بوزايعىر (ءى نۇسقا)
بۇل كۇيدى ەرتەدە «الاتاۋ اسقان بوز تارلان» دەپ تە شەرتكەن ەكەن بابالارىمىز، — دەيدى باعانالى اقساقال. تۇلعاسى كەسەك جانۋار ءبىر توپ جىلقىمەن بىرگە جوعالادى. جىل ۋاعىنا دەيىن ىزدەۋ سالىنىپ، تابىلماعان ايعىردى «قولدى بولدىعا» جورىپ قويادى. سونىمەن جىل ۋاعىنان اسقاندا ەل جايلاۋعا قونىپ جايعاسقان كۇندەردىڭ بىرىندە، بيەنىڭ ەكى ساۋىمىنان كەيىن الىستان ءبىر بوز جىلقى قۇيىنداتىپ كەلە جاتادى. جەلى باسىنان كوز تىككەن جىلقى يەسى: «يا، ءپىرىم-اۋ! مىناۋ نە جىلقى بولدى ەكەن؟ تۇلعاسى تىم كەسەك قوي»، — دەپ تاماشالاپ تۇرادى. ءسويتس الگى كوزدەن عايىپ، كوڭىلدەن ۇمىت بولا باستاعان بوزايعىر بولىپ شىعادى. بوزايعىر كىسىنەپ كەپ، جەر تارتىپ جەلى باسىنا كولدەنەڭ تۇرا قالادى. جال-قۇيرىقتان ايرىلعان، كوك شولاق بولىپ وزگەرگەن. باسىندا نوقتانىڭ جۇرناعى عانا قالعان. كوزىنەن قاندى جاس پارلايدى جانۋاردىڭ. «قۇرۋلاعان» يەسى دە جىلاپ كورىسەدى.
You Might Also Like
-
ارعى، الىس زاماندا قازاق دالاسىندا بارىمتا-سىرىمتا دەگەن بولماپتى. ول كەزدە جاۋدى الىستان كۇتىپ، ءبىر جاعادان باس، ءبىر جەڭنەن قول شىعارعان زامان ەكەن. تىپتەن، الالى جىلقىنى بارىمتالاۋ بىلاي تۇرسىن، ...
-
بايدىبەك اۋىلدا جوقتا قىرعىز اققوشقار باستاعان جاۋلار ونىڭ جىلقىسىن الىپ كەتەدى. ماساتتانعان جاۋلار دومالاق انانىڭ قونىسىنان سۋسىن ىشكەن سوڭ، قايىر-ساداقا رەتىندە شاپقان مالدان ءبىر جىلقى قالاۋىن ءوت...
