ءدىني يممۋنيتەت قالىپتاستىرۋ
ادام دۇنيەگە كەلىپ، ءومىر ءسۇرۋ ءۇشىن، ءاردايىم قوزعالىستا، رۋحاني دامۋدا بولادى. قورشاعان ورتامەن بايلانىس، جان دۇنيەسىنىڭ ۇيلەسىمدىلىگى، وزىنە كەرەكتى قۇندىلىقتاردى تابۋ سەكىلدى ومىرلىك ماڭىزى بار قاجەتتىلىكتەردى بويىنا ءسىڭىرىپ، ءومىر ءسۇرۋ زاڭدىلىقتارىن ۇيرەنەدى. ادام ءومىرى مەن قوعام اراسىندا ەرەكشە رۋحاني سالالاردىڭ ءبىرى-«ءدىن». جاراتىلعانداردىڭ سەنىمىمەن باستاۋ الىپ، ادام ومىرىندە ەرەكشە ءرول اتقاراتىن ءدىن، بىرگە دامىپ وزگەرىستەرگە ۇشىراپ وتىرادى. ءدىن ادامزات بالاسىنىڭ سەنىم جۇيەسىمەن باستالىپ، ونىڭ ومىرىمەن تىعىز بايلانىسقا تۇسەدى. ومىرلىك ۇستانۋ ماقساتى، ويلاۋ شەڭبەرى وسى ءدىني كوزقاراستارىمەن ولشەنىپتە وتىرادى.
ءدىني يممۋنيتەت دەگەنىمىز جەكە تۇلعانىڭ ءدىني سەنىمى، ءدىني كوزقاراسى. ول ءار ادامدا ءارتۇرلى بولادى، ول قالاي، ءسىز ءدىندى ۇستانعان ساتتەن، ەڭ الدىمەن سول ءدىن تۋرالى قىزىعۋشىلىق تانىتاسىز، بىلگىڭىز كەلەتىن سۇراقتار پايدا بولىپ، ىزدەنە باستايسىز. سول سەكىلدى ادام ىزدەنۋىنە بايلانىستى، بەلگىلى ءبىر دارەجەدە ءبىلىمى پايدا بولادى. ءدىن ۇستانعان كەزدە، ول ءدىننىڭ ۇستاناتىن سەنىم جۇيەسى، اتقارىلاتىن پارىزى، ىستەلىنەتىن كۋلتى (ءىس-قيمىل،رەتۋال) بولادى. ولاردى ءسىز ءبىلۋ دەڭگەيىڭىزگە قاراي بارىنشا اتقارۋعا تىرىساسىز. بىلمەگەن جايدايدا ىزدەنە باستايسىز، اينالاڭىزدا بىلەدى اۋ دەگەن ادامداردان سۇرايسىز، قانداي دا ءبىر وقۋ قۇرالدارىنان قارايسىز. ءسىز ءوزىڭىزدى ءداستۇرلى ءدىڭنىڭىزدى تولىققاندى ءبىلىپ، اق-قارانى اجىراتا بىلگەن كەزدە، قازىرگى تاڭداعى وزەكتىلىگى جوعارى بولىپ تۇرعان اداسقان اعىم ناسيحاتتاۋشىلار مەن دەسترۋكتيۆتى اعىمدارعا، تەرروريزم مەن ەكسترەميزم قۇربانىنا اينالمايسىز. سەبەبى، ءسىز ولاردىڭ ارام پيعىلىن، ءىس ارەكەت شيكىلىگىن ءبىلىپ تۇراسىز، سىزدە ءدىني ءبىلىم قالىپتاسقاندىق ەسەبىنەن. ءدىني يممۋنيتەت سول سەبەپتى ءار جان ءۇشىن قاۋىپسىزدىك قۇرالى ىسپەتتى. ويتكەنى، ءسىز ءداستۇرلى ءدىن مەن اداسقان اعىمدى ايىرا الاسىز. كوپ جاعدايدا ءدىني ءبىلىمى تاياز ادامدار وسىنداي دەسترۋكتيۆتى اعىمدارعا كىرىپ كەتىپ، اداسقان ادامدار ناسيحاتتاۋىمەن سولاردىڭ ەتەگىنەن ۇستاپ كەتە بارادى. ونداي ولقىلىق تۋىنداماس ءۇشىن ءار كەز ءدىني ءبىلىمدى جەتىلدىرىپ وتىرۋ قاجەت. ءدىني يممۋنيتەت قالىپتاسقان ادامدا، سانانىڭ تەز ۋلانۋى، جات قىلىقتارعا جول بەرمەۋ سەكىلدى ىستەرگە مويىنسۇنۋ ورىن المايدى.
ءالسىز، يممۋنيتەتى تومەن ادام تەز ءتۇرلى ۆيرۋستاردى تەز جۇقتىرادى ەمەس پە، سول سەكىلدى ءدىني ءبىلىمى تاياز ادام ساناسىن ۋلاۋ وتە وڭاي. دەسترۋكتيۆتى اعىمدار، تەرىس اعىمدى ۇستانۋشى ميسسيونەرلەرىنىڭ قاقپانىنا تەز تۇسەتىن ادامدار قاتارىنا كەلەسىدەي فاكتورلار اسەر ەتەدى: پسيحولوگيالىق ءالسىز ادام، ءوزىنىڭ سەنىم جۇيەسى جوق، رۋحاني قۇندىلىقتاردان بەيحابار، ۇلتتىق، وتباسى، اتا-بابا داستۇرىنەن مەڭگەرمەگەن جان. قاتە تۇسىنىكتەر قالىپتاسۋى دا وسىدان باستاۋ الادى. مىنە، ءدىني يممۋنيتەتى تومەندىگى وسىدان بايقاۋعا بولادى. ءدىني ۆيرۋستاردى دا جۇقتىرىپ، تاسمالداۋشى ادام بولعاندىقتان، ءار ادام ءوزى مەن وزگەدە ادام ءومىرىنىڭ ماڭىزى رەتىندە قاراعان ءجون. قوعام تيىشتىعى مەن اماندىعى- وسىپ-وركەندەۋ كەپىلى.
مەلىس ديانا (جاس ءدىنتانۋشى)
You Might Also Like
-
شىن سەزىم، مول ماحاببات بويمىزدا باقىتتى تۇرمىس قۇرۋ، ويىمىزدا ومىرگە بىرگە اتتاندىق جاقسى ۇمىتپەن كەل دوستار، شاقىرامىز تويىمىزعا.
-
ءدىن — ادام مەن قوعام ومىرىندە، حالىقتىڭ مادەنيەتى مەن داستۇرىندە تاريح قاتپارلارىمەن جالعاسىپ، ءالى كۇنگە دەيىن وركەنيەتتى ادامزات الەۋمەتىندە قاسيەتتى رۋحاني قۇبىلىس بولىپ وتىر.
