«ۇزدىك پەداگوگ-2022» بايقاۋىنا وتىنىمدەر سانى رەكوردتى كورسەتكىشكە جەتتى
«ۇزدىك پەداگوگ-2022» بايقاۋىنا قاتىسۋعا ەلىمىزدىڭ ءار وڭىرىنەن 5 مىڭنان استام ءمۇعالىم مەن تاربيەشى ءوتىنىم جولدادى. بۇگىنگى تاڭدا ەڭ بەلسەندى قاتىسۋشىلار الماتى مەن اقمولا وبلىسىنان.
ق ر وقۋ-اعارتۋ مينيسترلىگىنەن ءمالىم ەتكەندەي، بيىل وتىنىشتەردى قابىلداۋ ءتارتىبى اۆتوماتتاندىرىلىپ، اشىق وتۋدە. وتىنىمدەر سانى رەكوردتى كورسەتكىشكە جەتكەن.
كونكۋرسقا بالاباقشا، مەكتەپ پەن كوللەدجدىڭ شتاتىندا جۇمىس ىستەيتىن پەداگوگتەر قاتىسىپ جاتىر.
«بۇگىنگى تاڭدا https://teachercontest.iac.kz/ ۆەب-پورتالىندا بايقاۋدىڭ ءبىرىنشى جانە ەكىنشى كەزەڭىنە قاتىسۋ ءۇشىن 5،5 مىڭعا جۋىق ءمۇعالىم تىركەلدى. ەكىنشى، ياعني وبلىستىق كەزەڭگە قۇجات قابىلداۋ جالعاسىپ جاتىر. ول 30 قىركۇيەكتە اياقتالادى. بيىل بايقاۋعا قاتىساتىن ءار ءمۇعالىم ساۋالنامانى تولتىرعاننان كەيىن بايقاۋدىڭ ودان ارعى ديناميكاسىن باقىلاي الادى، ياعني قاتىسۋشىلاردىڭ قاي كەزەڭدە ەكەنىن، ساراپشىلار قانداي ۇپاي بەرگەنىن باقىلاي الادى. بۇل ءتاسىل بارلىق كەزەڭدە بايقاۋدىڭ اشىقتىعىن قامتاماسىز ەتەدى»، - دەيدى ق ر وقۋ-اعارتۋ مينيسترلىگى ورتا ءبىلىم كوميتەتىنىڭ ءتوراعاسى گۇلميرا كارىموۆا.
ايتا كەتەيىك، «ۇزدىك پەداگوگ» بايقاۋىنىڭ جەڭىمپازدارى 3 ملن تەڭگە كولەمىندەگى اقشالاي سىيلىقپەن جانە توسبەلگىمەن ماراپاتتالادى.
بايقاۋ ەرەجەلەرى تۋرالى قوسىمشا اقپارات وقۋ-اعارتۋ مينيسترلىگىنىڭ سايتىندا بار.
You Might Also Like
-
ق ر وقۋ-اعارتۋ ءمينيسترى اسحات ايماعامبەتوۆ مەكتەپتەردى كۇزەتۋ ءۇشىن ارنايى وقۋ-جاتتىعۋ وتكىزۋدى ۇسىندى. ونىڭ پايىمىنشا، مەكتەپتەردەگى مامانداندىرىلعان كۇزەت قىزمەتكەرلەرىنىڭ جۇمىسى كوڭىل كونشىتپەيدى.
