەنۋى مۇمكىن.

2 - ءبولىم ۆيدەوروليك (تەرروريزمنىڭ ءقاۋپى تۋرالى)
تولقىن(جۇرگىزۋشى)
تەرروريستىك ارەكەتتەر قاشان دا جاريالى تۇردە جۇرەدى جانە قوعامعا، بيلىككە اسەر ەتۋگە باعىتتالادى.
بۇگىن بىزدە وسى ماسەلەنىڭ باسىن اشۋعا ساراپشىلارىمىز بەن قوناقتارىمىزدى ورتاعا شاقىرساق.........
تولقىن(جۇرگىزۋشى)
سوڭعى كەزدەرى ءدىني ماسەلەلەر ۋشىعىپ، جات اعىمداردىڭ ءىس ارەكەتى اشىق كورىنە باستادى.
ويىمىزدىڭ دۇرىس بۇرىستىعىن انىقتاۋ ءۇشىن ساراپشىمىزعا ءسوز بەرسەك
اسەل م:
كەيىنگى زەرتتەۋلەردىڭ ستاتيستيكالىق دەرەكتەرگە سۇيەنسەك، حح عاسىردىڭ 70 - 80 جىلدارىندا كۇللى دۇنيەجۇزىندە 5500 - دەن استام لاڭكەستىك ارەكەت جاسالىپ، تورتكۇل الەمدە 500 - دەن استام لاڭكەستىك ۇيىمدار ارەكەت ەتكەن ەكەن.

توپ جەتەكشىسى: نۇرعازى م. ت.

ءدىني ەكسترەميزم، تەرروريزم — بەيبىتشىلىك پەن تۇراقتىلىققا تونگەن ءقاۋىپ. جۇكتەۋ