دجەك ما: ەگەر 35 جاسىڭىزدا ءسىز ءالى دە كەدەي بولساڭىز – وندا ءسىز بۇعان لايىقتىسىز
قىتايدىڭ ەڭ باي ادامى دجەك ما ءوز داۋلەتىن ينتەرنەت-ساۋدا ارقىلى جيدى. ونىڭ Alibaba دۇكەنى — e-commerce سالاسىندا ءىرى قىتايلىق جوبا، جانە جاقىندا ول ءبىر ساعات ىشىندە تاۋاردى $2 ملرد-قا ساتقان.
Cءىز ەشتەڭەگە تىرمىسپايتىندىقتان كەدەيسىز
Alibaba-نىڭ نەگىزىن قالاماس بۇرىن، مەن وسى بيزنەس-مۇمكىندىك جايلى تالقىلاۋ ءۇشىن 24 دوسىمدى شاقىردىم. ءبىز ەكى ساعات بويى اڭگىمەلەستىك، ءبىراق ولار بۇل جوسپارىما كۇمانمەن قارادى – مەن دە تۇسىندىرە الماعان شىعارمىن. ۇكىم: سول بولمەدە وتىرعان 24 ادامنىڭ 23ء-ى ماعان ءتۇرلى سەبەپتەرمەن بۇل جوسپاردان باس تارتۋىمدى ۇسىندى. مىسالى: «سەن ينتەرنەت جايلى ەشتەڭە بىلمەيسىڭ، جانە ەڭ باستىسى، سەنىڭ باستاپقىعا قۇياتىن قاراجاتىڭ جوق».
تەك ءبىر دوسىم عانا (سول كەزدەرى بانكتە جۇمىس ىستەيتىن): «ەگەر وسى ىسپەن اينالىسقىڭ كەلسە، ىستەپ كورەيىك. جولىمىز بولماسا دا، بۇرىنعى ىسىمىزگە قايتا ورالارمىز» - دەدى. مەن تۇنىمەن ويلانىپ، بۇل جوسپارىمدى 24 دوسىم قولداماسا دا، ءبارىبىر تاۋەكەلگە بارار ەدىم دەپ شەشتىم.
Alibaba ىسكە كىرىسكەن ۋاقىتتا دا، وتباسىم مەن دوستارىمنىڭ تاراپىنان ۇنامسىزدىققا تاپ بولدىم. ءقازىر وتكەنىمدى سارالسام، مەنى العا جەتەلەگەن ينتەرنەتتىڭ قۇدىرەتىنە دەگەن سەنىم ەمەس، «قانداي جۇمىسپەن اينالىسىپ جاتقانىڭىز ماڭىزدى ەمەس، تابىسقا جەتە الدىڭىز با، الدە ساتسىزدىككە ۇرىندىڭىز با، ەڭ باستىسى، تاجىريبە – بۇل جالپى تابىستىڭ فورمۋلاسى. ءسىز ءارى قاراي دا تىرىسىپ باعۋىڭىز كەرەك، ەگەر جولىڭىز بولماي جاتسا، ءاردايىم بۇرىنعى قالپىڭىزعا قايتىپ ورالا الاسىز» دەگەن تۇجىرىمعا سەنىمىم بولدى.
توماس لوۋرەنستىڭ مىنا ءبىر سوزىندەي: «ءار ادام ءتۇس كورەدى، ءبىراق اركىم ءارقالاي. قارا تۇندە ءتۇس كورگەندەر، تاڭ اتقان سوڭ تۇستەرىنىڭ كۇلگە ۇشقانىن كورەدى. ءبىراق اشىق كوزدەرىمەن، وڭىندە ءتۇس كورەتىندەر – ءقاۋىپتى ادامدار، سەبەبى ولار تۇستەرىن شىندىققا اينالدىرۋى مۇمكىن».
ادامدار ومىردە مىنا ءتورت سەبەپتەن جەڭىلىسكە ۇشىرايدى:
1) جاقىن بولاشاعىن عانا ويلايدى – مۇمكىندىكتەردى كورمەيدى.
2) مۇمكىندىكتەرىن لايىقتى باعالامايدى.
3) مۇمكىندىكتەردى تۇسىنبەيدى.
4) تەز ارادا قيمىلداي المايدى.
Cءىز ەشتەڭەگە تىرمىسپايتىندىقتان كەدەيسىز
تىرمىساتىن ادام بولۋ – دەمەك ۇلى يدەيالارمەن ءومىر ءسۇرۋ، ۇلكەن ماقسات قويا ءبىلۋ. بۇل الەمدە سىرى تانىلماعان، تۇسىنىكسىز زاتتار بار، ءبىراق قول جەتىمسىز ەشتەڭە جوق. بولاشاعىڭىزدىڭ قانداي بولارىن العا قويعان ماقساتتارىڭىز بەن سوعان جەتەمىن دەگەن سەنىمىڭىز انىقتايدى.
بۇعان — قىتايدا العاشقىلاردىڭ ءبىرى بولىپ مامانداندىرىلعان باسشى اتانعان — دجۋليەت ۆۋ شيحونگتىڭ وقيعاسى دالەل بولا الادى. ول ءوز-وزىن دامىتۋ مەن ۇزدىكسىز ءبىلىمىنىڭ ارقاسىندا ەدەن جۋۋشىدان باستاپ، كۇتۋشى، ماركەتولوگقا دەيىن كوتەرىلىپ، ال كەيىن جوعارى بىلىكتى مامان رەتىندە مويىندالدى.
ول ەڭ تانىمال مۋلتيۇلتتىق IT-توپتاردى باسقاردى (Microsoft 1985-1998؛ IBM 1998-1999). ۆۋ قىتايدىڭ ەكونوميكالىق رەفورمالار مەن الەمگە اشىلۋى كەزەڭىندە پايدا بولعان بيزنەس-باسشىلاردىڭ جاڭا تولقىنىنىڭ سيمۆولى بولدى.
ونىڭ ءمانساپ جولى ءىرى كومپانيانىڭ ەڭ لاس جۇمىسىن ىستەۋدەن باستالدى، ونىڭ مىندەتىنە شاي قۇيىپ، ەدەن جۋۋ كىرەتىن. ءبىر كۇنى، ول ءتولقۇجاتىن ۇمىتىپ كەتىپ، كۇزەتشى ونى ىشكە كىرگىزبەيدى. ول راسىندا وسى كومپانيانىڭ قىزمەتكەرى ەكەنىن جانە كەڭسە زاتتارىن ساتىپ الۋ ءۇشىن عانا شىققانىن تۇسىندىرەدى. ءبىراق قانشا جالىنسا دا كۇزەتشى ونى كىرگىزبەيدى. وسىلايشا، ەسىكتىڭ جانىندا تۇرىپ، ۆۋ قاتارلاستارىنىڭ ادەمى كيىنىپ، ىشكە ەش رۇقساتسىز كىرىپ جاتقانىن بايقايدى. كۇزەتشىدەن، ولاردان نەگە قۇجات سۇرامايسىڭ دەگەندە عانا كۇزەتشى وعان كىرۋگە رۇقسات ەتەدى.
بۇل كەلەڭسىز جاعداي ۆۋعا قاتتى اسەر ەتەدى، ول ءوزىن كەرەكسىز ادام سەزىنەدى. وزىنە سىرتتان قاراسا: ولپى-سولپى كيىمدە، كىر اربانى ايداپ جۇرگەنىن كورەدى. الدىندا عانا ىسكەر كيىنگەن قاتارلاستارىمەن ءوزىن سالىستىرىپ، ونى كەمسىتىپ جاتقانداي سەزىنەدى. وسى ساتتەن باستاپ ۆۋ وز-وزىنە سەرت بەرەدى: بۇدان بىلاي ءوزىن قورلاتپاۋعا جانە الەمگە تانىمال بولۋعا.
سودان بەرى ونى العا جەتەلەيتىن مۇمكىندىكتەردى جىبەرمەيدى. كۇندەلىكتى ۆۋ جۇمىسقا بارىنەن ەرتە كەلەتىن بولادى جانە بارىنەن كەش كەتەدى. ول ءاردايىم ۇيرەنۋگە تالپىنىپ تۇرادى، وسىلايشا كوپ ۇزاماي تالپىنىسى لايىقتى باعالانادى: ول ساتۋ بويىنشا مەنەدجەرگە كوتەرىلەدى، ال كەيىن — قىتايداعى ايماقتىق مەنەدجەر بولادى. ونىڭ سوعان ساي ءبىلىمى دە بولماعان، سول سەبەپتى ونى «پارت-تايمەرلەر حانشايىمى» دەپ اتايتىن. ۋاقىت وتە كەلە قىتايدا IBMء-دى باسقارادى. بۇل جۇڭگو ىسكەر ورتاسىنىڭ كەيىپكەرى ۆۋ شيحونگتىڭ ءومىربايانى.
بۇل جاعداي بولماعاندا، ۆۋ شيحونگتىڭ باي-قۋاتتى بولۋعا سەنىمى مەن قالاۋى ەشقاشان جەتپەس ەدى، جانە ءومىرى دە تىپتەن باسقاشا ءوربيتىن ەدى.
— ءسىز كەدەيسىز، ويتكەنى تابىستى بولۋدى قالامايسىز.
— ءسىز كەدەيسىز، ويتكەنى بولاشاقتى بولجاۋعا تىرمىسپايسىز.
— ءسىز كەدەيسىز، سەبەبى قورقىنىشىڭىزدى جەڭە المايسىز.
— ءسىز كەدەيسىز، ويتكەنى جىگەرلىك پەن ماقساتىڭىزعا ۇمتىلىسىڭىز جەتكىلىكسىز.
— ماقساتقا ۇمتىلۋ بارلىق جاعدايلاردان بيىك بولىپ، كۇش-قۋاتىڭىزدى بارىنشا دامىتۋعا كومەكتەسەدى.
— ماقساتقا ۇمتىلۋ ءاردايىم ءبىلىمىڭدى جەتىلدىرىپ وتىرۋعا جانە ادەمى ءومىر سۇرۋگە كومەكتەسەدى.
— ماقساتقا ۇمتىلۋ بارلىق كەدەرگىلەردى ەڭسەرىپ، باسقالار ءتىپتى ارمانداۋعا دا قورقاتىن عاجايىپتاردى ىسكە اسىرۋعا كومەكتەسەدى.
وتباسىڭىز قانشالىقتى كەدەي ەكەنى ماڭىزدى ەمەس، ءوز قابىلەتىڭىزگە كۇمان كەلتىرمەڭىز جانە الدىڭىزعا ماقسات قويىڭىز.
— ەگەر وتباسىڭىز ءسىزدى لايىقتى باعالاماسا، بۇل اياۋشىلىققا سەبەپ ەمەس.
— ەگەر اتا-اناڭىزدىڭ مەديسينالىق شوتتاردى تولەۋگە اقشاسى جوق بولسا، ءسىزدى ەشكىم ايامايدى.
— ەگەر باسەكەلەستەر ءسىزدى باسىپ وزسا، بۇل ءسىزدى مۇسىركەۋگە سەبەپ ەمەس.
— ەگەر جاقىن ادامدارىڭىز ءسىزدى تاستاپ كەتسە، ەشكىم سىزگە اياۋشىلىقپەن قارامايدى.
— ەگەر 35 جاسىڭىزعا دەيىن ەشتەڭەگە قول جەتكىزبەسەڭىز، ەشكىم ءسىزدى ايامايدى.
وقۋعا كەڭەس بەرەمىز:
ازيانىڭ ەڭ باي ادامدارىنىڭ ءبىرى دجەك مانىڭ جەتىستىككە جەتۋ تاريحى
مىندەتتەردى قالاي جەڭىلدەتۋگە بولادى؟
7 پايداسىز ارەكەتتەن باس تارتىپ، ءومىرىڭدى وزگەرت
ءومىرىڭىزدى قۇر وتكىزىپ جاتقانىڭىزدىڭ 13 بەلگىسى
جالقاۋلىقتى جەڭۋدىڭ ەڭ جاقسى ءادىسى
ءسىز نەگە ءالى كۇنگە دەيىن باي ەمەسسىز: 7 سەبەبى
You Might Also Like
