InfoHub Logo

بايدىبەك اۋىلدا جوقتا قىرعىز اققوشقار باستاعان جاۋلار ونىڭ جىلقىسىن الىپ كەتەدى. ماساتتانعان جاۋلار دومالاق انانىڭ قونىسىنان سۋسىن ىشكەن سوڭ، قايىر-ساداقا رەتىندە شاپقان مالدان ءبىر جىلقى قالاۋىن وتىنەدى.

سوندا نۇريلا بەلبەۋىن اقجال سارى ايعىردىڭ موينىنا سالىپتى دەيدى. جانۋار شەشەمىزدىڭ بەلبەۋىن سالعاندا تىرپ ەتپەي تۇرىپ قالىپتى دا، جەتەككە ءجۇرىپتى. ءبىراز ۋاقىت وتكەن سوڭ بايدىبەكتىڭ سارىبايبىشەدەن تۋعان التى ۇلى سالىپ ۇرىپ جەتتى دەيدى. ولار دومالاق انانى كورىپ:

— ءاي، توقال، ءبىزدىڭ جىلقىنى قۋعان جاۋ قالاي قاراي كەتتى؟ — دەسەدى ات ۇستىنەن.

— شىراقتارىم، اتتان تۇسىڭدەر. جىلقىنىڭ ءتۇپ قازىعى بىزدە، ءوزى-اق كەلەدى. سوڭىنان قۋىپ اۋرە بولماي-اق قويىڭدار. قۇر بەكەر مەرت بولاسىڭدار، — دەيدى نۇريلا. جىگىتتەر:

— وي، وسىنىڭ ءوزى دۇشپان، ايتىپ تۇرعان ءسوزىن قاراشى، — دەپ التى ۇل الدى-ارتىنا قاراماي اتتانىپتى. اۋدەم ۋاقىتتان سوڭ بايدىبەكتىڭ ءوزى كەلىپتى سالىپ ۇرىپ:

— جاۋ قايدا كەتتى؟ دومالاق انا:

— بايەكە، جاۋدى قۋىپ اۋرە بولماڭىز. مالىڭىز بۇگىن تاڭنان قالماي ءوزى كەلەدى. التى ۇلىڭ مەنىڭ ءتىلىمدى الماي كەتتى. بەكەرگە مەرت بولاتىن بولدى. انامىز ايتقانداي، تاڭ اتا بەرە جەر سىلكىنگەندەي ءدۇرسىل ەستىلەدى. بايلاۋلى تۇرعان اق جال سارى ايعىر كىسىنەپ جىبەرەدى. قاراسا بارلىق جىلقى تۇپ-تۇگەل قايتقان ەكەن. مالدىڭ قازىعى اق جال سارى ايعىر تۇرعان جەرگە جىلقى بالاسى قايتىپ ورالعان. ال سارىبايبىشەنىڭ التى ۇلى جەر جاستانعان.

---